عداد السرعه

[yassinahmed]

تحياتى

معايا عربيه بيجو 405 ايرانى المشكله ان ساعات بحس ان عداد السرعه مش بيقرا قرايه مضبوطه يعنى مثلا لحد ستين او سبعين كيلو تلاقيه ماشى كويس بعد كده تحس ان هو بيثبت فى مكانو او بيروح نازل عشره او عشرين كيلو يعنى مثلا من سبعين يروح نازل على ستين و ميرداش يزيد عن كده بس تحس ان العربيه سرعتها بتزيد و بعدين يشتغل بس بردو تحس ان هو بيقرا قرايه قليله بعد حوالى العشره او العشرين كيلو اللى نزلهم و ساعات تانيه تحس ان هو بيقرا عادى جدا بس على السرعات العاليه شويه ممكن على 100 كيلو مثلا بس الابره بتاعت المؤشر بتتهز يعنى تقعد تطلع عشره او عشرين كيلو لفوق و بعدين تنزل تانى رايح جاى و بردو لو عدا من جانبك عربيه نقل او اوتوبيس كبير مجرد الهوا بتاع الاوتوبيس او العربيه النقل يخلى المؤشر يتهز لفوق و تحت يا ترى ايه سبب المشكله و كيفية العلاج و جزاكم الله خير

[yassinahmed]

سبعين مشاهده بدون اى رد ؟؟؟ ايه الكسل ده ؟؟

متابع لو اى زميل عندو افاده و كنت عاوز اسال سوال عام هو انا لو عندى مشكه فى كمبيوتر او حساسات او خلافه لازم لمية التشيك تنور ولا مش لازم ؟؟ يعنى هل ممكن انا يكون عندى مشكله فى كمبيوتر العربيه من غير ما يكون اى لمبات تشيك منوره ولا ممكن يكون موجود ايرور من غير اى لمبه ما تنور ؟؟؟ و جزراكم الله خير

[sayedafandy]

علي حدود معلوماتي في العربيات القديمه عداد السرعة بيكون متوصل بالفتيس بواسطة وير ( سلك شبيه بسلك الدبرياش ) بيركب في العداد من ناحية وفي الفتيس من الناحية التانية وبناءا علي ذلك احتمال يكون السلك مش مربوط كويس سواء في العداد او في الفتيس او اطرافه اتبرت او جراب السلك اتقطع فبيلف بصعوبه داخل الجراب بسب الاتربه والعفار ، وفي جميع الحالات المشكله دي سهله خالص وبيعملها بتاع العدادات ما بتاخدش نص ساعه
اما في العربيات الحديثه فلا اعرف بصراحه هل يعمل عداد السرعه بنفس الفكره ولا الموضوع مختلف