ضرورى ساعدونى ربنا يكرمكم

[motoxp]

انا من 20 يوم روحت اكشف على التكييف عند المراكبى قالى عايز تزود شحن روحت قولتله اشحنه ( المشكله اللى كانت عندى هى انه بيشتغل تمام بس التسقيع بالنهار ضعيف شوية المهم قالى 80 جنيه + 20 مصنعية قولتله ماشى)

بعد التزويد التكييف هوه هوه بليل ثلج بالنها ر مروحة سقف ولالالالالالالالاكن

بقاله 7 ايام و التكييف لما بيفصل بحس بنتشه كده فى الكومبريسور او الماتور مش عارف من مين فيهم ( تقريبا الكومبريسور ) بس بتبان وانا واقف ولاكن و انا ماشى بتبقى مش ملحوظة اوى


ايه الحل هل الكومبريسور باظ ولا ايه ؟ ( ايه علامات تلف الكومبريسور )

هل الفريون مضروب اللى زود بيه ؟ ( انبوبة غريبة كده ومعاها عداد مضروب شكله )

اعمل ايه اكمل عليه ولا افضيه واشحن من جديد ؟

ارجوكم ساعدونى ورمضان كريم

[weezza]

بص يا باشا لو قصدك على العربيه الفيات سيينا فدا سببه ان العربيه دي عازل الحراره بتاع العربيه كلها مش تمام وده بيكون السبب في ان حراره الشمس بتدخل العربيه

انما لو عربيه تانيه ممكن يكون مشكله فريون او مشكله انضغاط الفريون مش مضبوط
قولي بس نوع العربيه ايه؟

[motoxp]

النترا 2006 الشكل القديم اللى فى توقيعى

[weezza]

بص يا باشا روح لبتاع التكييف بس بالنهار وخليه يراجعه ويشوف الكومبريسور بيفصل قبل ما يوصل لدرجه البروده المطلوبه ولا ايه؟ لو كان بيفصل بدري ممكن يكون في شحنه زياده او ناقصه بس اهم حاجه يراجعه بالنهار

وبالنسبه للكومبريسور طبيعي انه يعمل صوت تكه وهو بيفصل وتكه وهو بيشتغل

[weezza]

بقولك يا باشا
هو انت بتغسل السربنتينه بتاعت التكييف اصلا؟؟؟