Tweet
عندى مشكلة عويصة, غيرت الكباس بتاع العربية بكباس استيراد بتاع عربية موديل اعلى, المفروض ان الكباس القديم كان فريون 12 بتاع سيفيك 93 و الجديد 134 بتاع سيفيك 97, هل المفروض ان فلتر الفريون و الاكسبانشن يتغيروا هما كمان علشان نوع الفريون؟ طب ايه الفرق و ايه يحصل لو استخدمت فريون 12 بدل ال 134 , الكباس عندى بيفصل بعد 5 ثوانى و بالتتالى مش بيلحق يسقع, ايه الحل ؟
-
-
أنا برضه سيفيك 93 و هغير بكباس أعلى بتاع ٍٍSi
الميكانيكي بتاعي بيقولي إني هغير الكباس و الفاعده بس و لم يذكر تغيير أي شىء أخر.... هو على فكرة ميكانيكي كويس ... مركز التوحيد لو تعرفه اللي في الأميرية جنب حفني بتاع قطع الغيار... ممكن تسأله و هو هيفيدك لأنه مش بيصلح غير هوندا بس. -
شكرا يا باشا على الرد, لو سمحت ابقى قولى النتيجة, بس خلى بالك لأن الميكانيكى ملوش دعوة بالتكييف خالصComment
-
خالد باشا معلش رديت عليك متأخر بس واضح إني كمان رديت في موضوع منفصل ... هرد تاني عشان أي حد بيقرأ يستفيد.... غيرت الكمبريسور بواحد موديل 1999 ... و بالتالي الفريون كده إتغير من 12 إالى 134... لم ينصحني الميكانيكي اللي هو في نفس الوقت كهربائي و عفشجي و بتاع تكييف بتغيير أي شىء أخر كالسربنتينة مثلا... بل أن الأمر لم يناقش أصلا.... أداء التكييف أصبح ممتاز يصرف النظر عن إن الهوندا اللي هي الموديل ده مش بتسقع أوي لو العربية واقفة تحت الشمس و ثابتة... لكم مهما كانت الدنيا حر و شمس و العربية ماشية فكله تمام.....بالنسبة لأداء الموتور لم يتأثر إلا بسيط جدا مع تشغييل التكييف...بعكس الكباس الأصلي يتاعها اللي كان بيخنق العربية و لو الدنيا حر قوي العربية كانت مش بتمشي و الموتور كان بيبطل...المشاركة الأصلية كتبت بواسطة khaled_rafea مشاهدة المشاركة
مراحل العمل كانت كالتالي
1- شراء الكباس من بورسعيد و الميكانيكي هو اللي راح جابة و سعره كان 750 بالقاعدة ... أصل القاعدة بتختلف فلازم تتغير
2- شراء خرطوم ضغط عالي أيضا من بورسعيد و كان سعره 250 حيث رفض الميكانيكي الخرطوم اللي مش أصلي
3-فك الكباس القديم و السربنتينة و تنظيفها و الثلاجة و تنظيفها
4- لحم جزء معدني معين في الخراطيم الجديدة عشان تركب مع الكباس مختلف الموديل
5-التركيب و الشحن و الإستمتاع بهدوء صوت الكباس و سحب الموتور و تبريد التكييف الجيد
بس :)Comment
-
متابع معاكمComment
Comment