الرجاء للأهميه الدينمو والقراءة بتعته

[nos502000]

السلام عليكم

يا جماعة انا محتاج مساعدة منكم اللى عنده معلومة ياريت يفيدنى بيها

1- هو اى دينمو ملاكى يشتغل على اى عربية ملاكى ويخرج نفس الشحن ولا كل عربية ملاكى شحنها غير التانى
ملحوظة انا بقول ملاكى يعنى البطارية هتبقى وحدة بغض النظر عن مكان التثبيت فجسم الموتور

2- انا معايا ابيزا 94 الدينمو مطلع عينى اروح اقيسه عند الكهربائى يقولى شغال وزى الفل وفعلا يشيل الكابل وادوس بنزين شغال وبيشحن ومفهوش حاجة
امشى بالعربية الاقى النور بيضعف مرة وحدة وصوت الكلاكس يوطى وزى ميكون الشحن بيقل واحس ان العربية مش عايزة تمشى علشان طرمبة البنزين الكهربا

غيرت البطارية واشتريت وحدة جديدة نفس الحوار برضو مع البطارية الزيرو

فياريت اعرف ايه السبب وكنت عايز اعرف حاجة تانية

كنت عايز اجيب الجهاز اللى بيقيس بيه الدينمو الكهربائى واوصلو على العربية واخليه قدامى طول الوقت بحيث اعرف نظام الشحن ايه اول باول فهل الكلام ده هينفع ولا لا ولو هينفع اوصلو على الدينمو ولا على البطارية والقراية هتبقى كام الطبيعى بتاعها والعربية ماشية

ياريت الخبراء يفدونى فالموضوع ده ضرورى جدا لان والله بطلت اتحرك بالعربية بسبب الموضوع ده

[big_bogh]

متابع وعندي نفس المشكلة

[big_bogh]

الدينامو المفروض يطلع 14 فولت و لو البطارية مش مشحونة يبقي 13 فولت لو اقل من كده يبقي فيه حاجة ف الدينامو

[saddam]

صديقي المواطن
مشكلتك معناها لازم تغير كتاوت شحن دينمو
أما هل كل الملاكي نفس الدينمو فقولا واحدا ﻷ هناك عربيات الديننو بتاعها 70 أمبير و 80 أمبير و 60 أمبير و90 أمبير ودي معظم عربيات الشعب المصري الصغيرة أما العربيات الكبيرة الفخمة فتبدأ من 100 أمبير فما فوق وأفضل دينمو هو 140 أمبير وده بتاع الشبح وطبعا أنا في كل عربياتي نظرا ﻷني بركب غشرات الكماليات الكهربائية في السيارة الواحدة فبشيل الدينمو بتاعي وبقعد ألحم قواعد وأظبط وحوار وفلوس كتير عشان أركب ال 140 أمبير وكمان بغير البطارية ل 80 أمبير فارتا جافة
ما علينا نرجع لموضوعك
الشحن الممتاز بيكون من 13.5 إلى 14.1 في أي دينمو صغر أو كبر
أنا عايز منك تغيرلي كبل أﻷرضي بتاعك بحاجة ضخمة وكمان تحل الدينمو وتوديه لمؤسسة ميمي جنب مستشفى.أم المصريين في الجيزة أو لمحمد لطفي أو محمد صديق مش فاكر في لازوغلي دول حيفكوا الدينمو ويرجعهولك جديد وبالنسبة للي إنت عاوز تركبها الصفرة بتاعت شحن الدينمو الديجيتال هي كفكرة ممكن وسهلة التطبيق بس الجهاز فيه بطارية داخلية وحتعوز تتغير كل شوية والصح بس ده نادر فيه عدادات ديجيتال سبورت تديك الشحن بس لازم تدور عليها كتير أو تركب عداد بطارية من أي عربية إستيراد
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال