الاسلوب الامثل لتشغيل التكييف

[mero100]

هل الصح ان الواحد يشغل التكييف و العربيه ماشيه و لا و هيه واقفه ؟؟؟
الصح ايه ؟؟

و ازاي الواحد يعرف ان التكييف شغال كويس ؟؟؟

انا مش بحس بموضوع فصل الكمبرسور

[towfeq]

في حاجة مهمة لازم تعرفها اولا غلط جدا تشغيل التكييف و انتا ماشى و سايق و واخد غيار و دايس بنزين .. الكلام ده غلط جدا
لما تيجى تشغل التكييف وانتا واقف بالعربية لسه متحركتش تشغل عادى جدا و تدى الاول و تتحرك بالسياره ده تمام و هتسمع صوت التكه بتاعت الكلاتش بتاع الكومبروسور و هتلائى صوت العربية عالى سنة يعني RPM زاد شويه..
نيجى و انتا ماشى على الطريق و واخد غيار و قارص فى العربية (عشان الكلام ده مهم)
لازمممممممممم تمور العربيه الاول و لحد ما rpm ينزل للعادى بتاعه بتاع التمويير (يعني فوق الواحد بشويه)
و بعدين تشغل التكييف و يفضل بالتدريج من 1 ولو حبيت تزود عادي مش لازم تمور تاني..و بعدين تاخد غيارك تانى اللى انتا كنت واخده بعد كده و تدوس بنزين . لانك و انتا ماشى على السرعات العاليه سرعه دوران الموتور اعلى بكتيير من و هيا مموره و بتالى لما تشغل التكييف الكمبروسور هأخد سرعة الموتور مره واحد و الكلاتش بتاعه مع الخطفة السريعة دى ممكن يبوز او يتصلب ( كأنك بتخطف الكباس للتشغيل بسرعه عاليه جدا مرة واحده) و ده خطر جدا..

منقول بتصرف

[elbeer2002]

مافيش كلام بعدالى أنت قولته

[towfeq]

شكرا يا كبير

[SamerBassiouny]

في حاجة مهمة لازم تعرفها اولا غلط جدا تشغيل التكييف و انتا ماشى و سايق و واخد غيار و دايس بنزين .. الكلام ده غلط جدا
لما تيجى تشغل التكييف وانتا واقف بالعربية لسه متحركتش تشغل عادى جدا و تدى الاول و تتحرك بالسياره ده تمام و هتسمع صوت التكه بتاعت الكلاتش بتاع الكومبروسور و هتلائى صوت العربية عالى سنة يعني rpm زاد شويه..
نيجى و انتا ماشى على الطريق و واخد غيار و قارص فى العربية (عشان الكلام ده مهم)
لازمممممممممم تمور العربيه الاول و لحد ما rpm ينزل للعادى بتاعه بتاع التمويير (يعني فوق الواحد بشويه)
و بعدين تشغل التكييف و يفضل بالتدريج من 1 ولو حبيت تزود عادي مش لازم تمور تاني..و بعدين تاخد غيارك تانى اللى انتا كنت واخده بعد كده و تدوس بنزين . لانك و انتا ماشى على السرعات العاليه سرعه دوران الموتور اعلى بكتيير من و هيا مموره و بتالى لما تشغل التكييف الكمبروسور هأخد سرعة الموتور مره واحد و الكلاتش بتاعه مع الخطفة السريعة دى ممكن يبوز او يتصلب ( كأنك بتخطف الكباس للتشغيل بسرعه عاليه جدا مرة واحده) و ده خطر جدا..

منقول بتصرف

100 100

[ahmed.zahra]

هو ده الكلام المظبوط

[hessenp]

معلومة جميلة

[medododo]

كلام 100 100
ماعدا البدء بسرعة 1
هو كده كده الكمبروسر اشتغل السرعة دي سرعة المروحة ويفضل عند بداية التشغيل فتح المروحة على اعلى سرعة مع فتح النوافذ جزء بسيط لطرد الهواء الساخن من السيارة ثم اغلاق النوافذ مع الاحتفاظ بالسرعة العالية لمدة بسيطة وليكن 5 دقائق لينتشر الهواء البارد بسرعة في السيارة مما يقلل الحمل على الكمبروسر ثم تخفيض السرعة بعد ذلك

[lanos_power]

كلام 100 100
ماعدا البدء بسرعة 1
هو كده كده الكمبروسر اشتغل السرعة دي سرعة المروحة ويفضل عند بداية التشغيل فتح المروحة على اعلى سرعة مع فتح النوافذ جزء بسيط لطرد الهواء الساخن من السيارة ثم اغلاق النوافذ مع الاحتفاظ بالسرعة العالية لمدة بسيطة وليكن 5 دقائق لينتشر الهواء البارد بسرعة في السيارة مما يقلل الحمل على الكمبروسر ثم تخفيض السرعة بعد ذلك

بالعكس لما تحب ان التكيف ياثر بسرعه بنجيب على السرعات البطيئه و بما ان المواسير سخنه بسبب الجو و التبريد على اقصى سرعه مش بيدى بروده كافيهو بالتالى التكيف هياخد وقت اطول على ما يبتدى ياثر فى درجه حراره صالون العربيه

و ابسط مثال على كلامى العربيات اللى فيها تكيف اوتو لو شغلت التكيف اول مره اوتو هتلاقى ان المروحه بتتدرج من اقل حاجه درجه درجه لحد الاخر

[medododo]

بالعكس لما تحب ان التكيف ياثر بسرعه بنجيب على السرعات البطيئه و بما ان المواسير سخنه بسبب الجو و التبريد على اقصى سرعه مش بيدى بروده كافيهو بالتالى التكيف هياخد وقت اطول على ما يبتدى ياثر فى درجه حراره صالون العربيه

و ابسط مثال على كلامى العربيات اللى فيها تكيف اوتو لو شغلت التكيف اول مره اوتو هتلاقى ان المروحه بتتدرج من اقل حاجه درجه درجه لحد الاخر

إحنا مش عايزينه في المرحلة دي يبرد لاحظ اني فاتح الزجاج
إحنا عايزينه يطرد الهواء الساخن برة العربية بحكم ان الكثافة الأخف للهواء الساخن

[hosar]

انا مش عايز أزايد على الملاء بس زى ماقالوا بالضبط لازم تشغل التكييف و الأر بى ام منخفض جدا و كمان تكون تشغلى على السرعات من واحد لحد 3 مافيش مشكلة علشان تضمن التكييف يوصل لدرجة حرارة أفضل فى وقت أفضل

[M.Elgergawy]

معلومات قيمة وشكرا جزيلا ليكوا
والله المنتدى دا عظيم بأعضاؤه
ربنا يبارك لكل واحد عنده معلومة تفيد الآخرين

[MohssenRashed]

معلومة جديدة عليا الصراحة.

ربنا يباركلك.

[casper_Dj30]

في حاجة مهمة لازم تعرفها اولا غلط جدا تشغيل التكييف و انتا ماشى و سايق و واخد غيار و دايس بنزين .. الكلام ده غلط جدا
لما تيجى تشغل التكييف وانتا واقف بالعربية لسه متحركتش تشغل عادى جدا و تدى الاول و تتحرك بالسياره ده تمام و هتسمع صوت التكه بتاعت الكلاتش بتاع الكومبروسور و هتلائى صوت العربية عالى سنة يعني rpm زاد شويه..
نيجى و انتا ماشى على الطريق و واخد غيار و قارص فى العربية (عشان الكلام ده مهم)
لازمممممممممم تمور العربيه الاول و لحد ما rpm ينزل للعادى بتاعه بتاع التمويير (يعني فوق الواحد بشويه)
و بعدين تشغل التكييف و يفضل بالتدريج من 1 ولو حبيت تزود عادي مش لازم تمور تاني..و بعدين تاخد غيارك تانى اللى انتا كنت واخده بعد كده و تدوس بنزين . لانك و انتا ماشى على السرعات العاليه سرعه دوران الموتور اعلى بكتيير من و هيا مموره و بتالى لما تشغل التكييف الكمبروسور هأخد سرعة الموتور مره واحد و الكلاتش بتاعه مع الخطفة السريعة دى ممكن يبوز او يتصلب ( كأنك بتخطف الكباس للتشغيل بسرعه عاليه جدا مرة واحده) و ده خطر جدا..

منقول بتصرف

معلش ياجماعة انا سمعت الكلام دة قبل كدة و بصراحة مش مقتنع بدليل ان الثرموستات لما بتفصل التكيف و تشغلة تاني انت بالفعل بتكون واخد سرعة لما الثرموستات تشغلة تاني

ممكن الكلام دة يكون سليم في العربيات اللي مفيهاش ثرموستات و بالتالي التكيف مش بيشتغل و يفصل ز ي الانوس مثلا و الله اعلم

[hishamkenawy]

معلش ياجماعة انا سمعت الكلام دة قبل كدة و بصراحة مش مقتنع بدليل ان الثرموستات لما بتفصل التكيف و تشغلة تاني انت بالفعل بتكون واخد سرعة لما الثرموستات تشغلة تاني

ممكن الكلام دة يكون سليم في العربيات اللي مفيهاش ثرموستات و بالتالي التكيف مش بيشتغل و يفصل ز ي الانوس مثلا و الله اعلم

كلام سليم