غيرت اللمبات لأعلي وعملت كتاوت ليها فأتحرقت

[amagroup]

النور كان عندي 50/60w انا عليته ل 120w وطبعا ده محتاج كتاوت وعملت ده فعلا

بعد حوالي 9 شهور لقيت النور الواطي اتحرق في اللمبة الشمال وبعدها بأسبوع اليمن اتحرق كمان

وعشان كده فكرت في حاجه ممكن تكون سبب الموضوع وهو ان اللمبات كانت قبل التعديل ووضع الكتاوت كانت بتاخد تغذيه 12 فولت ثابته (علي حسب كلام واحد اعرفه قال لي ان فيه قطعه بتثبت الفولت لكل اللمبات والمواتير الكهربيه وكده) بدون تغيير اما دلوقتي فبتاخد من البطارية علي طول والبطاريه خاضه للشحن فممكن تزيد ل13 فولت وده اللي قلل عمر اللمبات وخلاها تتحرق علي ما اعتقد او الجانب الثاني وهو ان اللمبات صيني وعمرها كده او عشان المطبات وانا مشغل اللبمات بالليل علي طول !!!

وعملت موضوع

http://www.nilemotors.net/Nile/469794-12.html

بخصوص تغيير الفولت بس المشاركات موصلتناش لنتيجه فهل حد هنا عند حل للموضوع ده
او فكره

عاوزين عباقرة كهربه العربيه يفيدونا

[Mecha]

بودي اساعدك لكن اللمض دي تعمي الناس وتعمل حوادث

[rotanamasoud]

سواء اللمبه اخدت كهرباء من الدراع او من الكتاوت لا علاقه بالفولت الكتاوت حيديها الامبير اللى عايزاه وحيحمى دراع النور من الحمل
حفهمك عمل الكتاوت
كتاوت 30 امبير لتشغيله بيحتاج 0.5 امبير اى دراع النور حمله 0.5 امبير تتحول بالكتاوت الى 30 امبير يعنى سويتش كهربى ودراع النور مفيش عليه احمال والاحمال على الكتاوت للمبات مباشر
اللى يتحكم فى الفولت هو قطعه تنظم الفولت داخل الدينمو

[amagroup]

سواء اللمبه اخدت كهرباء من الدراع او من الكتاوت لا علاقه بالفولت الكتاوت حيديها الامبير اللى عايزاه وحيحمى دراع النور من الحمل
حفهمك عمل الكتاوت
كتاوت 30 امبير لتشغيله بيحتاج 0.5 امبير اى دراع النور حمله 0.5 امبير تتحول بالكتاوت الى 30 امبير يعنى سويتش كهربى ودراع النور مفيش عليه احمال والاحمال على الكتاوت للمبات مباشر
اللى يتحكم فى الفولت هو قطعه تنظم الفولت داخل الدينمو

انا فاهم كويس انا مهندس الكترونيات علي فكره بس انا بتكلم علي ان لو الدينمو شحن البطاريه بقيمه 13 فولت مثلا ماهو برده بيدي لبقيه الأجزاء نفس الفولت يعني اللمبات بتاخد 13 فولت وده طبعا وقت الشحن للبطاريه بس
يعني في أوقات تانيه بتكون 12 فولت و اوقات 12.5 فولت حسب الدينامو واللي بينظم الفولت ده يخص حاله الشحن للبطاريه
السؤال هنا بقي اللمبات بتتحمل 13 فولت كده ببساطه

لاحظ ان الفولت ممكن يحرق لمبه أما الأمبير فده علي حسب ما اللمبه بتسحب زي ما انت قولت

[rotanamasoud]

تصميمات كل اجهزه العربيه تعمل حتى 14.4 فولت بامان

[gamal_sharaf]

متابع

[esamahmed]

متابع