العربيه عطلانه مارش

[LinuxMan]

السلام عليكم
عربيتي فورد اسكورت 1600 سي سي كربراتير
نا عندي مشكلة غبيه اوي وعشوائيه
المشكله اني لما باجي ادور العربية مش بتجيب مارش خالص يعني اخرها الكونتاكت والتكه التانيه مش بتسمع دوارة المارش ... ودتها لكذا كهربائي كل واحد يلعبلي في حاجه ويقولي هتمشي معاك تمام وفعلا تمشي يومين تلاته واحيانا شهور والمشكلة ترجع بشكل عشوائي تاني .. كشفت علي البطارية وشحن الدينامو وكله سليم واخرهم الاسطي قالي الكهربة عندك مبهدله ومحتاج تغيير علبة فيوزات والدنيا دي هتكلف 500 جنيه طبعا غير تمن علبة الفيوزات

دلوقتي العربية عطلانه ولازم تدور زق ودي مشكله كبيرة عندي ل.. هل في طريقه تانيه ادور بيها العربية عشان اوديها لحد

[Maged_Samy]

اتأكد الاول ان البطارية مشحونة ( اضرب كلاكس - نور العالى )
لو البطاريه مش سليمة يبقى اكشف عليها وعلى شحن الدينامو .
لو البطارية سليمة ممكن يكون اتوماتيك المارش او الشربون هو السبب وده سهل
لو فقدت الامل فى مارشك ممكن تجيب واحد استيراد ..

[LinuxMan]

اتأكد الاول ان البطارية مشحونة ( اضرب كلاكس - نور العالى )
لو البطاريه مش سليمة يبقى اكشف عليها وعلى شحن الدينامو .
لو البطارية سليمة ممكن يكون اتوماتيك المارش او الشربون هو السبب وده سهل
لو فقدت الامل فى مارشك ممكن تجيب واحد استيراد ..

شكرا لردك يا باشا
نسيت اقول اني البطارية تمام والنور العالي والكلاكس شغالين ميه ميه

طيب بالنسبة لموضوع الاتوماتيك في كهربائي قالي اوصل سلك مباشر من البطارية للمارش وهي تدور من غير زق ... بس مش عارف اعملها ازاي عندك حل ادورها من غير زق