ما هو بلف كنترول المكيف؟

[Strong]

ما هو بلف كنترول المكيف ؟ وما علامات تلفه ؟

[kimoo2002]

لو حضرتك تقصد البلف الموجود بالكباس ويطلق علية ايضا بلف الاكسبنشن وظيفتة انة لما العربية بتوصل لدرجة تكييف عالية بيقلل درجة الحرارة يعنى بيخلى الكباس يقلل من شغلة او بمعنى ادق بيخف الحمل عن الكباس لما التبريد يوصل لدرجة عالية
الى هوة فى تكييف البيت لما التكييف بيوصل ل درجة الحرارة الى انتى ضابطة عليها بيفصل ويشغل مروحة بس لحد مدرجة الحرارة ترجع تعلى يقوم الكباس الخارجى شغال تانى لحد مدرجة الحرارة تنخفض للدرجة المضبوط المكيف عليها واعراض تلفة لما التكييف يشتغل لفترة كبيرة حوالى من ساعة الى ساعتين يقوم يتكون ثلج على مواسير التكييف يقوم التكييف تلاقية مش بيطلع هوا ويقعد يقل لحد ميبقاش فية هوا او برودة خالص لما تطفية 5 دقايق وترجع تشغلة تانى يقوم يرجع التكييف يشتغل تمام تانى ودة الى فهمتة من بتاع التكييف الى لسة غرمان عندة 450 جنية بالتمام والكمال من 5 ايام فقط وكان البلف بايظ فمردتش اغيرة وبشغل التكييف شوية ولما يقل الهوا الخارج من الفتحات بفصلة 5 دقايق وارجع اشغلة تانى
واستنى اهل العلم والمشورة من كبار علماء المنتدى

[Strong]

هو المكيف عندي مش بيبرد أصلا مرة واحدة بدأ يشتغل زي المروحة وبتاع التكييف قاللي ان البلف ده عايز يتغير

[Strong]

تم تغيير البلف وطلع ليه فوايد كتير منها :

1- لما امشي فترة والمكيف شغال بالاقي مفيش هواء طالع من فتحات المكيف وده كان بسبب البلف ده من كلام بتاع المكيف وفعلا جربت الحكاية دي.
2- التبريد زادت قوته اضعاف ماكان قبل التغيير
3- في الحر الشديد المكيف كان مش بيبقى عامل حاجة لكن دلوقتي فرق كبير
4- لما كنت باركن العربية في الشمس المكيف بيفضل ساعة أو ساعتين شغال من غير أي تأثير نهائي والكلام ده اختلف بعد التركيب

[تويوتا افريقي]

ميه ميه

[mohamed9983]

السلام عليكم و رحمة الله و بركاته
كان عندي المكيف شغال تمام بس في الاشارات كانت البروده بتقل جامد كلمت بتاع التكييف قالي انه من بالف الكنترول

[akmm]

شكرا لنقل المعلومه .........