مشكله فى التكييف

[usagendy]

السلام عليكم ورحمة الله وبركاته
انا عندى يا جماعه مشكله فى التكييف من السنه اللى فاتت مش عارف سببها
اشحن التكييف يشتغل زى الفل لمدة 4 ايام او اسبوع بالكتير اوى بعد كده اشغل التكييف المراوح تشتغل والكومبروسور ما يشتغلش ويطلع هواء العادى بتاع الشارع
كنت فاكر ان التكييف بيسر ب فريون
اروح لبتاع التكييفات نلاقى الفريون زى ماهوه مانقصش خالص
يقوم موصل الاسطوانه يجرى الدوره تانى يشتغل تانى برضه 3 او 4 ايام وتحصل نفس المشكله تانى
فهل حد ممكن يكون عارف السبب
عربيتى لانوس وان موديل 2000 وده اول استفسار.
الثانى كبرت دماغى السنه اللى فاتت عليه وسيبته وخلاص على وضعه لكن لما روحت اكشف عليه اليومين دول لقيت مفيش فريون خالص فهل الفريون بيتسرب لوحده لو التكييف ما اشتغلش خالص والا كده ده عيب تانى ظهر وفى حاجه بتسرب

[elpasha1]

حاجة غريبة فعلا

[tarek_2005]

طالما لايوجد فريون خالص اذا هناك تسريب ابحث عنه
اما العيب الاول احتمال كبير اكسبنشن فالف بتاع الكباس تالف ودا جديد بحوالي 80 جم وبعد التغيير هتحتاج تشحن تاني

[shenoo]

اروح لبتاع التكييفات نلاقى الفريون زى ماهوه مانقصش خالص
يقوم موصل الاسطوانه يجرى الدوره تانى يشتغل تانى برضه 3 او 4 ايام وتحصل نفس المشكله تانى
فهل حد ممكن يكون عارف السبب

هو بيكشف علىة ازاى ؟
و مفيش حاجة اسمها يجري الدورة دى اشتغالة
و بياخد كام فى العملية دى؟؟
السبب الوحيد المنطقى ان عندك تسريب بس هو مش عارف يلاقيه ف بيزود الشحن كل شوية او مبسوط انك بتجيلة كل شوية عشان يبقى بياخد فلوس على طول
نتاكد لما نعرف بياخد كام على عملية تجرية الدورة دى زي مبيدعى

الثانى كبرت دماغى السنه اللى فاتت عليه وسيبته وخلاص على وضعه لكن لما روحت اكشف عليه اليومين دول لقيت مفيش فريون خالص فهل الفريون بيتسرب لوحده لو التكييف ما اشتغلش خالص والا كده ده عيب تانى ظهر وفى حاجه بتسرب

الفريون ممكن يهرب حاجة بسيطة لو مشتغلش فترة كبيرة زي ٤ او ٥ شهور فى العربيات القديمة زي مو ٢٠٠٠ انما من ٢٠٠٨ وانت طالع لا يتم تسريب اى شئ
و السبب الرئيسي فى الاويل سيلز و الجوانات بتكون نشفت و حسب درجة النشفان ساعات تشحن و تضيف زيت تبقى فل بس لازم تشغل كل اسبوع بعد كدة يا اما لو نشفت خالص لازم تتغير

[shenoo]

بمناسبة ان الصيف ابتدا يولع و كلة حاطط اىدة على قلبه من التكيييف وكتر اشتغالاتهم فى بعضالاحيان و الجهل فى البعض الاخر اعلن ان تكييف اللانوس المجمعة فى مصر كلة مصري عدا الكمبريسور فهو كورى
امال السربنتينة و الاكسبنشن والمبخر او الثلاجة زي مبيسميها البعض دول منين ؟
من شركة اسمها اوتو كوول مصر ودى فى العاشر وكان انشاءها ابو الفتوح ايام مكان بيجمع الدايو
الناس دول عندهم مراكز خدمة ترجعلك التكييف زيرو مهما كانت المشكلة او الحالة
الاهم ان فيه ضمان للشغل يعني لو فية اى مشكلة مبتدفعش حاجة خالص