كبس كومبريسور التكييف

[JUVENTUS]

هل فيه طريقة اعرف بيها اذا كان الكومبريسور كبسه كويس و لا لأ
مع العلم ان مفيش فريون في دورة التكييف
و شكرا لكم مسبقا

[tarekzein]

متابع

[mikology]

روح لبتاع التكييف - وقوله عاوز اكشف على الكمبريسور - هاياخده يكبسه هوا و يحطه فى حوض ميه و يشوف كبسه -هتشوف بقى لو هايطلع هوا او فقاقيع صغيره او حته تعريقه منمنمه - او يبقى تمام و مايطلعش حاجة
ده عن تجربه
بالتوفيق يا باشا

[JUVENTUS]

روح لبتاع التكييف - وقوله عاوز اكشف على الكمبريسور - هاياخده يكبسه هوا و يحطه فى حوض ميه و يشوف كبسه -هتشوف بقى لو هايطلع هوا او فقاقيع صغيره او حته تعريقه منمنمه - او يبقى تمام و مايطلعش حاجة
ده عن تجربه
بالتوفيق يا باشا

ازيك يا ميكو واحشني قاطع بينا في الرابطة كده ليه هههههههههههههههه
الف شكر على الرد بس معلش اللي انت قلته ده عشان الكشف على التسريب و لا قوة الكبس برضو في نفس الوقت

[mikology]

ماهو لو كبسه كويس هايبقى تمام لكن لو فيه تسريب هايبقى كبسه تعبان - معرفش انا انه زى موتور العربيه ليه درجات كبس دى
اللى اعرفه - شغال كويس ولا بيسرب - لو مش بيسرب خلاص يبقى تمام - اصلها دايره مغلقه وعامه الصنايعى هايقولك لو فى حاجة هو بيبص عليها هو يفهم احسن مننا فى الاحساس المهنى ده

[JUVENTUS]

ماشي يا باشا الف شكر ليك

[windofchange]

السلام عليكم يارجالة فيات معلش هو سؤالي شبه سؤال يوفينتوس لكن فحالتي الكومبريسور مفيهوش فريون والسربنتينه الامامية واخدة خبطة فكنت رحت لراجل بتاع مكيفات سألته قالي اكبس هواء بضغط عالي في مواسير التكييف ونشوف في تسريب ولا لأ وبعد كده راجع علي مواسير التكييف بمياه بصابون ولقي مفيش المهم قالي هنسيب الهواء علي اساس لما اجيله بعد كام يوم لو قاس لقي ضغط الهواء زي ماهو يبقي الحمدلله مفيش تنفيس جيت امشي من عنده بحط المفتاح فالكونتاكت واول تكه اشتغلت المروحتين بتوع الردياتير علي اعلي سرعة اقفل تكة المفتاح يفصلوا علما بان التكييف مطفي من جوه العربية قلتله راح فصل فيشة من فلتر الفريون وطفت المروحة فاستفسرت منه ايه علاقة هواء زيادة بان المروحة تشتغل علي اعلي سرعة قاللي ده الطبيعي قلت له شيل الهواء قالي ليه وعشان نتأكد بس قلت برضه شيل الهواء شاله فتح مكان مابيملاه فالمواسير طلع هواء جامد اكنك بتفضي فرده كاوتش بانك تشيل البلف بتاعها طلع الهواء مع زيت خفيف(ايه نظام الزيت ده بيتزود كل ماتشحن فريون ولا ايه ولو بيتزود بيتحط فين) وبس المراوح طفت وكل حاجة عايز اعرف هما خربوللي حاجة ولا ايه معلش طولت عليكم بس اول مرة اروح لفني تكييف جزاكم الله خير....ايهاب

[Ahmed Mubarak]

متابع

[mikology]

الزبت ده بيتحط فى دوره التكييف و الكباس - ومتقلقش - كده كده لما تيجى تشحن هايحطلك زيت مع الشحن

[jojowork1]

انا فعلا عاوز اعرف كبس الكمبروسور كويس ولا لا بس مش عارف ازاي مع العلم اني مش بتكلم علي التسريب بتكلم علي قوه الكبس بتاعه

[mikology]

فى اجهزه بتقيس قوه الكبس - بس انا شفتها فى التوكيلات بس مشفتهاش بره ودى لسه عارفها من فتره قليله - الاجهزة دى بتجيب قوه الكمبريسور و الكبس بـكام ٪

[windofchange]

عرفت السبب يارجالة ان المراوح بتشتغل بسرعة عالية سألت كهربائي حبيبي ربنا يباركله قاللي ان ده من ثرموستات ضغط الفريون او الهواء وهي لما لقت الضغط عالي فالدورة فتحت المراوح باعلي سرعتها مع اني مش مشغل التكييف وده اللي فهمته منه...ايهاب

[tamer_a7]

حضرتك في مركز صيانه بتاع تكييف في الدقي عنده جخاز لقياس الكبس
ابعتلي علي الخاص وانا اديك عنوانه