مش عارف اعمل ايه مع التكييف

[alaasal]

السلام عليكم
ناس اصحابى ركبوا معايا النوبيرا يوم الخميس و كنا رايحين كتب كتاب
المهم الجو كان حر و كله فضل يشكر فى التكييف
يوم الاحد باشغل التكييف ماشتغلش
جريت على بتاع التكييقات
ركب العدادات اللى بيقيسوا بيها
لقى الفريون موجود لكن قاللى البلف هو اللى باظ اللى فى الكمبروسيور
غيرت البلف ب 95 جنيه و 200 جنيه قريون
كنا بالليل و هو بيشحن و مشغل التكييف على 4 و العربيه تلجت
تانى يوم طالع من شغلى الساعه 5 شغلت التكييف كالعاده و جبته على 2 زى مانا متعود
لقيته زى الزفت و ضعيف جدا
عديت عليه و شافه و قاللى المفروض تجيبه على 4 فى الاول
لكن انا مش مقتنع بكلامه و شديت معاه و قلتله دى عربيتى و انا عمرى ماجبته على 4
و دايما 2 بيكون كويس قوى بالنسبه لى
المهم لما بابطل التكييف و ابطل العربيه باسمع صوت زىى التنفيس كده
مش عارف ايه الصوت ده
انا حاسس انها ناقصه شحن
ايه رأى الخبراء

[alaasal]

رحت للراجل تانى
و قلتله كده مش هاينفع
راح و حط المقاس
قاللى المفاجاءه
الكباس ده كبسه ضعيف و بيودع خلاص
قلتله لغايه يوم السبت كان تلاجه
قاللى هو عمره كده ابقى خلى المروحه على 4 و خلص على الكباس و بعدين ابقى هات كباس تانى

سبته و رحت لواحد تانى
حط المقاس
قاللى ايه ده دة مافيش سحب خالص
البلف ده بايظ
و فضى الفريون و غير البلف و شحن و اخد 250 جنيه
و مشيت من عنده
و التكييف حلو بس برده مش زى الاول
اخدت مراتى و رحت زياره عائليه و نزلت بعد ساعتين
لقيت التكييف رجع لاول قصه تانى
حسبى الله و نعم الوكيل

[sala7]

شوف يا باشا
الصنايعية اشتغلوك شغلانة السنين

اولاً : صناعة الفريون اللي شحنولك بيه ممكن اوي تكون صيني و انضف الانواع هي الصناعة على الترتيب ( امريكي - اسباني - ياباني)

- هو ايه البلف اللي اتغير يا ريس ؟؟؟ ولو هو بلف التعبئة هل عمله اخبار بماء و صابون ولا قالك كدا من نفسه ؟؟؟
- هي الصنايعية ليه معملوش اختبار تسريب غاز على دورة التبريد ؟؟؟ طلاما هيفرغوا الغاز و يعبوة مرة تانية ؟؟؟
- لما الصناعية فضو الغاز خالص ليه ما حطوش زيت فريون قبل عملية الشحن ؟؟؟

طب فيه اسألة عاوز اعرفها منك :
- هل نسبة التبريد بعد اخر تعبئة بتعلا مع جري العربية وبتقل مع وقوف العربية في اشارة مثلاً ؟؟
- هل صوت الفسفسه ده مكانش موجود قبل كدا و ظهر بعد ما رحت للصناعية ولا كان موجود بس كان هادىء ؟؟
- هل سير الكمبريسور مشدود كويس ؟؟


على العموم انا رأيي الشخصي تشوف حد محترم اوي تروحله يشيكلك عليه صح
كصيانة بقا و هو كدا كدا هيفضي الغاز و يعبي زيت و فريون نضيف خدله معاك فلتر فريون هتلاقيه كدا عبارة عن كوباية كدا الومينيوم و مكانها تحت الكلاكس على اليمين دي يا معلم لازم تتغير لانها لو مكتومة بتأثر على كفائة الكمبريسور

[alaasal]

اشكرك على اهتمامك

هما لما بيحطوا العدادات بيلاقو الفريون موجود زى ما هو
لكن الدايوا الكمبروسر بتاعها فى حاجه اسمها كنترول او بلف فى الكمبرويسور
و ده اللى بيخلى التكييف يفصل بدل الترموستات

انا و الله زهقت و هانزل الضهر لاخر واحد واحد لانه عايبلى على الاولانى و اقنعنى انه غلطان و ان هو ابو الاسطوات

[shaddadfalcon1]

انا برده عندي صوت التنفيس ده وشاحن بقالي شهرين ومبقاش زي الأول فجاه كده بعد ماكان حلو قوي وعايز اروحله النهارده تاني

[mailo]

بص أنا عندي 2 بتوع تكيف كويسين واحد حرامي بس ده أشهَر واحد
والتاني واد ابن حلال كده ظبطلي التكيف وخلاة فلة
لو تحب نوري العربية للرجل ده ونشوف إيه الأخبار ونسمع منه أنا تحت أمرك

أنا لما رحتله أول مرة كان كل مايقولي على حاجة كنت بكلم طارق 2005 ومتابع معاه الكلام والحمدلله كله تمام دلوقتي

[tarek_2005]

مشكلة التكيف تاعك من الاول في الاكسبنشن فالف ودا الي بيعمل صوت الفسفسة وبياثر بدرجة كبيرة علي التبريد ودا عندنا في اللانوس اعلي البطاحة اليمين في السيارة في الحوض معرفش النوبيرا كدا ولا ليه مكان تاني
البلف الي غيرته دا لا يفصل الكباس ولكن وظيفته اذا ذاد ضغط الطردة عن الحد المسموح به يعمل باي باص علي الكباس ويدخل من خط الطرد الي خط السحب لتنظيم الضغوط فقط

[zegzaag]

مش عارف اقولك لكن اكتر بتوع التكييف حراميه وبيستسهلو وبيشحن وملوش علاقه بحاجه ( عن تجارب شخصيه )

المفروض تشوف الفلاتر نظيفه ولا لا وتشوف الدوره كلها يعني تفك الرف الي تحت التبلوه وتشوف الفلاتر والوصلات والخراطيم في ناس بيلحمو الخراطيم النحاس لو فيها تسريب وهكذا

في واحد انا شفتو بيصلح التكييف بيفك الدايره كلها ويشيك عليها لدرجة انك هتقول مش هيركب تاني من كتر مهو بيفك كل حاجه ويشيك عليها
واخد فالحوار كلو 120 جنيه بشحن الفريون

والاحسن ليك تروح ومعاك الاسطوانة بتاعتك على فكرة الاسطوانة الي هي كيلو او 800 جرام تقريبا ب 95 جنيه ونوعيه نظيفه بتجيبها على اديك مش النوعيات المضروبه الي بيحطوها ويقولك انجليزي وتبص على الاسطوانة تلاقيها صيني ( دول حراميه ) وعلى حسب كلامك انته محتاج بس 350 جرام لانك لسه شاحن قريب يعني تشتري الاسطوانة الصغيره ب 35 جنيه تقريبا وتديلو مصنعيه مش على الشحن بس لا على انو يصلح العيب الي فالدايره كلها وتخليه يفك الحاجه الي انته بتسمع منها التنفيس وتشاورلو على المكان متخليهوش يستسهل خليه يعمل الي انته عاوزو

[shaddadfalcon1]

معقوله فك الدايره كلها ب 120 جنيه؟

[madamada2070]

شوف يا باشا
الصنايعية اشتغلوك شغلانة السنين

اولاً : صناعة الفريون اللي شحنولك بيه ممكن اوي تكون صيني و انضف الانواع هي الصناعة على الترتيب ( امريكي - اسباني - ياباني)

- هو ايه البلف اللي اتغير يا ريس ؟؟؟ ولو هو بلف التعبئة هل عمله اخبار بماء و صابون ولا قالك كدا من نفسه ؟؟؟
- هي الصنايعية ليه معملوش اختبار تسريب غاز على دورة التبريد ؟؟؟ طلاما هيفرغوا الغاز و يعبوة مرة تانية ؟؟؟
- لما الصناعية فضو الغاز خالص ليه ما حطوش زيت فريون قبل عملية الشحن ؟؟؟

طب فيه اسألة عاوز اعرفها منك :
- هل نسبة التبريد بعد اخر تعبئة بتعلا مع جري العربية وبتقل مع وقوف العربية في اشارة مثلاً ؟؟
- هل صوت الفسفسه ده مكانش موجود قبل كدا و ظهر بعد ما رحت للصناعية ولا كان موجود بس كان هادىء ؟؟
- هل سير الكمبريسور مشدود كويس ؟؟


على العموم انا رأيي الشخصي تشوف حد محترم اوي تروحله يشيكلك عليه صح
كصيانة بقا و هو كدا كدا هيفضي الغاز و يعبي زيت و فريون نضيف خدله معاك فلتر فريون هتلاقيه كدا عبارة عن كوباية كدا الومينيوم و مكانها تحت الكلاكس على اليمين دي يا معلم لازم تتغير لانها لو مكتومة بتأثر على كفائة الكمبريسور

بص انا كان عندي مشكله ان التبريد قل و حسيت ان الهوا مرطب رحت لواحد بتاع تكييف نظف الفلتر و قالي في بلف مهوي و ناقص فريون شحن فريون و ربط البلف و عمل اختبار بالصابون و قالي تمام


التكييف بقى كويس بس مش زي الاول و التبريد كويس على السرعات العاليه و بيقل لما بقف في اشاره و بليل التكييف ممتاز ده معناه ايه لو سمحت؟ و ايه المفروض اني اعمله

[shaddadfalcon1]

انا رحت تاني وشحنت بعد مالقيت الخرطوم اللي واصل الكومبريسر والسربنتينه بايظ

الجميل بقي اني لما سالت المعهندس وقلتله نوع الفيريون ايه بصلي كاني شتمته وقالي بكل ثقه صيني طبعا وكله شغال صيني
قلتله ليه مش بتجيب امريكي ولا اسباني قالي انت عشان احطلك امريكي مثلا هشحنلك ب 250 جنيه اقل واجب بدل 150 وكله في الاخر زي بعضه والفرق بس في موضوع البيئه لكن كله زي بعضه

هل الكلام ده صحيح ولا كالعاده انا اتبعت؟