طريقة فحص عطل مؤشر البنزين والعوامة

[nicegypt]

انا عندي الراجل بتاع العفشة فك التنك وجه يركبه تاني العداد مش عايز يشتغل وفضلنا نحط السلكين دول يمين وشمال مفيش اي حاجة مع انه كان شغال قبل ما يفك مش عارف ايه اللي حصل والراجل اللي اشتريت منه العربية فاصل الخرطوم بتاع الفايظ وحاتط مسمار مش عارف ليه تفتكر انا لو وصلته هيحصل حاجة ولو لاغيه لاغيه ليه معلش لو حد يعرف ياجماعة

ممكن يكون السلك ناشف الخاص بضفيرة التنك واتقطع من النص ارفع الفرش ف ضهر الكراسي وامشى معة واتأكد انة سليم وخلي كهربائى يبص علية بلمبة التيست هيقولك المشكلة بالظبط

بالنسبة لخرطوم الفايظ الخاص بالبنزين .. هو كدة ملغي عندك .. هتحس بأستهلاك زيادة ف البنزين بس
والعربة هتشرق منك لو دوست كتير وانت بتدورها .. لو عايز ترجع كل شيئ لوضعة قصة طويلة شوية
هتشوف الكربراتير معمولة طبة ولا لاء .. لو فية طبة هتشيلها وتتأكد ان الكربراتير شغالة تمام
والعوامة شغالة والابرة مظبوطة بتاعة الكربراتير .

بعد كدة هتتأكد ان خرطوم الراجع مفهوش اي شقوق او مقطوع من اول الحوض لحد التنك
بعد كدة هتوصل الراجع بالتانك وتوصل الطرف الاخر ف الكربراتير وتراقب الموقف ليومين
للتأكد من عدم التسريب وتراقب استهلاك البنزين

[amz2011]

باشا

[houras1010]

الله ينور عليك

[askanas]

really good topic thanks keep it up

[galal123]

السلام عليكم يا هندسه مجهود رائع لو سمحت الصور مش ظاهره ممكن حضرتك ترفعها مره تانى اكون شاكر انا عندى مشكله نوبيرا 2 موشر البنزين ثابت فى النص ولا بيطلع ولا بينزل حتى لو طفيت العربيه خالص
يا ترى المشكله فى العداد ولا ايه ؟؟؟

[nicegypt]

السلام عليكم يا هندسه مجهود رائع لو سمحت الصور مش ظاهره ممكن حضرتك ترفعها مره تانى اكون شاكر انا عندى مشكله نوبيرا 2 موشر البنزين ثابت فى النص ولا بيطلع ولا بينزل حتى لو طفيت العربيه خالص
يا ترى المشكله فى العداد ولا ايه ؟؟؟

استاذ جلال .. اتأكد ان الفيوز شغال مضربش .. بعدها فك الكنبة وشوف الفيشة راكبة بشكل سليم ولا لاء المفروض حتي وهي مبطلة يبقي عدادك شغال لو نوبيرا 2

[galal123]

شكرا يا هندسه هجرب واشوف ومعلومة ان المؤشر بيفضل شغال والعربيه بطاله جديده عليا ...طيب لو تكرمت ازاى اختبر المؤشر في النوبيرا 2 سواء حركة المؤشر ناحية الصفر او ناحية الفل تانك ممكن تشرحلى اى اسلاك الفيشه والوانها اللى المسها مع الارضى ...اسف على الأطاله