نور الطابلوة بيقوى مع دوسة البنزين

[hesham fawzy h]

نور الطابلوة و الصالون بقى ضعيف

و بيشتد لما ادوس بنزين

دة عييب اييية

[hemaa_82]

راجع كتاوت الشحن ..... كهربائي يكشف و يظبطك

[kemz]

غالبا الكتاوت زي ما اخونا الفاضل تفضل وقالك، وده حاجة بسيطة

[Mecha]

هو اوتومبيلك ايه يابو هشام ؟؟؟

[mado83]

كتاوت او دينامو

[hesham fawzy h]

هو اوتومبيلك ايه يابو هشام ؟؟؟

ههههههههههههههههههه

تويوتا عيون 97

دة كدة يبقى دناموو ولا اية ؟

[م/أحمد عبد الفتاح]

أول حاجة تشوف أشلاك وقواطيش البطارية وتنضفها لو كانت مصدية او مملحة وتربطها كويس ولو كانت القواطيش بايظة غيرها ..... وبعدين تتأكد من كابل الرضى بين البطارية وجسم العربية لازم يكون سليم وفيه كابل أرضى تانى جنب المارش أو على المارش بيوصل مع جسم العربية من تحت برضه تشوفه وبعد كل ده تجرب وتشوف ... لو لسة المشكلة موجودة إكشف على الدينامو بجهاز القياس عند كهربائى فاهم مش من اللى بيفتوا بحيث وانت مدور ودايس شوية على البنزين يكون الجهاز بيقرا من ١٤ إلى ١٤,٥ فولت ولما تشيل رجلك المفروض ينزل بسيط لو قرا أقل من ١٢ فولت يبقى فى حاجه فى دايرة الدينامو أو الدينامو نفسه فيه مشكلة.

[م/أحمد عبد الفتاح]

حاجه تانية نسيتها إتأكد من سير الدينامو حالته كويسة وإنه مشدود بطريقة صحيحة

[hesham fawzy h]

شكرا يا رجالة علر النصايح الجميلة دى