قفلة غريبة في كهربا بومة ..

[Dawns_Mist]

عربيتي :
بومة 2005 أوتوماتيك 1600
بطارية 70 أمبير حالتها متوسطه
عندي زينون ، و مركب مرايات ضم كهربا ، و وحدات رفع

ظهرت عندي مشكلة غريبة فجأة مالهاش أي سبب ..
على الطريق لما آجي أقلب نور عالي .. فجاة كهربة العربية كلها تقفل و ترجع تاني في لحظة ..
زي الريستارت كده !!
أي حاجة شغاله بالكهربا في العربية بتفصل و ترجع في جزء من الثانية .. و مرة حصلت و انا بفتح النور المتوسط العادي مش العالي !!
و لما الكهربا بتقطع و ترجع .. لمبة الدينامو بتفضل منوره لمدة ثواني .. العربية مش بتقف لكن بتنتش نتشه خفيفه كده و هي ماشية عادي و غالبا بكون على سرعات عالية ... و القفلة دي بتروح و تيجي كده بمزاجها !!
لوحت للكهربائي اللي بتعامل معاه لإن هو اللي حافظ عربيتي إكمني عامل فيها شغل كهربا كتير ( كتاوت - مرايات ضم - وحدات رفع - .. ) يتشقلب حولين العربية و مش عارف يطلع العيب فين !!

[ayam7]

جرب تعمل نفس الحركة وانت واقف من غير دوارة وشوف ايه الاخبار وبعدين دور وخليك على السلانسية وجرب برضوا وحاول تجفف الدينمو بالسشوار الكهربى لانه إحتمال يكون عزله سىء

[Dawns_Mist]

الحمد لله يا جماعة العيب طلع بس إن مجموعة الأرضي اللي واصلة للبطارية كان جزء فيها عند الوصله مأكسد .. نضفتها و كله بقى تمام