أضافة بطارية زيادة

[goldengold4]

عندى فكرة مش عارف امكانية تنفيذها
انا عندى شاشة عرض بتاعت العربية بس لما ببقى راكن لفترة و انا منتظر فيها مبقدرشى اشغل الشاشة مدة علشان بطارية العربية متنمشى منى
علشان كدة بفكر اركب فى العربية من الداخل بطارية زى اللى انا بشوفها مركبينها فى العجل اللى ماشى فى الشارع تشتغل منه الشاشة و كمان الكاسيت وانا واقف من غير ما استعمل بطارية العربية
بس الفكرة انا حشحن البطارية دية من الخارج يعنى من البيت بالكهرباء العاديو ولا ممكن اعملها دايرة فى العربية بحيث انها تشحن لما انا اعوز اشحنها عن طريق الدينمو وزرار يسمح بالشحن
أرجو الافادة

[goldengold4]

ايه يا جماعة محدش عاوز يفيدنى فى الموضوع

[ahmed_eng2001]

فكرة حضرتك كويسة .... و من الممكن ان حضرتك تركب ubs زى بتاع الكومبيوتر مع بعض التعديل لجعله يشحن من دينامو العربية و يكون غير متصل ببطارية العربية الاصلية ...
كان احد الاخوة الافاضل هنا فى المنتدى ذكر الفكرة دى بس لم يذكر التفاصيل

انا متابع مع حضرتك ... فى انتظار المزيد من الافادة من الاخوة الاعضاء

[goldengold4]

السلام عليكم ورحمة الله وبركاته
طيب ممكن حضرتك تحددلى الموضوع اللى ذكر من احد الاعضاء مكانه فين و لا حتى اللنك بتاعته لانى لحد دلقوتى محدش افادنى فى الموضوع بحاجة

[M_OSMAN88]

اولا المهندسين لما بيختار الدينامو بتاع العربية بيختارة على اساس احمال العربية ازاى بيحسب احمال الكهربية للعربية كلها وعلى فمثلا هتطلع 60 امبير فيختار دينامو 65 وبطارية 60 امبير/ساعةعلشان تركب بطارية تانية صغيرة لازم تحط فى الحسبان استهلاك الشاشة كام واط علشان تعرف ان البطارية اللى هتركبها هتشغل الشاشة وقت قد اية الحل الأمثل ودة هيبقى مكلف انك بتغير الينامة لأكبر والكذلك البطارية ودة هيبقى مكلف

[ahmed_eng2001]

السلام عليكم ورحمة الله وبركاته
طيب ممكن حضرتك تحددلى الموضوع اللى ذكر من احد الاعضاء مكانه فين و لا حتى اللنك بتاعته لانى لحد دلقوتى محدش افادنى فى الموضوع بحاجة

اعذرنى ..
ده موضوع صعب جدا .... انا دورت شوية و لم استطيع العثور :)

[sword00]

بالنسبه لاستهلاك الشاشه هتلاقيها حاجه بسيطه جداااا فمش هتاقر على الدينموا فى حاجه
كل المطلزب انك تاخد سلكين من البطاريه بتاعت العربيه ارضى وموجب وتوصلهم بالبطاريه الجديده على التوازى وكده البطارينن هيشحنوا سوا وساعه تشغيل الكاسيت ابقى افصل سلك من الاثنين بتوع الشحن

[EmadFox]

متابع

[samaty]

عندى فكرة مش عارف امكانية تنفيذها
انا عندى شاشة عرض بتاعت العربية بس لما ببقى راكن لفترة و انا منتظر فيها مبقدرشى اشغل الشاشة مدة علشان بطارية العربية متنمشى منى
علشان كدة بفكر اركب فى العربية من الداخل بطارية زى اللى انا بشوفها مركبينها فى العجل اللى ماشى فى الشارع تشتغل منه الشاشة و كمان الكاسيت وانا واقف من غير ما استعمل بطارية العربية
فكرة جميلة وحتى لو نسيت الشاشة شغالة أو كنت في رحلة بالأولاد وشغتها فترة طويلة هتكون بإذن الله ضامن إن العربية هتدور لإن البطارية الأصلية لسه بشحنها
بس الفكرة انا حشحن البطارية دية من الخارج يعنى من البيت بالكهرباء العاديو
صعبة أوي الحكاية دي
يعني لازم تكون بتركن في مكان فيه كهرباء وكمان تفضل واقف جنب العربية لغاية ما البطارية تتشحن لانك طبعا عامل توصيلة من خارج العربية إلى داخلها وأخيرا لو البطارية فضيت منك وإنت في مشوار هتعمل إيه؟ هتستغنى عن الشاشة والكاسيت لغاية ما ترجع البيت ولا هتقف جنب أي بيت وتشحن منه
ولا ممكن اعملها دايرة فى العربية بحيث انها تشحن لما انا اعوز اشحنها عن طريق الدينمو وزرار يسمح بالشحن
أرجو الافادة

ممكن حكاية الزرار دي ولو أني لا أفضلها لانك كتير هتنساه
لو نسيته مقفول البطارية هتخلص شحن وساعتها لازم تدور العربية شويه على بال ما تشحن
ولو نسيته مفتوح الأجهزة بتاعتك هتسحب من البطارية الأصلية لانهم هيكونو متوصلين على بعض

اولا المهندسين لما بيختار الدينامو بتاع العربية بيختارة على اساس احمال العربية ازاى بيحسب احمال الكهربية للعربية كلها وعلى فمثلا هتطلع 60 امبير فيختار دينامو 65 وبطارية 60 امبير/ساعةعلشان تركب بطارية تانية صغيرة لازم تحط فى الحسبان استهلاك الشاشة كام واط علشان تعرف ان البطارية اللى هتركبها هتشغل الشاشة وقت قد اية الحل الأمثل ودة هيبقى مكلف انك بتغير الينامة لأكبر والكذلك البطارية ودة هيبقى مكلف

أولا الدينامو مش بيكون بقدرة بطارية العربية وإلا كان يشحنها في أقل من ساعة
ثانيا الدينامو لما تكون البطارية مشحونه كاتاوت الشحن بيفصل وبيكون الدينامو بيلف على الفاضي

بالنسبه لاستهلاك الشاشه هتلاقيها حاجه بسيطه جداااا فمش هتاقر على الدينموا فى حاجه
كلام مظبوط الشاشة بتسحب حوالي 2 أمبير في الساعة
لكن خد بالك إن طقم الصوت هيشتغل كمان معاها وعموما الأمبير المسحوب كل ساعة بيساوى مجموع الوات لكل الأجهزة اللي شغالة مقسوم على 12
كل المطلزب انك تاخد سلكين من البطاريه بتاعت العربيه ارضى وموجب وتوصلهم بالبطاريه الجديده على التوازى وكده البطارينن هيشحنوا سوا وساعه تشغيل الكاسيت ابقى افصل سلك من الاثنين بتوع الشحن

يعني كل شوية ينزل يفتح الكبوت يوصل سلك ويرجع تاني يفتح الكبوت يفصل سلك ويعزله علشان مش يلمس حاجة ويعمل مشاكل
إنت كده بتعاقبه ولا بتدفعه ضريبة الرفاهية اللي عايزها

[samaty]

يااااه كل ده ومن غير حل؟؟؟؟؟؟؟؟؟؟؟؟؟؟

[sword00]

يعني كل شوية ينزل يفتح الكبوت يوصل سلك ويرجع تاني يفتح الكبوت يفصل سلك ويعزله علشان مش يلمس حاجة ويعمل مشاكل
إنت كده بتعاقبه ولا بتدفعه ضريبة الرفاهية اللي عايزها

هههههههههههه حلوه اعاقبه دى
مش لازم ينزل يفتح الكبوت كل شويه ممكن يعمل زرار يفصل ويشغل منه ههههههههه

[samaty]

jتخيل بقى النت كان فصل بعد الماركة السابقة مباشرة ولسه جاي
دي من الصدف

الحل إنك تحط بطاية زي مإنت عايز وامامك طريق من اتنين
الأول كاتاوت شحن خاص بيها وده هيكون كإن عندك دايرتين كهرباء منفصلين في العربية بس الأرضي بتاعهم مشترك
الثاني وده اللي أنا أفضله إنك هتوصل كتاوت الشحن بتاع الدينامو على البطارية الإضافية ومنها تاخد بدايود للبطارية الأصلية وده له فوايد
أولا مفيش حمل زياده على الدينامو
ثانيا البطاريتين بيتشحنو أتوماتيك
ثالثا لو البطارية الإضافية فضيت مش هتسحب من البطارية الأصلية
رابعا وإنت بتدور العربية هتسحب من البطاريتين سوا ودا أسرع في الدوارة وخاصة الصبح
أرجو ان أكون قد أضفت شيئاً

[ahmed_eng2001]

jتخيل بقى النت كان فصل بعد الماركة السابقة مباشرة ولسه جاي
دي من الصدف

الحل إنك تحط بطاية زي مإنت عايز وامامك طريق من اتنين
الأول كاتاوت شحن خاص بيها وده هيكون كإن عندك دايرتين كهرباء منفصلين في العربية بس الأرضي بتاعهم مشترك
الثاني وده اللي أنا أفضله إنك هتوصل كتاوت الشحن بتاع الدينامو على البطارية الإضافية ومنها تاخد بدايود للبطارية الأصلية وده له فوايد
أولا مفيش حمل زياده على الدينامو
ثانيا البطاريتين بيتشحنو أتوماتيك
ثالثا لو البطارية الإضافية فضيت مش هتسحب من البطارية الأصلية
رابعا وإنت بتدور العربية هتسحب من البطاريتين سوا ودا أسرع في الدوارة وخاصة الصبح
أرجو ان أكون قد أضفت شيئاً

فكرة جديرة بالتجربة
شكرا على الافادة

[goldengold4]

شكرا على الرد و التعقيب على الردود

[mnasr8]

البطارية الاضافية دى بتتزود فى عربيات السفارى وده فيديو يوضح الموضوع

https://www.youtube.com/watch?v=dZzinsfI2Y0