فانوس الشاهين

[medo_love9551]

عنى عربية شاهين امبارح وانا ماشى بيها خبط فى تاكسى والفانوس الامامى انكسر ياترى تمن الوش الزجاج بتاعة بكام وهل ممكن اركبة بنفسى وهل لازم افك الفانوس كلة علشان اركب الوش وبيركب باى نوع لزق وشكراااا

[mrghost]

تمن الوش الزجاجى 10 جنيه وتشترى انبوبه سيليكون ب 4 جنيه وممكن تركبه بنفسك عادى ومش لازم تفك الفانوس

[medo_love9551]

الف شكر ياباشا على المعلومة

[ahmedzizo131]

حاول ان السيليكون ميجيش على الهدوم علشان مش بيطلع و بيسيب اثر
" عن تجربة "

[ahmedhilmy]

متنساش بعد ما تلزق الوش الجديد بالسيليكون تلزق الوش مع الفانوس بشكرتون علشان الوش ميقعش و انت ماشي يوم كجه و لا اتنين و بعدين شيله

[medo_love9551]

الف شكر الاعضاء على الافادة وربنا يستر على الهدوم

[wardet]

اتأكد ان الفانوس نفسه مش مكسور " البلاستيك نفسه "
عشان لو مكسور هيدخل ميه لما تغسل العربية
والوش الازاز هيفرقع عشان تغيير درجة الحرارة
وبرضه تتأكد ان مفيش فرق بين الاوش الازاز والفانوس نفسه
عشان الميه متدخلش منه

[aescorc]

اتأكد ان الفانوس نفسه مش مكسور " البلاستيك نفسه "
عشان لو مكسور هيدخل ميه لما تغسل العربية
والوش الازاز هيفرقع عشان تغيير درجة الحرارة
وبرضه تتأكد ان مفيش فرق بين الاوش الازاز والفانوس نفسه
عشان الميه متدخلش منه

و لو مكسور الزق الكسر بسيليكون

[hassanmm]

أنا ايضا عندي وش الفانوس انكسر لادا سمارا هل هو متوفر بالسوق والا لازم الفانوس كامل أشتريه ؟

[hassanmm]

الحمد لله لقيت وش فانوس لادا سمارا وركبته بنفسى بالسيليكون.