ضعف في الكهربا

[mobinil_eg]

اعزائي حبيت استشيركم في مشكله بتواجهني بقالها فتره

انا عربيتي شاهين 1400 ، ركبتلها تكيف والحمدلله بقاله فتره شغال كويس بس في مشكله بتواجهني ، مع تركيب التكيف كان ضروري اني اركب مروحه تبريد تانيه علشان الحرارة ، وفعلا الحراره بقت كويسه بس حصلت مشكله في الكهربا ، بمجرد ما بتشتغل المراوح حتى وبدون تكيف علشان تبرد العربيه لما توصل الحراره لدرجة 90 بلاحظ ان العربية بتتخنق وال rpm بيقل وكمان ممكن لو قرصت عليها تصقف مع العلم اني بحط بنزين 92 وبمجرد ما المراوح تقف العربية ترجع تاني طبيعية والعزم يزيد بشكل ملحوظ

وكمان في حاجات تانيه ملحوظه زي مثلا لما تشتغل المراوح وانا منور النور بليل النور بيقل وكمان لما ركبت كست جديد بقى يطفي ويرستر لوحده لحد ماجبتله سلك مباشر من البطاريه وحاجات كتير بتدل على ان الكهربا ضعيفه وبتلعب

المهم ، انا اسف اني طولت عليكم ، رحت لكهربائي يقيس الشحن الغريبه انه قال ان الشحن تمام وانه 14v على السلنسيه يعني ممتاز جدا والدينمو بخير مع العلم انه الفبريكه وملعبتش فيه نهائيا

في ناس قالولي ان الدينمو ليه امبير غير الفولت وان الكهربائي بيقيس الفولت فقط ونصحوني بحاجه من الاتنين يا امى اني اركب استبليزر يعني منظم كهربا للعربية (ودا مسمعتش بيه في مصر) يا امى اني اسال واشوف اذا كانت ضفيرة العربية تستحمل دينمو بأمبير اعلى

بيني وبينكم انا فكرت في دينمو الشاهين ال1600 اللي بتنزل مكيفه بس مش عارف اذا كان فعلا امبيره اعلى وهيفيدني ولو فعلا اعلى ضفيرة العربية هتستحمله وهلاقيه بكام وفين ؟؟ ياريت تساعدوني بجد المشكله مضايقاني خصوصا ان تشغيل التكيف في الحر دا معناه تشغيل اكتر للمراوح معناه عربيه تقيله ومبتسحبش

ملحوظه : انا مركب بطاريه AC Delco سعودي جافه من سنه تقريبا ونفس امبير الفبريكه مش فاكر كام الصراحه ، ساعة التغيير سمعت انها افضل واشد في الكهربا بس للأمانه ملمستش اي فرق اللهم انها فعلا انضف ومبتحتجش ميه والكلام دا

[HeMa_LanCeR]

كده الينامو ضعيف
هو الكهربائي قاسو بالحمل ولا من غير
يعني خلاك تشغل المراوح والنور ولا عمل ايه بالظبط ؟

[mobinil_eg]

شكرا على ردك يا غالي ، اه فعلا نورت النور وشغلت التكيف ووراني العداد بعنيه وكله تمام

[Ashraf_Ashraf]

نصيحتى ليك هتغير الدينامو باخر امبير عالى 80 او اعلى مشكلتك ان الدينامو بتاعك امبيره واطى
غير وانشاء الله كله هيبقى تمام

[mobinil_eg]

نصيحتى ليك هتغير الدينامو باخر امبير عالى 80 او اعلى مشكلتك ان الدينامو بتاعك امبيره واطى
غير وانشاء الله كله هيبقى تمام

طيب عزيزي ياريت تفيدني اذا كنت ترجحلي دينمو معين ، يعني مثلا 31 ولا الشاهين المكيفه وفين الاقيه بيتباع ويبقى كتر خيرك لو قلتلي متوسط سعره بيتراوح في كام

[ahmedzizo131]

[frame="7 80"]
انا لسة شارى دينمامو 131 من يومين استعمال خارج لان بتعى كان استوى
و بعد مغيرتة حاسس بفرق كبير جدا جدا جدا ملخوظ اوى فى الاضاءة المهم كان ادمى نوعين ( ايطالى و المانى )الايطالى كان عامل 150 جنية و اخدتة بالعافية بـ120ــجنية و كان بيقول الالمانى ب200 جنيها .
الميزة اللى فى الدينمو دة انة فى كتاوت منة فية بالداخل .
[/frame]
بالتوفيق ان شاء الله

[mobinil_eg]

طيب ممكن اعرف حضرتك جبته منين لان بجد محتاج اغير وياريت كمان لو تعرف امبيره قد ايه

انا اللي راكب عندي كتاوت داخلي برضه بس للاسف الظاهر امبيره قليل ومش مستحمل حمل المراوح والتكيف

[ahmedzizo131]

[QUOTE=mobinil_eg;868256]طيب ممكن اعرف حضرتك جبته منين لان بجد محتاج اغير وياريت كمان لو تعرف امبيره قد ايه


للاسف الشديد انا من اسكندرية

[Ashraf_Ashraf]

اسف على التاخير فى الرد
الدينامو انا مركب دينامو نسيان 90 امبير جبته ب160 ج بس غيرت طنبوره الدينامو وشغال زى الفل وجبته من الوكاله وكان تحت التجربه

[mobinil_eg]

رحت ياجماعه لواحد بتاع تكيف ولسه جاي من عنده وقاس الدينمو بنفس الطريقه ، بيركب عداد على طرفي البطاريه وقالي الشحن كويس مع وبدون التكيف . بجد محتار مش عارف اعمل ايه

[mobinil_eg]

اسف على التاخير فى الرد
الدينامو انا مركب دينامو نسيان 90 امبير جبته ب160 ج بس غيرت طنبوره الدينامو وشغال زى الفل وجبته من الوكاله وكان تحت التجربه

كتر الف خيرك على ردك بس ياريت معلش هتعبك لو رحت لمكان محدد تقولي عليبه ، انا فهمت من حضرتك انك اشتريته من التوكيل فهل ليه مكان معين في القاهره وهل الدينامو جديد بالسعر دا ؟ وعملية تغيير الطنبوره بيعملوها هما ولا اوديها لحد معين

كتر الف خيرك وسؤال اخير انتا مركب تكيف ؟ والكهربا بصفه عامه اتدعلت عن الدينامو الاصلي بتاع العربية

اسف على الاطالة

[mobinil_eg]

عزيزي ash_rsi مازلت انتظر ردك بفارغ الصبر

[mobinil_eg]

اخواني رحت التوكيل اللي في غمره وسألت عندهم ملقتش غير نفس الدينمو اللي عندي 55 أمبير وسعره 850 جنيه

[HamadaMOMO]

انا عندى نفس المشكلة وقررت اركب استبليزر

http://www.sharkracing.com/acecart/bin/shop.cgi?action=view&itemID=voltstabi_2_1_14&cate=011600000

علشان روحت برضو التوكيل وقاسولى الشحن كان 13.94 فولت وقالولى تمام و بس انا مركب فوانيس ليدات ودى فى دى بلت ان

فقررت انى اجيب استبليزر بدل ما العب فى الكهرباء


فياريت لو حد مركبة يقولنا اية اخبارة هل بينظم الكهرباء بنسبة 100 %

[mobinil_eg]

انا عندى نفس المشكلة وقررت اركب استبليزر

http://www.sharkracing.com/acecart/bin/shop.cgi?action=view&itemid=voltstabi_2_1_14&cate=011600000

علشان روحت برضو التوكيل وقاسولى الشحن كان 13.94 فولت وقالولى تمام و بس انا مركب فوانيس ليدات ودى فى دى بلت ان

فقررت انى اجيب استبليزر بدل ما العب فى الكهرباء


فياريت لو حد مركبة يقولنا اية اخبارة هل بينظم الكهرباء بنسبة 100 %

للأسف الظاهر محدش مركبه في في مصر بس انا قريت في منتديات خليجيه انه مش هيعمل الفرق اللي انته متخيله لانه قايم على فكرة الشحن والتفريغ زي بطارية العربية بس اللي يفرقه عنها ان مخزونه اقل بكثير بمعنى انه بيشحن من الدينمو عادي وفي حالة التحميل الزايد زي مثلا ما تنور النور بيديك المخزون اللي فيه لفتره زمنيه محدده فاللي هيستفيد منه بجد اللي مركب مثلا نظام صوتي شديد وبيحصل عنده ضعف مع البيز العالي فبالتالي الاستبليزر هيقدر يغطيله الضعف المؤقت اللي بيحصل لفترات قصيره