لية الكلاكس علية كتاوت؟

[alaa.derma]

السلام عليكم
انا عندى كلكسين متوصلين مع بعض واحد صوته تخين وواحد رفيع
ومعاهم متوصل كتاوت ليها اربع فرد

المشكلة الكتاوت دة عاملة وصلات سلوك كتير وفيها لحامات سلوك وعاملة دربكة فى الحوض
السؤال هنا من فضلكم

اية لازمت الكتاوت على الكلاكس ولو شيلتها فى مشكلة؟؟

[abo_kanze]

السلام عليكم..

الكلاكس بيقوي الكهرباء اللي رايحه للكلاكس..

بيحمي الطاره او الدراع اللي حضرتك بتدي كلاكس منه..

حد علمي والله اعلم

[akmm]

السلام عليكم..

الكلاكس بيقوي الكهرباء اللي رايحه للكلاكس..

بيحمي الطاره او الدراع اللي حضرتك بتدي كلاكس منه..

حد علمي والله اعلم

تحياتى الكتاوت مش بيقوى الكهرباء ولكن هو بيحافظ على تدفقها للكلاكس او خلافه بفولت ثابت لازياده فيه وبكده بيعطى الكلاكس كل احتياجاتهمن الكهرباء بانتظام حال الضغط على الزرار الخاص بتشغيل الكلاكس وبالتالى إنتظام صوته ... وفعلا بيحافظ على المفتاح او زراع النو من الإجهاد الكهربائى الزائد وبالتالى يحفظه من التلف .

[abo_kanze]

السلام عليكم ,,,

حضرتك بتتكلم بشكل عام ,,, يعني اي كتاوت ليس له علاقه بتقوية الكهرباء؟

[sfgtrehk]

تحياتى الكتاوت مش بيقوى الكهرباء ولكن هو بيحافظ على تدفقها للكلاكس او خلافه بفولت ثابت لازياده فيه وبكده بيعطى الكلاكس كل احتياجاتهمن الكهرباء بانتظام حال الضغط على الزرار الخاص بتشغيل الكلاكس وبالتالى إنتظام صوته ... وفعلا بيحافظ على المفتاح او زراع النو من الإجهاد الكهربائى الزائد وبالتالى يحفظه من التلف .

شكرا للمعلومة الحلوة دى

يعنى اى كتاوت دورها تثبت الفولت

[aw2100]

شرح للكتاوت !! هو عبارة عن مفتاح كهربائى يتم التحكم فية بامبير ضعيف فى حدود 0.5 امبير من زرار عادى او طارة الدركسيون او زراع الكلاكس او زراع النور ليعطى تيار عالى فى طرف الخروج حسب المصمم علية وهو بالنسبة لكتاوت الكلاكس العادى 15 امبير و الكتاوت البرميل 40 امبير للكلاكسات الكبيرة وكتاوت الأنوار 30 امبير ولكم تحياتى !!!

[akmm]

شرح للكتاوت !! هو عبارة عن مفتاح كهربائى يتم التحكم فية بامبير ضعيف فى حدود 0.5 امبير من زرار عادى او طارة الدركسيون او زراع الكلاكس او زراع النور ليعطى تيار عالى فى طرف الخروج حسب المصمم علية وهو بالنسبة لكتاوت الكلاكس العادى 15 امبير و الكتاوت البرميل 40 امبير للكلاكسات الكبيرة وكتاوت الأنوار 30 امبير ولكم تحياتى !!!

يعنى فى النهايه بيحافظ على شده التيار دون زياده ......... نفس الفكره وعلشان كده تلاقى اختلاف قوه وحجم كل كتاوت عن التانى يعنى كتاوت النور اكبر من كتاوت الكلاكس اكبر من كتاوت الدينامو ....

[abo_kanze]

يعنى فى النهايه بيحافظ على شده التيار دون زياده ......... نفس الفكره وعلشان كده تلاقى اختلاف قوه وحجم كل كتاوت عن التانى يعنى كتاوت النور اكبر من كتاوت الكلاكس اكبر من كتاوت الدينامو ....

السلام عليكم ,,,الصنايعيه حضرتك لما بيركبوا كتاوت للنور مثلا الفرده الخارجه من الكتاوت ورايحه ع اللمبه بتكون فرده محملــه والفرده الكهرباء العمومي اللي داخله للكتاوت بتكون فرده محملــه..اما الفرده اللي بتكون واصله من الدراع للكتاوت...اللي بتلقط للكتاوت مش بغيروها بفرده محمله والسبب ان الفرده بتكون وظيفتها بتقفل الدايره او بتدي اشاره زي ما حضرتك عارف ,,,
لو ركبوا فرد مش محملــه اللمبات اللي في الفوانيــس مش هاتنور بنفس القوه ...

كلامي يحتمل الخطا بنسبة 100%,,وممكن يكون صــح ...لك مني اجمل تحيــه ...

[ahmed_h_g]

القصه كلها انك لما بتدوس على الكلاكس بتلمس طرفين ببعض بيعملوا دائرة مقفوله مع البطارية والكلاكس فيشتغل الكلاكس
لما بتحصل الحركه ديه بيحصل شرز جامد بين الطرفين وده طبعا" مشكله وبيقلل عمر طرفين التلامس + بيمرر تيار ضعيف لضعف سمك الريشتين
الحل هو ملف كهربى عند توصيله بتيار كهربى ينتج منه مجال مغناطيسى يعمل على جزب طرف متحرك لطرف ثابت ليحدث التلامس
وبكده يبقى نوصل طرفين الكلاكس مع مصدر تيار ولو ضعيف لتتم عملية توليد المجال المغناطيسى ويتم غلق الدائرة الأخرى الموصوله بالطرفين المتلامسين نتيجة المجال المغناطيسى + فردتين الكلاكس
فتقدر تستفاد بالتيار الخارج من البطارية لفردتين الكلاكس بدون فقد يذكر






معلش أنا عكيت شويه لغه عربيه على مهلبيه ويارب أكون وصلتلك الفكره :)

[abo_kanze]

مشكور جدا حضرتــك ,,,

كلام موثق بالصور ,, مشكور ع المجهود المبذول..

بس السؤال ليه بيحطوا اسلاك محملــه في الخارج بتاع الكتاوت والداخل بتاع الكهربا العمومي؟

[ahmed_h_g]

قطر السلك بيتحسب على الحمل
يعنى مينفعش أوصل مروحة ردياتير على سلك 1مم علشان بتحتاج تيار كبير فالسلك هيسخن ويسيح
وفى نفس الوقت مينفعش أوصل لمبة نور الصالون ال5 وات بسلك محمل 3 مم
اللمبه هتشتغل عادى ولكن مش هتحتاج سلك أكتر من 1مم فالسلك ال3مم فيها مالوش لازمه تكلفه عالفاضى
فكل ما الحمل بيزيد بيحتاج قطر سلك أكبر يمرر فيه التيار اللى بيغذيه
وطبعا" الكتاوت فى أنواع كتير بتستحمل معظم التيارات للأحمال الكبيرة والصغيره

[ahmed_h_g]

[abo_kanze]

الله ينور عليك يا اخ احمــد

انا بحب كهرباء السيارات وبدعي اني بفهم فيها شويه ,,,

ورائ يحتمل الصواب والخطأ

يعطيك العافيه...

معلش هو حوار ومفتوح ....كتاوت النور اللي هو اخر كتاوت حضرتك منزل صورة ليه

لو عملنا توصيلاته باسلاك قطرها 1 مم...او 2 مم مثلا ,,,اللمبات اللي في الفوانيس هاتدينا اضاءه مثل لو عملنا التوصيلات بـ اسلاك 3 مم؟

انا معلوماتي انه هاتكون الاضاءه افضل بالاسلاك ال 3 مم مثلا عن الاسلاك اللي قطرها 2 مم..

[ahmed_h_g]

اللمبات اللى هتركبها كام وات

[ahmed_h_g]

أأنا هكتبك ازاى تحسبها علشان يبقى عندك القوانين
لو عندك ماكينة أو موتو أو أى حمل بيستهلك 500 وات وعاوز تعرف تستخدملها سلك كام ملي ومصدر جهد 12 فولت مثلا"
القانون بيقول الوات على الفولت يساوى التيار
يبقى 500/12=41.666 ملي أمبير نقول تقريبا" 41.7 ملي أمبير
نقسم الأمبير على 5 يطلعلى قطر السلك المطلوب بالملي متر
يبقى 41.7/5= 8.34يعنى نقول سلك 8.5 ملي يشغلها ولو مفيش 8 وفيه 10 مم يبقى تمام برضه يشغلها
لكن سلك قطره 5مم يسخن وممكن يعمل شورت ويتحرق ويحرق الدائرة كلها