هل المروحه الاضافيه علي السرنتينه هي الحل؟

[HotRide]

السلام عليكم

يا شباب انا غيرت عندي خراطيم و كومبريسور ومروحه تابلو يعني كنت بعمل احلال شبه كامل للتكيف
المهم كبست هوا ساعتين و الحمد لله العداد مقلش خالص وشحنت 134 وكنا بليل وماشاء الله بليل يعي من البرد

ولو ماشي متستحملش تجيب علي 1 من البرد

بس صبح بقي
ولا لالي
كومبروسر يفضل يفصل ويشتغل لمده ثانيتين تلاته و ثانيه مثلا و لو في زحمه يبقي انسي انو تكييف ده مروحه فقط و عشان يسقع لازم امشي في طريق مفتوح عشان يسقع شويه بس برده مش الاداء المطلوب نهائي

روحت لبتاع تكيف وكانت بنفس الحاله قالي خليك مدوور وجاب خرطوم ميه ورش علي سربنتينه و الكومبروسر شويه قام مفصلش وسقع شويه كويسين!

قالي ان هوندا سيفك سربنتينه صغيره والتبريد سىء فبيحصل المشكله ديه والحل تركيب مروحه اضافيه من امام السربنتينه لتبريد افضل

الراجل ده كلامه صح ولا في مشكله تانيه؟

[SASA3]

انا سمعت برضه نفس الكلام على اللانسر الكريستاله

بس من كلام الراجل يبقى ممكن لو ركبنا سربنتينه كبيرة شويه المشكله تتحل للافضل

و لو ركبنا مروحة المشكله هتقل بس مش اوى و كمان هيبقا صوتها عالى يعنى مروحتين تلاته شغالين كمان كتير

[dr.hazem]

اعتقد الكلام ده نظريا لو مروحة السربنتينه صغننه عليها او ضعيفه يبقى كلامه 90 % سليم

تحياتي

[Khaled Lanos]

طيب أنا رأيي لو المروحة عندك أصلا صغيرة حاول تجيب واحدة أكبر منها وشوف النتيجة.

[Mohamed Elnagar]

السربنتينه بيكون جواها فلتر حشو بينقي الفريون لو عايز يتغير غيره بس للاسف هتتضطر تشحن تاني
وعلي فكره ده سبب انا شبه متاكد منه
وخلي كهربائي يبصلك علي ريلاي مروحه الرداتير لان لو فيها مشكله مش هتخلي المروحه تشتغل كويس وتفصل كل شويه زي اللي بيحصل معاك

[lad]

اعتقد هيحل المشكلة

[ahmed_su]

هى هتحل المشكلة بنسبة كبيرة

وان كان الافضل تغير المروحة الحالية بواحدة اكبر ان امكن

وقبل كل ده اكشف على كنترول التكيف لان المروحة ليها سرعتين ساعات بتكون شغالة

على السرعة البطيئة والسريعة لاء وده بيؤدى للمشكلة اللى عندك

[koko2sue]

أنا مركب مروحه إضافية أمام السربنتينة....ولا الهوا

[weezza]

بالنسبه لكلام بتاع التكييف ان فعلا السربنتينه صغيره فانا من رايي تركب واحد اكبر فعلا ووقتها هتحس احتلاف تام في التكييف ودرجه بروده كويسه
واتاكد بردو من المروحه اللي عندك انها شغاله السرعتين وفي نفس الوقت اتاكد ان ريشها سليمه وعلى ما اعتقد ان السربتنينه المالتي فلو افضل لها

[MohammedAladel]

فى الميجان عندى السربنتينة كبيرة ولكن عندى مروحة فقط والتكييف مش قوى بس هو جيد مش ضعيف يعنى

أنا حاسس إنى محتاج أغير ألكمبرسور بواحد اقوى ودى هتبقى صعبة شوية

[Khaled Lanos]

اكشف بردو على صباع الحرارة (الثرموستات) لأن لو عليه وساخة مش هيخلي السرعة العالية للمراوح تشتغل..عن تجربة في اللانوس فكيت الشباع ده بنفسي لقيته مليان وساخة روحت اشتريت واحد جديد ونظفت دورة التبريد عشان ميتسدش تاني وعبيت مية خضرا..

فنصيحتي ليك اكشف الأول على صباع الحرارة ده ولو مسدود ومليان وساخة هات واحد جديد وعبي مية خضرا بعد ما تنظف دورة التبريد..وإن شاء الله هتلاقي تحسن كبير.