بطارية ولا دينمو ولا مارش !!!

[TURBO MAN]

بسم الله الرحمن الرحيم

في البداية انا عضو جديد معاكم و استفدت كتير من الموضوعات اللي هنا او في اقسام تانية
اتمنى بس انكم تساعدوني في حل المشكلة اللي عندي
وتتلخص ان من شهرين اشتريت عربية سيات 133 وكانت زي الفل كهرباء وكل حاجه
من شهر كنت بعمل انتظار للعربية والكهربائي شاف سير الدينمو واسع ......
روحت جبت نفس المقاس و غيرته وكان مشدود و كله تمام

المشكلة واسف اني طولت عليكم ...
ان من ساعت ما تغير سلك الدينمو ومستوى العربية في النازل
وبسبب الحوار ده انا بطارية نامت مرتين وشحنتها
وبرضو ترجع تنام تاني
+
لما اجي ادور العربية تفضل اكنها بتدور بس مش بتشتغل ولازم ساعتها تتزق


الحل ايه
سئلت كهربائي تاني قالي لازم اغير بطارية و اجيب جلب للمارش

بس انا شاكك في حوار سير الدينمو

ياريت تساعدوني بجد واكون شاكر ليكم

[ابو لؤى]

طيب لمبه الدينمو بتنور ولا حاجه ؟ بتفضل منوره يعنى

[TURBO MAN]

طيب لمبه الدينمو بتنور ولا حاجه ؟ بتفضل منوره يعنى

لا بتطفي لما العربية تشتغل
شكررا على متابعتك

[TURBO MAN]

هي فضلت شغاله مره كانت العربية مركونه اسبوع ولما جيب اشغلها ماردتيش ورحت شحنت البطارية ولما خلصت اكتشفت ان الابلاتين والكوندسر باظوا
وبعدين لما جيب اركنها لمبة الدينمو نورت وطول ما العربية شغاله مكنتش بتنور

بس طلع في الاخر واحد من المكانيكية حرك العداد بالغلط و اللمبة اشتغلت لما العربية تتطفي بس

ورجعت شحنت البطارية تاني والدينمو مكنش بينور غير بس لما اكون فاتج الكونتاكت

[toomy_29]

المشكله عندك فى الدينمو مش بيشحن خلى كهربائى كويس يكشف عليه احتمال يكون كتاوت الشحن بايظ او شربون او سلكونات

[ياسر ابراهيم]

اخي العزيز هوصفلك تجربتي مع البطاريات
سيارتي رينو فيل ساتس 2.2 ديزل حصل نفس المشكلة عندي البطارية لما يكون الجو دافي تشتغل تمام لكن بدخول الشتا و نظرا اني في دولة شديدة البرودة يعني تحت الصفر السيارة كانت تدور بشق اﻻنفس و اخيرا كنت انتظر اي حد يدينى ماس عشان ادور و المشاكل دي.المهم ﻻني بشتغل في السيارات فعندي فكرة مش بطالة عن الكهربة و بعد الفحص علي القشاطات و الشحن و الوصﻻت وعن اي تسريب كهربة ما وجدت شئ نهائئ و علي فكرة التسريب قد يكون مفتاح لمبة شنطة السيارة معلق يعني حاجات زي كدا ....المهم ان البطارية القديمة كانت 70 امبير فقررت اني اغيرها بوحدة 100 امبير تشيكي الصنع باﻻضافة و بالخبرة هنا كنت اﻻحظ بعض بطاريات السيارات معملها جراب عازل حراري عشان البطارية متسقعش .فلفيت البطارية الجديدة ببﻻستك عازل للحرارة كانت النتيجة ايه ....
1 . فرق زيادة اﻻمبير من 70 ل 100 امبير زاد طول الغيارات بنسبة حوالي 25% .طبعا ناس كتير هتقول اية العﻻقة بين سرعة الغيار و زيادة امبير البطارية اﻻجابة ان البطارية كلما ضعفت زاد الحمل علي الدينمو اكتر و كلمات زاد الحمل على الدينمو زادت مقاومته للمحرك فيقل عزم المحرك بالتالي يكون في تكتيفة بسيطة للمحرك
2 . ﻻحظت مسافة اشارة ريموت السيارة زاد تقريبا الضعف
3. نسبة استهﻻك الوقود قلت بنسبة 1 لتر / 100 كيلو
4. قوة صوت الكاست زادت بشكل كبير
5 . السيارة اصبحت اكثر سﻻسة من اﻻول
وارجو من الله اني قد اضفت بمعلومة و لو بسيطة لحضراتكم
اما لو اي استفسار عن الدبرياج ان شاء الله مستعد ﻻي استفسار
دمتم بخير

[aw2100]

طالما لمبة الدينامو بتطفى يبقى المشكلة عندك اما شحن الدينامو ضعيف او فية شورت فى قاعدة السليكونات بتفضى البطارية تعرفها ازاى ؟
حتفصل كابل البطارية بعد ماتركن العربية وتشوفها الصبح لو دارت يبقى فية شورت فى العربية ولو مادرتش يبقى العيب فى شحن الدينامو ضعيف محتاج كتاوت دينامو او البطارية نفسها بايظة تحياتى !!