رعشة مستمرة

[bassem besso]

مساء الخير على الى موجودين.......انا عندى مشطلة كبيرة و تعبانى جدا ....فى رعشة بالسيارة لما تسخن و هى باردة مفيش اى رعشة بتزيد بس مع السخونة الرعشة فى جسم السيارة كلها حتى فى نور الفوانيس الامامية الرعشة دى و السيارة وقفة او ماشية على السلانسية بس ...لاكن لما ازود بنزين الرعشة تختفى تماما ولما اكون ماشى على سرعة عالية مفيش رعشة خالص .... وكمان لما مروحة الردياتير تشتغل ال rbm ينزل و العربية ترعش جامد و يطلع تانى و كذلك عند رفع الزجاج الكهرباء او النور العالى او المساحات كله ده و العربية واقفة بدون زيادة بنزين و هى سخنة فقط ......ترجو الرد منكم لانى حاسس انها مشكلة كبيرة

[bassem besso]

مع العلم انا عملت قياس للدينامو و البطارية طلعوا تمام وهو دة الى عمللى قلق .....ارجو الرد

[bassem besso]

ارجو الرد من فضلكم ,,,,,,وشكرا

[abo_kanze]

السلام عليكم...

اذا حضرتك شغلت النور العالي والعربيه واقفه ورعشت ..ده والله اعلم البطاريه امبيرها واطي

في حالة انه الدينامو شحنه تمام..او ممكن يكون كبل الارضي والكهربا بتاع العربيه عايزين شوية تقريط ,مع تنظيف...حد علمي والله اعلم.

[aldesha989]

لو الرعشه دى زى ما انتا بتقول مع الكهرباء وكأن العربيه عايزه تبطل بس يبقى زى ما ابو كنزى قالك

لو الرعشه دى على السلانسيه من غير اى حاجه يبقى بص على قواعد الماتور

[azwoz65]

لو الرعشه دى زى ما انتا بتقول مع الكهرباء وكأن العربيه عايزه تبطل بس يبقى زى ما ابو كنزى قالك

لو الرعشه دى على السلانسيه من غير اى حاجه يبقى بص على قواعد الماتور

كلام مظبوط

[yousefsemsem]

علي العربيه شويه هتظبط معاك كان عندي كده

[borio1704]

زي ما قال الأستاذ yousefsemsem

الموتور عند حضرتك واطي في السلانسيه أو الهواء مش مظبوط .. ده بافتراض إن عربيتك كربيراتير

المفروض إن عداد الـRPM يشاور على 800 - 900 - يعني قبل علامة الـ 1 مباشرة - من غير أي رعشة

بس عايز أسأل حضرتك سؤال... هو الموتور لما بيبقى سخن... عداد الحرارة بيبقى مشاور على النص ولا على الربع اللي تحت؟؟؟



...

[bassem besso]

انا متشكر لكل اللى رد عليا ..... بس انا عايز اوضح حاجة انا غيرت قواعد موتور كلها و نضفت الانجكشن و روحت لكهربائى و ميكانيكى و مفيش رد و عليت الموتور بس انا معنديش كربراتير نوع العربية اكسنت 1999 -1500 ياريت سرعة الرد لان الرعشة دى حاجة رخمة اوووى ....وشكرا

[azwoz65]

متابع باهتمام

[mohmmedzohier]

السلام عليكم

بالترتيب شيك على كوابلللللل الارضى كويسس اوى

هات لمبه وشوف فى اى ماس فى العربيه


نظف حساس الايدل والبوابه

تغير حساس البوابه

وغالبا هيكون فى قفله فى العربيه

[mama1979]

دى مشكلة كهرباء بتقل يا اما البطارية او الدينامو ان شاء الله مش هتخرج عن كده

فك قواطيش البطارية من البطارية وكذلك من الكابلات وقم بغليها ووضع خل فى الماء ، فمن الممكن ان يكون هناك املاح فى مكان ربط الكابلات او اطراف البطارية