الفرامل بقت في الضياع مره وحده

[mk2005]

لسلام عليكم
عندي مشكلة ظهرت النهارده الفرامل مر هواحده بقت تقيله اوووي وادوس فرام اسمع صوت الماتور زاد اكني مزود بنزين وبقا فيه صوت كانك في بلي سايب في حاجة وبيلف يخبط بيها صوت ضعيف بس مبيطلعش غير لما ادوسس فرامل

ولما بمشي الفرامل مبقتش كويسه بقت بتاخد فترة عقبال ما العربيه تفرمل غير الاول طبعا وساعات وانا دايس فرامل بسمع صوت طقطقه ناحيه الكوتشات
اظاهر ثنيه مش ناويه تجيبها البر معايا ونقعد اسبوع من غير مقالب ثنيه
لو ممكن يكون السبب من ايه قبل ما اروح المدينه الصناعيه وتدوير وافتكاسات المدينه الصناعيه

[saddam]

صديقي المواطن
قولا واحدا السيرفو وممكن يكون سبب بسيط زي البلف بتاعه قفل يتغير ب 6 جنيه أو خرطوم خرج من بتاع الهواء بتاعه خرج من الكوليهات بتاعته أو إتخرم الخرطوم وده سبب برجلة المكنة ﻷن العربية بتسرب هواء وممكن يكون سبب كبير إن الجوان الكبير بتاع داير السرفو فيص منك وده يتفك ويتغير وبالنسبة للأصوات في شاسيهات التيل غالبا يكون محتاج سوسته أو التيل خلصان ولو بتنقص عندك زيت باكم كده تفك الماستر العمومي وتخلي اﻷسطه يفكه وينظفه وتجيبله طقم إصلاح أصلي تاخد البساتم معاك من محل لهيطة في شارع زكي في التوفيقية وأهم أهم أهم حاجة تحط زيت باكم محترم ألماني لا يقل عن سعره عن 35 جنيه مش تحطلي أبو 10 جنيه والعبوة معدنيه نص لتر
ولا تقلق موضوعك بسيط وشائع
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[mk2005]

عزيزي saddam
شكرا لك اخي في الكفاح علي النصيحة طمنتي انا كنت قلقان جدااا بسبب صوت المكنه الي بيزيد لما بدوس فرامل الخرطوم بتاع الهوا انا غيرته ولسه زي ما هو ان شاء الله اروح واكشف علي السيرفر والا فضل يتغير ولا يتصلح العربية فيات 128