بطاريه جديده بتفضى شحنها بسرعه

[mohamed.kamal]

السلام عليكم
انا غيرت البطاريه اى سى دليكو من 4 ايام و جبت واحده جديده الراجل قاللى ان العيب من البطاريه القديمه جايبه لون ابيض و دى معاناها انها بايظه
المهم غيرتها انا بطاريتى 70 امبير اول ما بدورها الصبح بتدور عادى اقفل و ادور تانى بسرعه بتعتل فى الدوارة "معنى كدا انها ملحقتش تشحن "
و لون العدسه اخضر بسيط جدا مقارنه بالقديمه العدسه كلها لونها اخضر انما دى عامله لون اخضر بسيط جدا
و مع العلم اننا قسنا شحن الدينامو و طلع سليم مفيهوش اى حاجه السلانسيه على 12.5 لو دوست بنزين يبقى 13 و نص 14 بالكتير
عربيه فيرنا 2007
و شكرا مقدما

[ahmedalaahosny]

مش عارف ليه حاسس ان عندك حاجة بتهرب كهربا

[akmm]

فعلا ده تهريب كهرباء ............... راجع عليه عند كهربائى فاهم .

[elshanawymotor]

شوف كبلت اﻻرضى والكهربا ممكن مهربين لما تسخن تهرب او المرش محتاج صيانه

[mohamed.kamal]

هو اخر راى بتاع الاستاذ شناوى شايفه اقرب للصح لان الكلام دا بيحصل لما بعمل مشاوير جامده بتعتل جامد و بيقل شحنها فا ايه الكبلات اللى بتشتغل مع السخونه دى :d

[M_OSMAN88]

نضف القواشيط بمية سخنة استعمل حتة صنفرة فى قلب القشاط علشان تتأكدة ان الشحن بيوصل للبطاربة

[EmadFox]

متابع

[FemoAfandy]

انته ممكن تكون عاوز تشحن البطاريه الأول و فى نفس الوقت تشوف أوتوماتيك المارش
عشان ممكن يكون عاوز يتنضف
او ممكن يكون ( الشربونه اللى جواه ) هيا اللى عاوزه تتغير ..

لسه حاصل معايا الكلام ده و مكانتش العربيه بتدور خالص الا لما أزقها ..

[samihanwar]

أنا شاكك فى المارش عوز سيرفيس