صرفت كتير وما فيش فايدة

[tamer1974]

اخوانى الاعزاء نفسى اسمع راديو السيارة واضح بدون وششششش والسيارة واقفة الصوت واضح جدا اول ما ادور السيارة الوش يشتغل جبت قالوا عيب كاسيت رحت اشتريت واحد ميديا تك شغال عند واحد صاحبى زى الفل وروحت للكهربائى نفسالمشكلة قاللى روح هات اريال داخلى بيتلزق على الزجاج ابو20جنية حاضر وبردوا نفس المشكلة العربية تدور المشكلة تبتدى وهكذا اخيرا الكهربائى قاللى هات اسلاك بوجيهات مانعة ذبذبة قولتلة شكرا وسلام عليكم مش ناقص دفع على الفاضى انا عايز حد يقوللى على الحل السليم

[ahmedalaahosny]

هو ده الحل اسلاك البوجيهات عندك بتاثر ع الراديو هات واحده وركبها وشكرا علي كده

[rotanamasoud]

من ضمن اكبر الاحتمالات اسلاك البوجيهات لاكن الاول
انت بتعمل سلك محمل مباشر من طرفين البطاريه حتى الكاسيت(مع فيوز)وفى اقرب نقطه للكاسيت بتحط مكثف تنعيم10000mf25v
اعمل الاسلاك الاول وحتتظبط ان شاء الله

[tamer1974]

طيب الاخوة الاعزاء اية نوع الاسلاك الكويس

[ibnelfared]

طيب الاخوة الاعزاء اية نوع الاسلاك الكويس

هناك دائرة توضع قبل الموجب الواصل للكاسيت وتكلفتها مش غاليه 7 جنية جربها وقولى وبردة كلام الكهربائى الأخير والزملاء هنا صحيح لأن سلام البوجيهات من أحد أسباب عمل تواترات وشورة بمحطات الراديوا.
وأفضل انواع الأسلاك للبوجيهات الفحم ودى عن تجربة أو ممكن حد من الزملاء يفيدنا بأنواع أفضل

[EmadFox]

متابع

[tamer1974]

اخى العزيز اسمها اية الدائرة دى واجيبها منين

[samaty]

لو عايز حل جذري ونهائي لكل المشاكل دي
روح لأي حد بيصلح راديو قولله عايز عمود فيرايت بتاع ايريال راديو أو لو إنت عندك أي راديو قديم ممكن تجيبه منه هتلاقيه صابع زي الفحم بس جامد مش بيتكسر بسهولة زي الفحم وكمان الباور سبلاي بتاع الكومبيوتر فيه منه 6
هتجيبه وتروح لأي حد بيصلح مواتير كهربا تقولله يلفلك عليه سلك 30 معزول ( متورنش)
هتروح لأي حد بتاع قطع غيار الكترونيات وتقولله عايز مكثفين 10000uf/16v أو أعلى
دلوقتي عندك الملف والمكثفين
السلك اللي علي الملف بيكون معزول هتقشر طرفه بسكينة علشان التوصيل
المكثف هتلاقي رجل منه جنبها خط أسود هتوصل الرجل اللي جنبها خط أسود مع اللي زيها من المكثف التاني ودي هنسميها الأرضي لأنها هتوصل بسلك الأرضي بتاع الكاسيت اللي بيكون لونه أسود
الرجلين التانيين للمكثفين هنوصلهم ببعض ونوصلهم بسلك من الملف وهنسميهم الخرج وهنقطع سلك الكهرباء بتاع الكاسيت اللي بيكون لونه أحمر ونوصل باللي رايح الكاسيت
أما الطرف التاني بتاع الملف فده بيكون الدخل وهيتوصل بالطرف التاني للسلك الأحمر اللي جاي من كهرباء السيارة
وبكده هتنتهي مشاكل الراديو والتشويش عليه وعلى الكاسيت وكمان مش هيفصل لو العربيه بطلت ودورتها تاني

[أبومازن333]

لو عايز حل جذري ونهائي لكل المشاكل دي
روح لأي حد بيصلح راديو قولله عايز عمود فيرايت بتاع ايريال راديو أو لو إنت عندك أي راديو قديم ممكن تجيبه منه هتلاقيه صابع زي الفحم بس جامد مش بيتكسر بسهولة زي الفحم وكمان الباور سبلاي بتاع الكومبيوتر فيه منه 6
هتجيبه وتروح لأي حد بيصلح مواتير كهربا تقولله يلفلك عليه سلك 30 معزول ( متورنش)
هتروح لأي حد بتاع قطع غيار الكترونيات وتقولله عايز مكثفين 10000uf/16v أو أعلى
دلوقتي عندك الملف والمكثفين
السلك اللي علي الملف بيكون معزول هتقشر طرفه بسكينة علشان التوصيل
المكثف هتلاقي رجل منه جنبها خط أسود هتوصل الرجل اللي جنبها خط أسود مع اللي زيها من المكثف التاني ودي هنسميها الأرضي لأنها هتوصل بسلك الأرضي بتاع الكاسيت اللي بيكون لونه أسود
الرجلين التانيين للمكثفين هنوصلهم ببعض ونوصلهم بسلك من الملف وهنسميهم الخرج وهنقطع سلك الكهرباء بتاع الكاسيت اللي بيكون لونه أحمر ونوصل باللي رايح الكاسيت
أما الطرف التاني بتاع الملف فده بيكون الدخل وهيتوصل بالطرف التاني للسلك الأحمر اللي جاي من كهرباء السيارة
وبكده هتنتهي مشاكل الراديو والتشويش عليه وعلى الكاسيت وكمان مش هيفصل لو العربيه بطلت ودورتها تاني

ممكن صور ، وما هو سلك 30 معزول ، 30مللي أم ماذا ؟ وما هي عدد اللفات المطلوبة ؟