السيارة لا تدور

[hell_man_3]

السلام عليكم
المشكلة بدأت معى من فترة عند تدوير السيارة كانت احيانا تدور واحيانا لا تدور فعند تدويرها لا اسمع صوت المارش فقط اسمع صوت تكة الريلاى (الكتاوت)
واليوم لم تدور معى الا عندما قام بعض الاشخاص بدفعها (زقها).
تفتكروا المشكلة من إيه ؟

[Abo_Mazen]

يبقى أكيد المارش عمل الدنيئة

[hell_man_3]

بس لو هو المارش كان بتعمل كده والعربية متدورش وبعد كذا مرة تدور إزاى ؟
أنا شكيت فيه برضو وشكيت فى البطارية كمان وخاصة إن الكلاكسات صوتها بقى ضعيف خالص والزجاج الكهرباء بقى بيعلق كتير فى الطلوع والنزول ولازم أدوس بنزين كتير علشان يفك التعليقة ودا اللى خلانى شكيت فى البطارية برضو بس الغريب إن الإنارة مظبوطة والبطارية لون الإشارة بتاعتها أخضر !!

[besso]

اللون مش حاجه تعتمد عليها

روح لكهربائى يقيس البطاريه والدينامو الاول وشوف ايه الاخبار
لو الدنيا تمام يبقى العيب فى المارش

[hell_man_3]

انا قمت بقياس البطارية طلعت 12.5 فولت والدينامو طلع 13.7 فولت
الغريب بقى ان العربية دارت لما فكيت مشط الموبينة ونفخته وركبته تانى .. يبقى كده ايه المشكلة المفروض ان الموبينة ملهاش علاقة لانها كانت دارت بالزق !!

[besso]

كده ممكن يكون فيه مشكله فى الكهرباء عندك خلى كهربائى يبصللك عليها احسن

[hell_man_3]

اها ما انا هعمل كده ان شاء الله بس كنت عاوز اتأكد من فيشة المارش بس للأسف مش عارف هو فين أصلا فى العربية ؟!
العربية نوعها سيات ايبيزا 94

[besso]

لا مش عارف الحقيقه فيشه المارش فين فى الابيزا