مجموعه الكهرباء اكسيل

[moh_rag_abd]

السلام عليكم ورحمة الله وبركاته
معايا عربية اكسيل 92
دارع النور مش شغال فعايز اجيب واحد تاني
لقيت لمجموعه دية استيراد ب 200 في عزبة شلبي
بس خايف منهم علشان معرفشي حالتهم ايه !!
والجديد لقيتوب 375 صاحب المحل بيقولي انه اصلي بس انا مش متأكد من الموضوع ده
فايه رأيكم اجيب الجديد ولا المستورد
ولو جديد اتأكد منين انو اصلي
ولو استيراد أتاكد منين انو كويس ويعيش
مستني الرد ضروري

[amoor89]

الجديد فى الاخر هيطلع صينى فسيبك منه
هات الاستيراد بس وانت بتجيبه اتفق مع التاجر انك هتاخده على تجربه اسبوع

[hamisa08]

انا راى الشخصى حاجات الكهرباء دى بتبقى الله اعلم بحالها

فبفضل انى اجيبها جديد ,, علشان اوقات كتير جدااا حاجات الاستيراد بيقول انا استعمال خارج وهى بتكون كدة وساعات دة الاكثر انتشارا متقطعة من عربيات حوادث

وكمان انتة بتقول المحموعة دى ؟؟

تقصد بيها ايه ؟؟؟ دراع النور واية تانى ؟

[Nader]

غالبا الجديد هيكون صيني، الافضل انك تجيب الاستيراد ويكون على تجربة، وضروري تركب كتاوت نور بعد التركيب علشان ميبوظش بعد ما تركبه.

[moh_rag_abd]

الجديد فى الاخر هيطلع صينى فسيبك منه
هات الاستيراد بس وانت بتجيبه اتفق مع التاجر انك هتاخده على تجربه اسبوع

ان شاء الله لو هجيبو هاخد معايا كهربائي واخليه يجربو علشان هجيبو من عزبة شلبي وده بالنسبالي هيكون بعيد من حلوان صعب اني اروح مرتين

[moh_rag_abd]

انا راى الشخصى حاجات الكهرباء دى بتبقى الله اعلم بحالها

فبفضل انى اجيبها جديد ,, علشان اوقات كتير جدااا حاجات الاستيراد بيقول انا استعمال خارج وهى بتكون كدة وساعات دة الاكثر انتشارا متقطعة من عربيات حوادث

وكمان انتة بتقول المحموعة دى ؟؟

تقصد بيها ايه ؟؟؟ دراع النور واية تانى ؟

المشكلة يا اخي مضمنشي الجديد يكون اصلي غالي علي الفاضي
اللي قصدي عليه دراع النور ودراع المساحات والجزء الواصل بينهم بالفيشة بتاعتهم

[moh_rag_abd]

غالبا الجديد هيكون صيني، الافضل انك تجيب الاستيراد ويكون على تجربة، وضروري تركب كتاوت نور بعد التركيب علشان ميبوظش بعد ما تركبه.

غالبا هجيب الاستيراد واتوكل علي الله
وانا وحظي

[moh_rag_abd]

الحمد لله اشتريت دراع النور امبارح ب 180 جنية من عزبة شلبي
وكان معايا كهربائي جربو واحنا هناك
بس كلمتو عن كتاوت النور قالي كويس مش محتاج يتغير