الفانوس الشمال انطفا فجأة

[For islam]

السلام عليكم ورحمة الله .

يا شباب انا النور الواطي عندي ماكنش شغال من فترة فا غيرت اللمبات واشتغل الحمد لله تمام العالي والواطي كلة تمام , وبعدها بيومين بالظبط لاقيت الفانوس الشمال مش شغال لا عالي لا واطي.

مش شغال غير النور الصغير بس مع التابلوه , ياترى المشكلة فيييييين ياريت حد يفيدنا.

[eng.salama93]

هتلاقي فيشه اللمبة مهزوزة ولا حاجة او لا قدر الله اللمبة اتحرقت و برضو هيبقي بسبب هزة السلك و هو متوصل فيه كهربا

[For islam]

شكرا للرد يا غالي , في حاجة غريبة حصلت .... دلوقتي بقا النور الواطي شغال تمام في الفانوسين , بس لما اشغل العالي الاقي الفانوس الشمال نوره وطي جداااااااا وبقا اكنه مطفي !!!!!!!! ولما اطفي العالي واشغل الواطي يرجع يبقا بنفس قوة الفانوس اليمين ... لوحده كدا والله

[eng.salama93]

غالبا اللمبة عندك مسرية .. يعني شبه ضربت .. و دا برضو من هزة الفيشه او السلك

[For islam]

eng.salama93 معقول دا عيب لمبة ؟؟ لما اشغل العالي تضعف ولما افصله ترجع تشتغل تاني ؟؟

[eng.salama93]

ايوه ممكن اللمبة مسرية او الكتاوت عندك فيه حاجة .. دا لو انتا مركب كتاوت

[For islam]

شكرا ياريس على الرد , خلاص الحمد لله المشكلة اتحلت .. طلعت فيوز كان محروق وغيرته وكله تمام , فضلت اشيك على الفيوزات واحد واحد لحد ماطلع فيهم واحد محروق فا غيرته لاقيت النور اتظبط حمد الله , عشان كدا المفروض اللي يحصل عنده اي مشكلة في الكهرباء اول حاجة يشيك عليها الفيوزات قبل مايعمل اي حاجة .