الموبينة والاسبراتير

[toba_m]

السلام عليكم
انا عايز ياجماعة مساعدتكم
عربيتي 131 وطبعا انتو عارفين
المشاكل المتعلقة بالابلاتين والكوندنسر
ده غير تأثيرها على سحب العربية
وقريت قبل كده على موضوع جهاز الاشعال الاليكتروني
أو الابلاتين الالكتروني وعجبني الموضوع ده

Electronic Ignition Conversion Kits, Distributors, Ignition Coils for VW, Volkswagen, Porsche, Audi, BMW, Volvo-Penta, Mercedes, Saab, Bosch, Ford, Autolite, Mallory, Prestolite, Delco, GM, Chevrolet, Honda, Nissan, Datsun

http://www.nilemotors.net/Nile/92011-a.html



وفكرت برده في موضوع التغيير لاسبراتير وموبينة الكتروني
بس زي مانتو عارفين الصنايعية قالولي ان
تركيب الاسبراتير الالكتروني ده حوار
ولازم تفور الترس بتاعه عشان تركب عليه
الترس بتاع عربيتك ومش عارف كلامهم صح
ولا غلط فطبعا معملتش حاجة في الموضوع ده

فايه رأيكم ياجماعة في الموضوع ده
انهي الاحسن فيهم

[alking_2006]

سمعت عنه بس بردو سمعت انه مشاكله العن من الابلاتين و الكوندنسر
انا شايف الحل بيتلخص فى حاجتين
1- الواحد يشترى انواع نظيفه غير الانواع اللى منتشرة فى السوق
2- تغييرهم فى ميعاد الصيانة الدورية بتاعهم (صيانة وقائية) كل 10 او 20 الف حسب عربيتك

و عن نفسى دا اللى انا بعمله عندى

[toba_m]

سمعت عنه بس بردو سمعت انه مشاكله العن من الابلاتين و الكوندنسر
انا شايف الحل بيتلخص فى حاجتين
1- الواحد يشترى انواع نظيفه غير الانواع اللى منتشرة فى السوق
2- تغييرهم فى ميعاد الصيانة الدورية بتاعهم (صيانة وقائية) كل 10 او 20 الف حسب عربيتك

و عن نفسى دا اللى انا بعمله عندى

متشكر لرد حضرتك ووجهة نظر بردو

بس المشكلة اني من البحر الاحمر
يعني صعب تلاقي حاجة نظيفة
أغلب التجار هنا بيسترخصو
ويجيبو الحاجات التعبانة
عشان عارفين الناس هنا
حتبقى مضطرة تاخدها عشان تمشي حالها
ولو عايز حاجة كويسة يبقى
استنى بقى لما يبعتلك عليها من القاهرة
وياعالم بقى عربية الشحن حتيجي امتى
يعني حاجة حماده خالص

ده غير انالرطوبة هنا عالية فالابلاتين والكوندنسر
مش بيريحوني نهائى
ويومماربنا يكرمهم كده ويبقى مش عايزين يتغيرو
بيبرجلولي العربية
فعشان كده بدور على حل تاني غيرهم للافضل

[Zing0]

يا راجل حاجه نضيفه أيه, المستورد الـ .... (مش نضيف أوى يعنى) بيجيب زبالة الصين و يكتب عليها فى مخازن (ضرب البضائع) إنها صناعة فرنسى و إنجليزى.
و بعد كدة تطلع تتركن فى ظروف تخزين زى الزفت , و توصل للزبون مرطبه و تقريباً باظت.
أنا إشتريت أبلاتين يوم الجمعة على يوم الإثنين كان لادع !!!!!