احتاج استشارة للكشاف الليد للسيراتو 2014

[esdin]

السلام عليكم ورحمه الله

انا اشتريت سيراتو 2014 الفئه الثالثة وبدلت الكشافات الأمامية بكشافات ليد بتاعت الهاى لاين على نفس

الفيش اللى كانت راكبة وبتشتغل مع النور الصغير بدل من الكونتاكت واكتشفت ان الأضاءة ضعيفة مش زى

اللى راكبة فى الهاى لاين بدلت الكشافات وليقت نفس المشكله محتاج مساعدة المحترفين خوفا من حدوث

مشكله بالكنترول الرجاء المساعدة ...

[besso]

اصلا الاضاءه عندك ضعيفه فى كل الانوار ولا مع النور الصغير بس

[esdin]

الأضاءه عادية جدا فى كل الأنوار فيما عدا النور الليد اللى شغال مكان النور الصغير من المفتاح .

[esdin]

ضعيف بنسبة تقريبا 50%

[besso]

اطلع علي التوكيل
وانشاء تكون مشكله تربيط ارضي مش اكتر
هما هايتصرفو وهايقسو شحن الدينامو والبطاريه
وانشاء الله خير

[esdin]

انا فعلا طلعت على التوكيل معرفش حاجة وقالى لو عايز تعدل تشغيل الليد من الكونتاكت بدل مفتاح النور نعملها بس

منعرفش سبب ضعف الليد ايه.

رحت الحرفيين سألت قال ممكن تركب كتاوت تقوية لتزويد الأضاءه علشان الكهرباء اللى رايحة للمبة الصغيرة اللى

كانت راكبة فى الفانوس القديم غير الكهرباء بتاعة الليد اللى المفروض تاخد كهرباء من الكونتاكت .

بس انا خايف العب فى الكهربا نظرا لأن العربية دى سمعت انها حساسة شوية..

[besso]

الكهرباء واحده في العربيه كلها
بس حضرتك بتشتكي من ضعف النور ككل
معني كده ان دي مشكله عامه في الكهرباء
طالما العبيه جديده يبقي لازم تخلي التوكيل هو اللي يتصرف علشان لو لا قدر الله في مشكله عندك تبقي ضمان

[esdin]

باشا الكهرباء عندي كلها تمام فيما عدا الليد هو اللي ضعيف انا عاوز بس اعرف هو بيخد كهرباء 5فولت ولا 12 فولت علشان ممكن تعديل في الفانوس وتوصيله بكتاوت بس الخوف أن الليد يطير.
شكرا على رد حضرتك

[besso]

انت اصلا بتقول انك موصلهم على النور الصغير بدل الكونتاكت يعنى داخللهم 12 فولت يبقى ممكن يكون فى الهاى لاين اصلا بيبقو خارجين من كنترول او علبه الفيزوات الداخليه(هى اصلا عباره عن مديول بردو) علشان ده نظام drl فممكن يكون ده اختلاف بين الفئه دى والفئه دى
هى اللى بتتحكم فى شده الاضاءه

مش عايز اقوللك اعمل الكتاوت ده علشان ماتلعبش فى العربيه والمشكله ماتتحلش فى الاخر

[esdin]

انا فكيت الفانوس عند كهربائى ولقى فى كارتة جو على الليد قالى انها بتاخد 12 فولت بتخرج لليد اللى هو محتاجو وقاللى

لو عايز الغى الفيشه من على الكارتة واديله 12 فولت معنديش مشكلة بس ممكن الليد يطير فأية رايك ؟

[besso]

لا الليد هايطير ليه طالما هايوصل نفس السلوك اللى داخله للبورده يبقى مافيش تغير لان اصلا المفروض ابورده فيهامقاومات علشان تخرج تيار قليل يناسب الليد
هو مجرد انه هايدخلهم تيار بعيد عن الفيشه

بس على فكره هو ايه التغير اللى هايحصل اصلا ماهى هى اذا كنت توصل من الفيشه او من بعيد عنها عادى هى هى
انت ممكن تجرب فى واحد وتشوف الاضاءه اتغيرت ولا لا على البطاريه كده وتجرب فى واحد الاول

[esdin]

المشكلة ان البطارية بتخرج 12 فولت والليد اعتقد انة بيخد 5 فولت وهى دى وظيفة الكارتة فى الغالب المقاومات اللى

عليها هطير او اللىيد هو اللى هيطير ان اعتقد ان فى فيوز مش موجود فى العلبة وهو دا اللى بيقوم بعمل drl مع

الكونتاكت مش راكب بي ان عاوز حد بيفهم اقدر اروح لى علشان ميفتيش ويبوظ الدنيا وانت عارف ان معظم الكهربائية

على ماتفرج

[besso]

مش عراف بقى بس انا معلوماتى ان الفمروض البورده يكون فيها مقامومات تشغل الليد بالتيار المناسب والمفروض توصل على البطاريه عادى
يمكن يكون فى الفئه الاعلى اللى فيها drl التصميم مختلف عن عندك

انت ممكن لو تعرف تشوف عربيه فيها drl تقيس التيار اللى داخل للليدات كام بالافو كده هاتعرف هما فيهم مشكله ولا انت عندك اختلافى فى التصميم؟؟؟

[esdin]

شكرا باشا على اهتمامك

[besso]

يافندم انا تحت امر حضرتك

هو حضرتك عملت ايه فى الكشاف ؟؟ المشكله اتحلت يعنى؟؟