لمبه الزيت فى التابلوه بتنور مع كبسه الفرامل

[sunnawy]

لما اجى ادوس فرامل جامد شويه الاقى لمبه الزيت تروح منوره برعشه كده و تطفى تانى و هكذا مع الفرامل المشكله كده فى ايه مع ان الزيت كشفت عليه مظبوط
.... هل لمبه الزيت دى مرتبطه بزيت الموتور بس ولا ليها علاقه بزيت الباور او الفرامل او الفتيس ؟؟؟؟

[svneleven]

هي مالهاش علاقة مباشرة لكن الواضح أنك لما بتدوس فرامل بيحصل زي تحميل علي الموتور و سرعته بتقل و عاوز يبطل عشان كده بتحس بالرعشة و لمبة زيت الموتور تنور. ايه بقي اللي بيحصل لما تدوس الفرامل يحمل علي الموتور؟ احتمال يكون فيه حاجة في السرفو بتاع الفرامل؟

[saddam]

صديقي.المواطن
لها عدة أسباب منها الزيت وحش ولكن أرجحها هو مشاكل في تنظيم هواء المحرك سواء من نظام الوقود أو من نظام الفرامل ﻷنك لما بتفرمل جامد عدد دورات المحرك بينخفض وكذلك طرمبة الزيت تبقه عايزه توقف مع توقف المحرك وكمان لمبة الزيت ملهاش أي علاقة غير بزيت المحرك وبالتوفيق
ودمتم للنضال

[Fo1Fo]

كده الزيت ناقص . أتأكد من مقاس الزيت . اذا كنت علي وشك تغيير الزيت غيره , وأن كان لسه بدرى زوده وخلى الزيت يوصل لمنتصف المسافه بين العلامتين على المقياس . وقولنا ايه النتيجه لأن الموضوع ده حصل معايا وكان السبب نقص الزيت

[mahmoud_fathy]

خرطوم السيرفو مسرب

ممكن يكون فى تسريب من خرطوم الهواء بتاع السيرفو اتاكد منه بالنظر كده هتلائيه خارج من الماتور و داخل على السيرفو ورا علبة زيت الباكم لو فى قطع ولا حاجه هيعمل المشكله دى و هتحس كمان ان العربيه بترعش منك اكنها هتبطل
لو مش هتحس انها هتبطل وانت بتفرمل ممكن تكون مشكله انو الزيت ناقص و دا تقدر تقيسه و العربيه بارده وابئى طمنا

[ehabouf]

علشان ماتلفش كتير - لو الزيت مظبوط (كمية ولزوجة) وصوت وسرعة الموتور مظبوطين
تأكد 100% انها طرمبة الزيت ضعفت
ماتسمعش فتي الميكانيكي لأنك حتصرف في 100 حاجة تانية وفي الآخر حاتغير طرمبة الزيت برضه

[al_manara]

هل العربية وهي واطيه (لفات الموتور قليلة ) لمبة الزيت بتنور ؟ لو اة

يبقي
-زيت ناقص
-فلتر زيت بايظ
-طرمبة زيت ضعيفة
-سبيكة موتور

[حامد عبد الله]

مشكلة اللمبة مع الفرامل

أنا عندي نفس المسكلة في عربية مازدا 929 خليجي أتوماتيك موديل 83 وغير أوسيل الفتيس والماتور خلفي وأمامي ورحت عند 3 ميكنيكية ولا واحد عرف المشكلة من إيه والعربية ماشية وخلاص وكل مغير فلتر أو أزود زيت المشكلة تختفي لبعض الوقت وصرفت كتير ومتحلتش وعربية واحد صحبي فيها نفس المشكلة وكل الميكانكية أجمعوا إن اللمبة إذا لم تنور مع دوس البنزين والسرعة خلاص فأنا هتوكل على الله ومش هشغل بالي وده تليفوني ممكن تتواصل معي 01154525404