فى مشكله لو ركنت العربيه شهر من غير بطاريه ؟

[a raafat]

السلام عليكم

انا يا جماعه البطاريه عندى نايمه وحاليا اديتها لسواق يشحنها ويسوق بيها شويه لو أشتغلت يبقى كويس لو مشتغلتش بقى وهحتاج واحده جديده انا محتار لانى خلال شهر رمضان تقريبا مش خارج بالعربيه خلاص ولو خرجت هيبقى غصب عنى لمجرد انى امشيها عشان البطاريه متنمش طيب بما انى مش هخرج بالعربيه وهركنها ينفع اسيب العربيه من غير بطارريه وابقى اشترى البطاريه بعد رمضان بدل ما اجيب واحده واتطر كل تلات ايام انزل اسخنها وبتاع ؟ ولا فى مشاكل لو العربيه فضلت مركونه ومبتدورش شهر كامل مع العلم انى اصلا مش بخرج بيها كتير تقريبا بخرج مره ف الاسبوع بس

حاجه تانيه لو البطاريه الحاليه اتشحنت واشتغلت دلوقتى اعمل ايه خلال شهر رمضان عشان احافظ عليها وانا المفروض انى مش ناوى اخرج بالعربيه ؟

[YHYAKOTB]

اشحنها وسيبها برة العربية زى منتا عاوز

[Land_Cruiser]

مفيش مشكله من ركن العربيه بدون بطاريه .. ده حتي اليومين دول أأمن علي العربيه :) . بالنسبه للبطاريه بتاعه حضرتك خللي السائق يمشي بيها مجموعه مشاوير و بعد كده اكشف عليها عند بتاع بطاريات و شوف هي سليمه و لا لأ. علي فكره لو جبت بطاريه جديده جافه ممكن تسيبها شهر في العربيه عادي من غير ما تدورها و انا عملت الحركه دي قبل كده عادي

[tone]

طالما العربية واقفة يبقى مش الوقتي

[Magoda]

هو فى حلين 2
الاول:- شيل كابل وسيبها زى مهيا ومش هيحصلها حاجه
الثانى :- شيلها فى البيت عندك عشان السرقه
ومش تقلق البطاريه مش هتنام ولا حاجه
تحياتى

[a raafat]

تمام يا جماعه بشكركوا عالرد والاهتمام
انا بعد ما اديت البطاريه للسواق مشى بيها شويه مشاوير أتشحنت وبقيت كويسه خلاص
أنتوا شايفين انى لو مش همشى بيها فى رمضان افصلها ؟ مش هتنام؟ أصلى اعتقد مره عملتها ونامت بس كانت بطاريه تانيه مش دى فانا خايف من كده
وهل فكرة انى اشيل البطاريه فى البيت ومتنمش ليها علاقه بكفاءه البطاريه يعنى لو البطاريه قديمه ممكن تنام برده ؟ طب لو نامت تتشحن بعد كده بسهوله ؟
هيا البطاريه جافه بس حالتها تقريبا أخرها أسبوع والعربيه واقفه بعد كده بتنام يعنى لازم بعد أسبوع ألحقها بمشوار حلو كده عشان تفوق وتشحن
وزى ما قولت لحضراتكم لما نامت المره اللى فاتت انا كنت موقفها اسبوع ونزلت مره فى نص الاسبوع سخنتها عشر دقايق ونامت برده
هل حضراتكم شايفين انى أفصلها خالص وأكيد مش هتنام ولا ممكن تنام ؟

[محمد بازيد]

السلام عليكم
اخى الفاضل رمضان كرم اعادة الله علينا بالخير واليمن والبركات وحفظ مصر واهلها من الرشرور

بالنسبة للبطارية الحمد لله انها طلعت سليمة انت ممكن تشوف سواق التاكسى يبقى يحطها عنده يمشى عليها شوية وعلى بتاعتة شوية ولو الموضوع صعب ممكن تشوف محل بطاريات يحطها عنده ويبقى يشحنهالك عندة وممكن تديلة 30ج ولا حاجة

وصوما مقبولا وافطار شهيا

أخوك
محمد حامد بازيد

[dr.hazem]

افصلها نهائي وخليها في البيت....
بالمناسبه...
التشغيل عالصلانسيه مش بيشجن البطاريه كويس والافضل هو تاخد مشوار بسيط....
تحياتي

Sent from my tab using Forum Runner