Tweet
السلام عليكم ياشباب كل سنة وانتوا طيبين انا عندى مشكلة ان العربية لو سبتها يومين بالظبط من غير ما اخرج بيها الاقى البطارية نامت مع ان البطارية لسه جديدة وبرضه كشفت عليها عن بتاع بطاريات قالى سليمة وكشفت على الدينمو بيشحن كويس جداا المشكلة ممكن تكون ايه؟؟؟؟
-
-
نفس المشكلة عندي
والزيادة الكهربائي خلاني اجيب دينمو استيراد
ودلوقتي مع اني خرجت بيها امبارح انهرده مش عايزة تدور
وانا زهقت من العربية -
هل من الممكن يكون التهريب من الارضى .... او فعلا الدينامو مش بيشحن او البطاريه مش قابله شحن ..........:36_2_55[1]:Comment
-
لا انا عندى الدينامو شغال والبطارية بتتشحن عادى يعنى لما بخرج كل يوم بيها مش بتنام منى لكن بتنام لو سبتها يومينComment
-
تمام الكلام عندك تسريب كهربا ....... شوف الكاسيت ....... لو عندك ساعة فى العربية ....... أى حجاة بتشتغل بالكهربا .......... وعلشان تحكم بشكل نهائي لما تيج تركن العربية فك طرف من البطارية أعتقد السالب وسيب العربية يومين وبعدين وصل الطرف تاني لو دارت يبقيث عندك تسريب والبطارية سليمة[COLOR=Blue][SIZE=5][COLOR=Navy]مع تحياتي / أحمد أبو ميزو
[img2]http://www5.0zz0.com/2014/05/05/06/544429690.jpg[/img2]
[/COLOR][/SIZE][/COLOR]Comment
-
الف شكر يا استاذ احمد هى كده فعلا مشكلة تسريب تفتكر بقى دى حلها هيكون ايه؟؟Comment
-
نفس المشكلة عندي لو فكيت الاواطيش تدور لو مفكتهاش تنامالمشاركة الأصلية كتبت بواسطة morelove0 مشاهدة المشاركة
ودتها لكذا كهربائي محدش عارف يوصل للمشكلة
ومش عارف اعمل اي !Comment
-
متابعComment
-
أكيد عندك حاجة واصل لها طرف موجب بعد غلق الكونتاك والكلام دة بيحصل بعد اللعب فى ضفيرة العربية بواسطة بعض الكهربائية تقوم حضرتك تجيب لمبة 12 فولت وتوصل عليها سلكين وتفصل طرف البطارية السالب وتوصل احد اطراف اللمبة بجسم السيارة والتانى فى سالب البطارية لو اللمبة نورت يبقى فيه تسريب فى الارضى طيب ندور على الحل بأننا نفك فيوزات العربية واحد واحد مع إجراء نفس التجربة لحد ماتوصل لان اللمبة تطفى يبقى العيب فى الحاجة اللى راكبة على الفيوز دة او الضفيرة بتاعتها ملامسة جسم العربية طب لو موصلتش يبقى فيه توصيلة بلدى برة دائرة الفيوزات ممكن يكون كتاوت نور او كلاكس او إربة زجاج المشكلة مش بسيطة ومحتاج تجارب كثير لحد ماتوصل والكهربائية مش فاضيين للكلام دة دة غير إن اى أمبير مسحوب من البطارية ولو بسيط هتنام خلال يومينComment
-
انا عاوز اوضح ان اى توصيل مباشر فى الارضى هيعمل قفلة وممكن يولع الضفيرة وهنا دة ميكونش تسريب التسريب دايما بيبقى ناتج عن لود حاجة شغالة او مش شرط شغالة لانها مش واصل لها الفولت الكامل بس هى واخدة طرف موجب والتانى ردىء التوصيل بالارضى وهنا يبقى تسريبComment
-
اتوافق مع كلامى اخى العزيزالمشاركة الأصلية كتبت بواسطة ayam7 مشاهدة المشاركة
ان مشاكل البطارية انها بتفضى بالرغم انها جديدة ياتى من قبل بعض الكهربائية الكفتجية الذين يستسهلون بعمل كبارى داخلية لحل اعطالهم
والنتيجة مايعانية اصحاب السيارات وانا منهم
الاشياء المحتمله التى تظل تعمل حتى لو السيارة مركونه
1- لو الكاسيت كهربته دايركت من البطارية بمعنى ممكن تشغل الكاسيت والسيارة شغاله او مطفيه
2 - الانذار
3 - نور شنطة السيارة لو معلق هيظل يأخذ شحنته من البطارية حتى لو السيارة مبطلة
4 - ساعه الصالون تظل تعمل لان وصلتها الكهربائية من البطارية مباشرا
5 - نور صالون السيارة يتم التشيك عليه لانه من الممكن ان يكون لمبته عاطله ولكنها على وضع التشغيل فتسحب شحن من البطارية
6 - لو اسلاك كل ماسبق تم التعامل معهم من قبل كهربائى كفته سوف تكون النتيجة اهدار شحن البطارية فى يومين
وحتى الان انا مش عارف اوصل للسبب رغم انى عملت كل شىء من اجل معرفه من أين يتم تسريب الشحن
من اول عمل لمبه 12 فولت بطرفين والتشيك بهم ولم اعرف سبب التسريب حتى انى فصلت كل فيوزات علشان اعرف سبب مشكله التسريب مش عارف
وانا متابع معكم لعلى اجد سبب مشكلتى[SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
[/COLOR][/SIZE]Comment
-
هو شكلها عندى كده الانذار وفيه كمان لمبة الامبوليزر طيب لو عملت كشف كمبيوتر هيبان التسريب فين؟؟؟Comment
-
برضوا عاوز اوضح لحضرتك حاجة يا استاذى الكريم
قبل ما نظلم السيارة فى تسريب الكهربا وحضرتك بتقول انك كشفت عليها كشف دقيق نشوف اولا الشحن يمكن البطارية مش بتشحن او الشحن ضعيف وعشان كدة البطارية خلال يوم او يومين بتنام معاك ولو فيه كهربائى عنده أمبير بنسه dc او مركز متخصص ممكن يراجع على وصلات الكهربا من لوحة الفيوزات او من الوصلات المشكوك فيها واى وصلة ساحبة امبير فى حالة عدم التشغيل يبقى العيب منهاComment
-
على فكره الكلام ده تمام بس يا ريت حد يعرفنا على كهربائى كويس بيفهم يعنى - مدينة نصر
Comment
-
ياجماعه مدام مفيش لمبه معلقه او قفله فى العربيه والبطاريه بتنام من الركنه ............يبقى العيب من الارضى وش مش من العمومى او الموجب
دى تجربه مر بيها واحد صاحبى هحكيها لعلكم تستفيده ........لسه كان مشترى بطاريه جديده وركبها وطلع بيتهم ونزل تانى يوم الصبح لاقاها نايمه طلع على كهربائى قاس شحن الدينمو لاقاه تمام رجع على الراجل بتاع البطريات لاقى البطاريه ميت فل و10 فضل محتار كام يوم وكل يوم البطاريه تنام والعربيه متدورش غير زق لحد ما راح لكهرباءى محترف عرف العيب منين .........بكل بساطه من الارضى كان فيه وصله ارضى مش مربوطه كويس وكانت مشعره هى اللى كانت بتنيم البطاريه والكهربائى عرفها عن طريق التدوير والعربيه بتدى سنه مارش من الكونتكت الوصله الارضى كانت بتشرز وفعلا من يوم ما ظبطها والعربيه زى الفل والمشكله انتهت.........على فكره الارضى لو مش محكوم كويس فى جسم العربيه يسرب كهرباComment
Comment