تكييف لفيات 132

[gearsboy]

بسم الله الرحمن الرحيم

أخواني الأعزاء أخوكم معاه فيات 132 موديل 1979 بمتور 1600 اللي هيا بيسموها 2000 الكدابة
المهم أنا كنت عايز أركب تكييف ليها وكان ليا أستفسارات
أولا هل التكييف لعربية بالمتور دا هيكون مجدي ولا مالوش لازمة ؟
أيه الترتيبات اللي لازم أعملها قبل ماركب التكييف ؟
وكمان أسعار التكييف شاملة التركيب هتكون فى حدود كام أن شاء الله ؟

وجزاكم الله خيرا

[hamadashedid]

بسم الله الرحمن الرحيم

أخواني الأعزاء أخوكم معاه فيات 132 موديل 1979 بمتور 1600 اللي هيا بيسموها 2000 الكدابة
المهم أنا كنت عايز أركب تكييف ليها وكان ليا أستفسارات
أولا هل التكييف لعربية بالمتور دا هيكون مجدي ولا مالوش لازمة ؟
أيه الترتيبات اللي لازم أعملها قبل ماركب التكييف ؟
وكمان أسعار التكييف شاملة التركيب هتكون فى حدود كام أن شاء الله ؟

وجزاكم الله خيرا

سعر تركيب تكييف كامل جديد من الالف الى الياء ما عدا الكومبروسر استيراد بضمان لمدة سنة 2800 جنية

[gearsboy]

سعر تركيب تكييف كامل جديد من الالف الى الياء ما عدا الكومبروسر استيراد بضمان لمدة سنة 2800 جنية

شكرا لمرورك على موضوعي وهذا شرف لي ووسام على صدري
وجزاك الله خيرا يا أخ حماده
بس أنا عايز أسألك سؤال
هو أنا لازم أودي العربية لسروجي سيارات علشان يظبتها الأول ويسد الفراغات ويعملها Sealing كويس ؟
وكمان بعد عمل دا كله وتركيب التكييف أيه أخبار أداؤه أصل انا سمعت أن أداؤه مش بيبقى اد كده ؟

[gearsboy]

أيه الأخبار ياجماعة مافيش حد ناوي يفيدني بأي معلومة

[م.محمد علاء]

انا عايز أعرف منك حاجه الأول..
يعنى إيه 1600 سي سي
اللى هيا ال 2000 الخداعه؟
جدي جايب العربيه دي من الكويت (2000 سي سي)
باور وتكييف و إزاز كهرباء..
العربيه لو بيحصل تسريب جامده أو لما تقفل الإزازا .بيكون فيه صوت الهواء عالى وإنت مسافر...
يبقى محتاج فعلا تسد المنافذ دي

[gearsboy]

كلمة 1600 سي سي أو 2000 الكداب
يعني أنها فعلا 1600 سي سي بس نفس شكل ال 2000 سي سي بالظبط بنفس شكل التابلوه بالميللي

[ramy01011]

ياااااااااا
تصدق كنت بتحايل علي والدي من سنة 90 اني اركب للعربية تكييف و الحمد لله لسة بايعها من كام شهر و من غير التكييف ههههههه
اهم حاجة تظبط الابواب صح علشان التكييف يكون ليه لزمة

[م.محمد علاء]

كلمة 1600 سي سي أو 2000 الكداب
يعني أنها فعلا 1600 سي سي بس نفس شكل ال 2000 سي سي بالظبط بنفس شكل التابلوه بالميللي

شكرا للتوضيح

[gearsboy]

أنا سمعت أني لازم أقفل الحوض ب لباد علشان يعزل حرارة الموتور عن الصالون
ثانيا أني أقفل الأبواب تقفيلة نضيفة وأغير الكوتشات بتاعت الأزاز
وبكده اكون جاهز أني أركب تكييف محترم
بس السؤال هل بعد دا كله الأداء هيكون عامل أيه علشان أنا قلقان لأن في ناس بتقول أن الأداء هيكون فى الأخر ضعيف
ياريت أهل الخبرة يفيدوني

[x100]

كبر دماغك مروحة من التوفقية والدنيا هتبقى لووووووووووز

[Egypt200x]

ياريت يا جماعه بجد حد يفدنا في الموضوع ده لأني معايا 132 1600 وعايز أركب لها تكييف ضروري