السياره لاتدور وهى ساخنه ؟؟؟؟؟؟

[semsem191079]

السلام عليكم ورحمة الله وبركاتة
مشكلتى ان السيارة وهى باردة وفى الصباح تدور بسرعة جدا لكن لو خرجت بيها و بطلت وهى ساخنة وجيت ادور تانى مش بتدور بسمع صوت المارش بيدور بسرعة احيانا وببطء احيانا ولو اسمريت بحس وكإن البطاريه نايمه خالص ولو زقيت العربيه بتدور بسرعه عادى جدا ولو انتظرت ساعه حتى تبرد بتدور بسرعه من غير زق

واحد قالى جلب المارش.....غيرتهم ومفيش فايدة
واحد تانى بيقول البطاريه بس العربيه بتدور تمام الصبح وكمان لو انتظرت ساعه بعد السخونه بتدور تمااام فلو بطاريه يا اما هتدور يا اما مش هتدور مالهاش علاقه بالسخونه من عدمها.
واحد قالى طقم الكهربا او الموبينه وبصراحة مش عايز اغير تانى غير لما اتاكدبدل مانا ماشى كدا فى اتجاه غلط ..
ارجوا مساعدتكم وشكرا

[أسامه الحسيني]

لو كان العكس كنت قلتلك ان البطاريه ضعيفه لكن فى الحاله دى ربنا يكرم وحد من الاعضاء يقدر يفيدك

[profengmoh]

انا كان عندي مشكله قريبه من دي هي ان العربيه و هي بارده تدور بسرعه و لما تبقى سخنه تطول و الدواره و السبب طلع من الرشاشات و غيرتهم و انتهت المشكله تماما .. ممكن تكون الرشاشات عندك هي المشكله و على فكره الرشاشات كان عيبها انها بتسيل مش مسدوده و بالتالي لما تسخن بتسيل يعني مش بتؤدي دورها مضبوط .. شوف كده و انا متابع الموضوع ان شاء الله

[wael saed abdo]

ممكن من فضلك تقول حليت المشكله ازاى؟

[wahid 1127]

نفس المشكلة

وطلعت فى الاخر بطارية

[Mohamed Desoky]

واحتمال كبير من البوبينه لما تسخن تفصل كهرباء وممكن الرشاشات بتسيل بس تبان الصبح اكتر لو عيب رشاشات هتغيب فى الدواره والشكمان هيطلع دخنه سودا فى اول اليوم بس احتمال البوبينه اكتر وممكن تاخد من جارك او اى حد معرفه عنده بوبينه كهرباء تجرب بيها وترجعهاله تانى قبل ماتشترى ؟

[دعبدالرحيم]

ممكن حساس الكرنك راجع فيشته ونضفها والسلك بتاعه وممكن موبينه

[م أحمد]

ما دام البطارية سليمة و بتدور زق بسرعة بدون اى مشكلة يبقى مشكلتك محصورة فقط فى المارش...بس مش مشكلة جلب ....بوبينة المارش (الكوليكتور تحديدا مش كل البوبينة) هتلاقيها متاكلة و التوصيل بيبقى وحش مع السخونية و بالمرة غير شربون

[abokoko]

راى مخالف
ممكن يكون غلط


المشكلة فى مضخة البنزين ضعيفة
وتقدر تتاكد لو الميكانيكى عندة مضخة نص نص جربها

[محاسب صعيدى]

اعتقد موبينة الكهرباء هى المشكلة

[svneleven]

طالما العربية بتدور علي طول لو زقها يبقي المشكلة محصورة في المارش و البطارية و اعتقط المارش لانه بردو بتدور الصبح و الجو بارد عادي بدون مشاكل. يبقي المارش اما بيسخن مش بيكون بالكفاءة المطلوبة.

[فريداحمد]

المشكلة اخى العزيز تنحصر فى المرش و بلاخص فى الجلب و تقوية اطراف ملفات المرش الجلب المفروض تكون من النحاس الجرافيت و ملفات المرش تتزود بالقصدير