عكست اقطاب البطارية

[Moe Ahmed]

السلام عليكم ورحمة الله
حاخش في الموضوع على طول
امس لما جيت ادور العربية الصبح ما رضيت وكانت لمبة البطارية مولعة
المهم ناديت جاري عنده عربية جاب بطارية علشان نعمل توصيلة
في البداية لما وصلناها كل اللمبات الامامية اشتغلت وانا نقرت العربية ما دورتش
بعدها لاحظت اننا عكسنا الاقطاب فقمنا رجعناهم تاني العربية دورت بس لما نفك البطارية المحرك بيوقف مع اننا قبل كدا دورت عادي وفكينا البطارية التانية وكلو تمام
اشتريت بطارية جديدة امس وركبتها العربية دورت
بس الشاشة ما اشتغلتش والمكيف وقف ولمبة البطارية في الطبلون مولعة و الدريكسيون مش راضي يتحرك كأن المحرك مش شغال مفيش فرق

ارجوكم محتاج مساعدتكم ضروري

السيارة اكسنت موديل 2013 اوتوماتيك

[Abo_Mazen]

هو الباور عندك كهربا؟؟؟

لو الباور عندك كهربا ..يبقى إحتمال وارد قوي إن الدينامو عندك لقى حتفه ...وبالتالي العربيه شغاله على البطاريه بس ..وبالتالي برضه في حاجات مش هتشتغل عندك

[Moe Ahmed]

الموتوور شغال مافيش مشكلة
بس احساس كل حاجة في العربية تعطلت
و مش قادر احركها حاليا بسبب الدريكسيون

[ahmedsrs]

سليكونات الدينامو اتحرقت ولو الباور كهربا يبقى موتور الباور اتحرق ربنا معاك

[Ahmed Tarek 00]

كنت وديتها عند كهربائي عشان لو حصل حاجة فيها تحرقه وهوا واقف ف مكانه او تكهربه او تولع فيه لكن كان من الافضل عدم التجربة ف العربيات

[monamize4]

عكس الاقطاب عامة بيبوظ الدينامو و الكمبيوتر و الفيوزات
واضح انها جات ف الدينمو ,, الحمد لله انها ماجاتش ف الكمبيوتر

[graffittiii]

هههههههههههه بردو

http://www.nilemotors.net/Nile/257809-a.html