إستفسار بخصوص لمبة الدينامو

[راضي]

معايا عربية مازدا 3 كان في مشكلة في السنتر لوك وديتها للكهربائي صلحها بس ظهرت مشكلة تانية بعدها مباشرة وهي إن لمبة الدينامو بتنور لما تدور العربية حتي لما أمشي بيها تظل منورة لمدة ما يقرب من عشرة دقائق ثم بعدها تنطفئ تماما ولاتظهر مرة أخري ولو ركنت العربية لفترة بردت فيها ومشيت تاني ألاقي اللمبة منورة وبعد ما أمشي شوية ودوس بنزين تطفي اللمبة ياتري إيه السبب

[ahmed.magdy]

غريبة ، بس انا متابع... عن نفسي انا اتعقدت من الكهربائية كلهم

[راضي]

غريبة ، بس انا متابع... عن نفسي انا اتعقدت من الكهربائية كلهم

أنا رحت للكهربائي بيها النهاردة لكن للأسف كان تعبان فقال للصبي بتاعه بص علي العربية وطبعا لقاها طبيعية وأنا طبعا لما وصلت للكهربائي كنت مشيت تقريبا عشرة دقائق فكانت اللمبة طفت وكل شئ طبيعي فسألت الكهربائي قالي مفيش مشكلة طالما بتطفي لوحدها بس أنا مش مقتنع وسؤال تاني هي مازدا 3 2007 مفيهاش لمبة تشك؟ علشان أنا معنديش لمبة تشك .

[Abo_Mazen]

لو إنجشكن لازم يكون فيها لمبة تشيك ..بالنسبه للكهربائي ..روحله تاني ..وإنزل وأقف عنده ..وبطل العربيه ..وهات إزازة حاجه ساقعه وأقف إشربها قدامه بهدوء أعصاب ..لغاية العربيه ما تبرد خااااالص ..كإن فيه ميكانيكي هيشتغل فيها ..وبعدين جرب ودور ..هتظهر المشكله ..وده على كلامك إن لما العربيه تكون بارده أو تسيبها تبرد بتظهر المشكله ..جرب كده وشوف

[راضي]

شكرا علي الرد عموما حروح للكهربائي تاني يكشف علي العربية ونشوف في إيه.