ساندن و لا ديافيا ؟

[safyyyyy]

السلام عليكم و رحمه الله

معيا اوكتافيا a5 2007 و حصل فيها مشكله الكباس الشهيره و طبعا مش حا اجيب الاصلى بتاعها لسببين الاول سعره ( 6500 ) غير التركيب , الثانى انه بيبوظ تانى على ما سمعت

و بعد ما دورت فى المنتدى الرائع ده لقيت واحد اسمه ساندن بيركب جديد بــ ( 3500 ) و بيقوله عليه يابانى و التانى اسمه مركز اسمه ديافيا بس ما عرفتش اجمع معلومات عنه كتير

سؤالى هنا ياريت حد يقولى ساندن ده يابانى فعلا و لا مضروب و حد جربه قبل كده ؟
و ديافيا ده حد تعامل معاهم قبل كده ؟ و ايهم افضل علشان انا ان شاء الله نازل القاهره على الافضل فيهم و مش عايز اطخ المشوار ده و فى الاخر مجهودى يطلع على حاجه مضروبه

اسف على الاطاله

[roland_yamaha]

ساندن كل شغلهم في الياباني معرفش ديافيا متعملتش معاهم قبل كده حاول تجيب رقمهم من الدليل هما في حدايق القبة

[safyyyyy]

ساندن كل شغلهم في الياباني معرفش ديافيا متعملتش معاهم قبل كده حاول تجيب رقمهم من الدليل هما في حدايق القبة

اشرك يا استاذ هانى على الرد بس حضرتك تعاملت مع ساندن ؟

[roland_yamaha]

صراحأ لا بس ناس اصدقائي اتعاملو معاه وبيشكرو في م/سمير مدير المركز وكفاية انه بيديك ضمان سنة علي شغله

[safyyy]

صراحأ لا بس ناس اصدقائي اتعاملو معاه وبيشكرو في م/سمير مدير المركز وكفاية انه بيديك ضمان سنة علي شغله

انا رحت امبارح عند ساندن و ركبت الكباس الحمد الله و كان مكتوب عليه صناعه امريكيه مش يابانى و فعلا استاذ سمير محترم جداو الحمد لله خلال طريق عودتى من القاهره الى الاسكندريه كان التكييف فوق الممتاز الحمد لله .. يارب ما يحصلش فيه اى حاجه لان فيه ناس بتشكننى و تقولى ده صينى مش يابانى و لا حتى امريكى و على فكره التكلفه كانت 3600 تغيير كباس و تغيير فلتر

[safyyy]

نسيت برضه اقلكم انى سئلت فى ديافيا و قالولى ان الكباس بتاع a5 خلص و حا يجى على الموسم الصيف القادم و صناعته مجرى و بيديك عليه ضمان 6 شهور و سعره 3850

[mohd7380]

ليه مجبتش استيراد ب 700 او 1000 بالكتير ؟؟؟؟؟؟؟؟؟؟؟؟؟

[mido51eg]

انا روحت ديافيا السنة اللي فاتت وواضح ان المركز محترم وكبير ونضيف انما معجبنيش الراجل صاحب المركز. بيتكلم من طرطوفة مناخيره وعامل نفسه دكتور وبيشتغل غناوة ومارضيتش اعمل حاجة عنده وسبته ومشيت.

[safyyy]

ليه مجبتش استيراد ب 700 او 1000 بالكتير ؟؟؟؟؟؟؟؟؟؟؟؟؟

الاستيراد بيكون نفس كباس العربيه و ده فيه عيب يعنى لو جبته كان حا يبوظ تانى حسب ما سمعت

[safyyy]

انا روحت ديافيا السنة اللي فاتت وواضح ان المركز محترم وكبير ونضيف انما معجبنيش الراجل صاحب المركز. بيتكلم من طرطوفة مناخيره وعامل نفسه دكتور وبيشتغل غناوة ومارضيتش اعمل حاجة عنده وسبته ومشيت.

هوا فعلا مركز كبير و هوا توكيل لكباس مجرى مش فاكر اسمه الصراحه و عندهم مصنع كمان فى 6 اكتوبر بس كويس انى ما رحتش لانه لو اتعوج ما كنش حا يبقى فيه غير ...........

بس يارب ساندن ده يطلع محترم هوا كمان و ما يكونش حاططلى حاجه مضروبه

[roland_yamaha]

الف مبروك يا باشا

[safyyy]

الف مبروك يا باشا

الله يبارك فيك يا استاذ هانى و اشكرك على تعبك معايا و ادعيلى الكباس ما يحصلهوش حاجه لانى خلاص اتعقدت

[mohd7380]

ياعم كنت جبته و قعد سنة و لا اثنين و يبوظ تاني اية المشكلة اهو كنت جربت و فى نفس الوقت ممكن تكون بعت العربية و لا حاجة يلا خير مبروك على الجديد بس انا الصراحة مستكتر الرقم ال انت دفته اوي انا كباسي باظ اشتريته استيراد 700 جنيه و شحن 150 ج و مصنعية 90 ج و طالع ثلاجة ماشاء الله و بقاله سنة شغال و لا كلمة و لو باظ مش هازعل عليه عمل بتمنه

[safyyyyy]

ياعم كنت جبته و قعد سنة و لا اثنين و يبوظ تاني اية المشكلة اهو كنت جربت و فى نفس الوقت ممكن تكون بعت العربية و لا حاجة يلا خير مبروك على الجديد بس انا الصراحة مستكتر الرقم ال انت دفته اوي انا كباسي باظ اشتريته استيراد 700 جنيه و شحن 150 ج و مصنعية 90 ج و طالع ثلاجة ماشاء الله و بقاله سنة شغال و لا كلمة و لو باظ مش هازعل عليه عمل بتمنه

المشكله انى ما اعرفش حد بتاع استيراد و انتا عارف ان الموضوع ده لازم تكون عارف حد علشان ما يدكش حاجه بايظه ( لازم واسطه يعنى ) بس الحمد لله ادينى شغلت الجديد و ادعيلى بس ما يطلعش مقلب لانى بدات اخاف

[roland_yamaha]

ان شاء الله الجديد يكون كويس معاك ويعيش
وانا ان شاء الله هغير الكباس عندي بتاع كيا سيفيا 2 هجيبه استيراد بس قدام شوية
علي فكرة في حاجة مهمة المفروض تتغير مع اي كباس جديد وهو الفلتر الالومنيوم اللي شبه الكوز عشان بيبقي مليان شوائب وبيبوظ الكباس الجديد اتمني تكون غيرته عندك اثناء التركيب