اماكن بيع الفريون

[dedomagy]

لو حد عندة خلفية عن اماكن بيع الفريون 134 وياريت ميكونش الصينى ولا اخوان رزق
لو امريكى او انجليزى او اتحاد اوروبى اى حاجة غير صينى ويكون 1 كجم والزيت 134 بردة
لانى سالت عند واحد بيشحن قالى هيشحن الامريكى ب 380 جنية :( غير المصنعية و غير الزيت :( وسؤال تانى هو لو التكيف الفريون اللى فية فضى والراجل يكشف و يقول مافيش حاجة بتسرب دة يبقى من اية ؟؟؟

[shawkylotfy]

فريون اولاد رزق ممتاز عن تجربة والعبوة الكيلو بحوالى 95 جنية واصلا عربيتك عمرها ما هتاخد كيلو
الى قالك عندى فريون امريكى بيشتغلك وهيشحنلك بقريون صينى
لو الفريون كلة فاضى طبعا فية تسريب

[dedomagy]

ماهو الفكرة اصلا انو كشف وملقاش اى تسريب وكان عندو كذا نوع فريون وكان فية اتحاد اوروبى مكتوب علية بولندا فانا مش عارف عشان كدة عايز اشوف حد اجيب منة واشحن فى اى حتة

[shawkylotfy]

ماهو الفكرة اصلا انو كشف وملقاش اى تسريب وكان عندو كذا نوع فريون وكان فية اتحاد اوروبى مكتوب علية بولندا فانا مش عارف عشان كدة عايز اشوف حد اجيب منة واشحن فى اى حتة

عند بتوع قطع غيار الثلاجات هات اولاد رزق كويس

[dedomagy]

طيب فين بتوع قطع الغيار دول ومفيش الا ولاد رزق

[kar!m]

أنا جبت من واحد فى الحرفيين اسمه البرنس .. فى شارع الكنيسه اللى هناك.

الكيلو كان ب 100 جنية.

[tarek_2005]

انزل شارع نجيب الريحاني هتلاقي ما لز وطاب

[Bonanza]

متابع بقي :)

[dedomagy]

الف شكر ويا ترى البرنس دة عندة حاجة غير ولاد رزق ولا ولاد رزق بس

[raef15]

الفريون موجود فى نجيب الريحانى و كلوت بك و الفريون الموجود كلة بيتعبى فى مصر و احسن فريون بتاع شركة تبراجاز علبة لونها ابيض و اخوان رزق علبة لونها ازرق و باقى الانواع بتبقى صينى و لو حد قالك غبر كدة يبقى بيضحك عليك مقيش لا فرنسى و لا المانى و لا اتحاد اروبى و لا الكلام دة

[dedomagy]

طيب انا دلوقتى سالت عند عشم نوار قال عندو harb 134 انجليزى ب210 الزيت + الفريون بالشحن اية النظام كدة؟؟؟؟

[shawkylotfy]

ادام انت مش مقتنع خلاص هات الانجليزى

[م. محمد نافع]

السلام عليكم
ممكن يكون التسريب من البلف بتاع الشحن نفسه ابقي خليه يكشف عليهم بعد شحن الدائرة

[midofarh]

يا بيه....انسى ان فى فريون انجليزى
...
.
طالما انت فى مصر هتشوف العجب