التكيف مش بيكيف

[ebn_mesr]

السلام عليكم ورحمة الله وبركاته
تحية طيبة الى كل اعضاء المنتدى الكرام
احب استفسر منكم على مشكلة عندى فى تكيف العربية النوبيرا 2 كان مش بيطلع اى بروده خالص روحت لواحد بتاع تكييف قالى هو بس عايز شحن وشحنته اول شهر 7 اللى فات ده واشتغل زى الفل لمدة 10 ايام تقريبا وبعد كده حسيت انه ابتدى يضعف ودلوقتى وصل للحال اللى كان عليه قبل الشحن روحت لواحد تانى قالى ده عايز بلف كباس وشحن من جديد المهم سألته كام تكلفتهم قالى البلف ب250جنيه والشحن زيهم تقريبا يعنى الاجمالى 500جنيه المهم انى روحت لواحد تانى قال نفس الكلمتين مع الاختلاف الشاسع فى السعر قالى البلف ب160جنيه والشحن ب130جنيه يعنى الاجمالى 290جنيه المهم انا اتبرجلت ومش عارف اعمل ايه وياترى لو انا حبيت اشترى البلف ده مع نفسى واوديه لحد يركبه ايه افضل نوع اشتريه؟؟؟
معلش انا طولت عليكم بس انا بجد نفسى الاقى حل وارتاح من مشكلة التكييف دى وشكرا جزيلا لكم.

[alto_nx]

عندى نفس المشكلة و بتاع التكيف قالى بلف كنترول ب 150 جنيه

وشحن 120

[alto_nx]

بس المهم تتاكد ان المشكلة من البلف ياعنى يعملك اختبار دورة تكيف

[Mahmoud.Fathy]

خلى حد بتاع تكييفات محترم يشوف فين التسريب قبل ما تغير اى حاجة .... اكبس فريون وشوف التسريب منين .... غالبا الراجل التاني اللى قالك 160 و 130 دا هو الصح

[ebn_mesr]

شكرا جزيلا لردودكم بس المشكلة انى للاسف ماعرفش اى حد بتاع تكييف متأكد انه محترم وفاهم...

على فكرة انا فى الغردقة مش القاهرة.

[mahmoudysf]

الاول ده حرامي رسمي
البلف او الكنترول بيعمل بتاع 150 والشحن 150

[elpasha1]

خلى حد بتاع تكييفات محترم يشوف فين التسريب قبل ما تغير اى حاجة .... اكبس فريون وشوف التسريب منين .... غالبا الراجل التاني اللى قالك 160 و 130 دا هو الصح

+11111111

[mailo]

البلف ده لو إنت اللي اشتريته هيعملوا 80 جنيه مثلا
والشحن هيكون 120 150 حاجة كده على حسب المكان

[aliyosef]

انا كان عندى المشكله دى ودفعت 400 جنيه تمن الكونترول والشحن عند المراكبى بس كنت مبسوط بعد ماحسيت بفرق شاسع فى التبريد والفلوس مش مهم قوى مقابل ان العربيه يشتغل فيها مكان واحد ومره واحده بس
مش ادفع 200 جنيه وافضل رايح جاى على بتاع التكيف ويزلنى بفلوسى اللى انا دفعتهالوا
روح مكان كويس وخلاص
بالتوفيق

[hosam_ozo]

الشحن من 130 الى 150 و لازم تشحن طالما هتغير البلف و البلف فى منه كذا سعر بس الماكسيمم بتاعه 130 جنيه و فى منه ب 50 و فى ب 80 و انا شوفت الكورى منه من مستورد ب 120 جنيه تقريبا يبقى كله بتاع 250 جنيه

[engwael]

قبل ماتشتري اوتعمل اي حاجة لازم تتاكد التسريب فين يعنى تراجع الوصلات الخارجية والداخلية للتكييف

[MMamdouh]

البلف الاصلى ب150

طالما الفريون هرب يبقى فية تسريب... مينفعش تشحن على كدة لان الفريون هيتسرب تانى

MMamdouh