مشكلة مش فاهمها

[ashroof]

برجاء المساعدة عندى عربية لانشيا لسه مغير البطارية من 7 شهور فقط ومن اسبوع عملت الدنيئة معايا المهم دورتها زق وشحنت البطارية وعدى ثلاثة ايام وامس عملت معايا كده تانى دورت زق تانى وروحت كشفت عاى الدينمو تانى قالى كويس والبطارية كويسة والخلاصة كالاتى
شحن الدينمو 13.5 بعد ما كان 13.2 الكهربائى عمل كبل مباشر من الدينمو الى البطارية والبطارية كشفت عليها هى والدينمو تانى فى بريدجستون ومحل لبيع البطاريات ووالنيجة الاثنين تمام بس مش عارف المشكلة من فين البطارية لو سبت العربية اكثر من ساعتين تنام
برجاء المساعدة لو حد يعرف اية الحل

[A.Saad]

روح لكهربائى
ممكن يكون عندك حاجة بتسرب شحن البطارية
وممكن تفصل الكابل 3 ساعات وتركبه تانى
لو اشتغلت يبقى تسريب
لو ماتت يبقى فيها عيب
بس الانذار مش هيكون شغال وقت الفصل و السنتر وممكن تحتاج كود كاسيت
والفصل ليه طريقة علشان متعملش قافلة

[exelence]

ممكن تكون البطارية فعلا" بتسرب روح لكهربائى و انت واقف هيعرف فيه تسريب ولا لأ

[ashroof]

روح لكهربائى
ممكن يكون عندك حاجة بتسرب شحن البطارية
وممكن تفصل الكابل 3 ساعات وتركبه تانى
لو اشتغلت يبقى تسريب
لو ماتت يبقى فيها عيب
بس الانذار مش هيكون شغال وقت الفصل و السنتر وممكن تحتاج كود كاسيت
والفصل ليه طريقة علشان متعملش قافلة

ده غالبا اللى بيحصل انا امبارح بالليل فصلت كاةبل البطارية والصبح اشتغلت عادى خالص
وايه طريقة الفصل السليمة لو سمحت

[ashroof]

ممكن تكون البطارية فعلا" بتسرب روح لكهربائى و انت واقف هيعرف فيه تسريب ولا لأ

بإذن الله هاروح النهاردة تانى مع انى روحتلة اربع مرات

[Abo_Mazen]

فيه حاجه عندك بتسرب ..ده كلامك وخصوصا بعد تجربة فصل البطارية ..دي بقى عايزه كهربائي يفصلك في الكهرباء بتاعة العربيه حته حته وتجرب كده مع الوقت

[mossallem]

الحوار ده كان بيحصل مع واحد قريبي معاه نيسان سكالا
لف كتير وفي الاخر الكهربائي حط الصبي بتاعه في شنطه العربيه وقفل عليه واكتشف ان لمبه الشنطه مش بتفصل

[ashroof]

هو انا كدة على يقيين بان المشكلة تسريب كهراء يعنى حاجة فعلا شغالة ومش عارفها لانى فصلت كابل البطارية تانى لاكثر من 33 ساعة متتالية حواى يوم ونصف ولما خرجت الصبح النهاردة ركبت الكابلات ودارت من غير مشاكل على طول وكل مرة اروح للكهربائى يقولى كله تمام ومش هاتعمل كده تانى لكن للاسف لو سبت الكابل لاكثر من 4 ساعات البطارية تريح المهم مع انها عملية تزهق لوعملت كدة لحد مانزل القاهرة اشوف كهربائى محترم هل فية مشكلة