لمبة الفوج بتتحرق على على طول

[modyegypt]

بسم الله الرحمن الرحيم
يا جماعة انا غيرت الكشافات بتاعة الفوج لعربية نوبيرا
طبعا جبتهم صينى
وكل شوية لمبة تتحرك لما انا زهقت بجد من حكاية نور الفوج اللى بيتحرق كل شوية لمبة مش الاتنين مع بعض
وبجيب اللمبة اللى علبتها برتقانى اللى بيقولوا بلجيكى انا زهقت
اية الحل

[Mecha]

بتجيبها كام وط

[modyegypt]

10 w تقريبا
الكهربائى اللى بيركبها اللمبة ب10 و5 تركيب

[Mecha]

اتاكد من الواط تاني الرقم غريب ,متزودش عن 55وط واتاكد العدسه او الفانوس مربوطين كويس

[modyegypt]

شكرا لحضرتك على الرد والاهتمام أ/ Mecha
ممكن تكون 100 وات والاصلية كانت 55 وات
مع العلم ان ايام الفانوس الفوج الاصلى عمرها ما اتحرقت
سؤالى ينفع اجيب لمبتين زى اللى فى الكشاف اللى فوق الكبير h4 واركبهم علشان النور يبقى قوى

[Mecha]

دي ال H4 ,المعتاد 55/70 W ,
2بول عالي وواطي ,من ناحية التركيب هتركب ,لكن فيه مشاكل هتسحب امبير وممكن تنحرق كالسابقين ,كمان هتعمي المقابل .




لمبه الفوج لو قللت الواط زي الاصلي هتعيش,ومعاها عاكس مزرق او مخضر علي حسب يخفف حدة الضوء للمقابل ,ومنها زينون بيفرش اضاءه ممتازه
دي H3 , 12V / 55 W ,هالوجين بتستحمل الحراره وشائعه جدا في حاجات كتير زي الفنار وتستحمل الهبد

[Mecha]

ادي H3 هالوجين اصفر ,حلو للمقابل و 55w

[Mecha]

لو عاوز اضاءة عاليه هتحتاج تركب وحدة HID

[modyegypt]

والله انا شاكر لزوق حضرتك ومحرج منك كمان
كتر الف خيرك انا كنت نازل اشترى اللمبة ام 10 جنية لكن غيرت راى بعد ما شفت كلام حضرتك الجميل والوافى
بالنسبة للh3 الهالوجين الاصفر نورة هيكون كويس ولا اية لان النور دة مبستغناش عنة جوة البلد
حضرتك فضلا لا امرا اكتب لى الاسعار
وحدة HID دى زينون ولا اية
جزاك الله عنى خير الجزاء

[Mecha]

لا شكر علي واجب اخي .ال h3 هالوجين وبتستحمل الحراره والهز وسعرها معقول .ال hid منها غاز زينون ودي اقوي انواع الاضاءة واغلاها وخد بالك بيركب مع اللمضه بالاست زي مقاومه. الاسعار مقدرش افيدك ,وممكن تجيب ايباي.
وفيه في النص led وسعره اهدي واضاءته اقوي من الهالوجين ,وامبيره ضعيف وبيعيش جدا ,بس ميستحملش الرج والمسامير السايبه

[Mecha]

[ryanapo]

بتجيبها كام وط

طبعا اللمبه الاصلى اوسرام المانى وتبقى من 15 لا20 جنيه وتبقى 50 وات او 100 ودى الاصلى ويتم تثبيت اللمبه صح فى القاعدة وتحت امرك