اضحك عليا في شحن التكييف

[refaat100]

السلام عليكم :

انا قولت اقول الكلام ده علشان الناس تعرف وما يضحكش عليها انا رحت اشحن التكييف وقبل ما اشحنه عملت كبس للدوره بالكامل وبعد كده شحنت وكله تمام ودفعت الفلوس زي المحترم وبعد ما طلعت شغلت التكييف ما اشتغلش نقدر نقول كويس الا عند 4 فرجعت للراجل تاني فقاس الفريون قاللي ده كله تمام وبعد شويه قاللي دي محتاجه (سيكس بالف) ب 180 - 250 جنيه المهم اضايقت منه نايل موتورز - NileMotors.net احنا مانقدرش نعرف الا بعد شحن الفريون هنضطر نجيبه ونشحن فريون تاني.

الراجل ده اشتغلني ولا ايه اللي حصل.

شكرا لكل الاعضاء

[AlGazar2]

و الله يا باشا معرفش بس المفروض انه يعرف ايه الى بايظ قبل ما يشحن
و لو نصاب يبقى ربنا يتوب عليه و يعوض خير ان شاء الله

[maio_do]

معنى الكبس انه كشف عليها بالهواء فى الاول ببساطة شديدة حتى لو مش هو اللى بواظ السلك دا

يبقى عيبه انه شحنلك من غير مايعرف العيب وانها مش هتشتغل يبقى انت معاك حلين يا تنزل عند واحد تانى وتكشف عليها من غير ماتقوله حاجة حصلت وتشوف هيقولك اية

ياما تخليه يغرلك السلك دا ويشحنلك فريون على حسابه واتكلم معاه ناشف انه لازم يشتغل بعد السلك مايركب

الناس مبقاش عندها ضمير وبتستحلل الحرام حتى لو مش هيسرقك يبقى حرام عليه انه فاتح فى حاجة مبيفهمش فيها وربنا يعوض عليك

[refaat100]

طيب ما حدش يعرف حد يراعي ربنا في شغله بتاع تكييف في مدينة نصر

[ahmedhilmy]

بتوع التكييف دول النسبه الأكبر منهم و لا عندهم ضمير و لا بيفهموا حاجه من اساسه و ربنا يعوض عليك

[AlGazar2]

فى واحد بتاع تكييف فى المعادى اسمه محمد سعيد او احمد سعيد تقريبا الناس بتشكر فيه

[golden_web_2007]

انا ماتعاملتش مع واحد بتاع تكييف محترم فى البلد دى نهائى ..

استغلال و نصب و تحـوير و هبل .. و كل اللى تقدر تقوله ..

انا مرة روحت اصلح التكييف بعد حادثة عملتها بالعربية و عملى لستة طويلة بمشتريات اكتشفت انها كانت استعمال عنده و محاسبنى عليها انها اصلية ..

دفعت 1500 جنية فى شوية كلام فارغ و يا دوب التكييف عاش معايا شهرين بس و فى اخر الصيف رجعت نفس مشاكله تانى من الاول .. ولا اكنى عملت حاجــة ..

و جــارى البحث عن صنايعى بنى ادم فى البلد دى ..

تفتكروا هــــلاقى !!

[tarek_2005]

اولاً الاراجل بتاع التكيف مشتغلكش ولا حاجة بفرض انك رايح بالعربية مفيهاش فريون فالاجراءات الي قام بيها هيا الاجراءات الطبيعية ومن ثم اكتشف تلف بلف الضغط اما لو رايحله والعربية فيها فريون يبقي صنايعي مش محترم
انا بتعامل مع مطراوي في شارع دمشق رجل امين واسعاره مهاودة واهم حاجة فاهم كويس

[MMamdouh]

لو البلف اللى فى الكومبريسور تالف مش هيبان انة تالف الا لو الدورة مشحونة فريون... اساسا اعراض تلف البلف هو ان التكييف مش بيبرد كويس و دورة الفريون مشحونة للاخر بالتالى اللى عندك دة طبيعى

واضح ان عندك تسريب فريون بسيط جدا و هو اللى فضا الدورة بمرور الوقت و كمان البلف تالف فا لما الراجل شحن ظهر عيب البلف... كدة كدة هتغير الفبلف و تعيد شحن الدورة بس نصيحة دور على التسريب الصغير دة الاول عشان متفضيش فريون تانى

انا بتعامل مع محل المراكبى اللى فى جسر السويس اما بوابة 5 لنادى الشمس

MMamdouh

[MohammedAladel]

اولاً الاراجل بتاع التكيف مشتغلكش ولا حاجة بفرض انك رايح بالعربية مفيهاش فريون فالاجراءات الي قام بيها هيا الاجراءات الطبيعية ومن ثم اكتشف تلف بلف الضغط اما لو رايحله والعربية فيها فريون يبقي صنايعي مش محترم
انا بتعامل مع مطراوي في شارع دمشق رجل امين واسعاره مهاودة واهم حاجة فاهم كويس

طيب مطراوى بيشتغل فى كل الأنواع ؟؟

وبالنسبة للفريون إيه أحسن نوع ؟؟ وزيت الكباس برضه إيه الأنواع المتوفرة ؟

[MohammedAladel]

لو البلف اللى فى الكومبريسور تالف مش هيبان انة تالف الا لو الدورة مشحونة فريون... اساسا اعراض تلف البلف هو ان التكييف مش بيبرد كويس و دورة الفريون مشحونة للاخر بالتالى اللى عندك دة طبيعى

واضح ان عندك تسريب فريون بسيط جدا و هو اللى فضا الدورة بمرور الوقت و كمان البلف تالف فا لما الراجل شحن ظهر عيب البلف... كدة كدة هتغير الفبلف و تعيد شحن الدورة بس نصيحة دور على التسريب الصغير دة الاول عشان متفضيش فريون تانى

انا بتعامل مع محل المراكبى اللى فى جسر السويس اما بوابة 5 لنادى الشمس

mmamdouh

طيب هو إيه اللى بيخلينا نشحن فريون باستمرار بالرغم من سلامة الدورة ( أقصد إيه اللى بيخلى الفريون يقل ؟)

[dr.hazem]

طيب هو إيه اللى بيخلينا نشحن فريون باستمرار بالرغم من سلامة الدورة ( أقصد إيه اللى بيخلى الفريون يقل ؟)

لو الدورة سليمه مش هتشحن فريون..

Sent from my SE Arc S using Forum Runner

[MMamdouh]

طيب هو إيه اللى بيخلينا نشحن فريون باستمرار بالرغم من سلامة الدورة ( أقصد إيه اللى بيخلى الفريون يقل ؟)

مينفعش تشحن الدورة بشكل متكرر و تبقى سليمة... كدة يبقى الدورة فيها تسريب بسيط

MMamdouh

[kar!m]

أنا كنت بتعامل مع ديافيا و قال لي كبس دورة الفريون بالهوا غلط .. و ديافيا فعلا بيكبس بفريون .. و من أكتر الناس المحترمين اللي اتعاملت معاهم.

[dr.hazem]

أنا كنت بتعامل مع ديافيا و قال لي كبس دورة الفريون بالهوا غلط .. و ديافيا فعلا بيكبس بفريون .. و من أكتر الناس المحترمين اللي اتعاملت معاهم.

ولما يكبس بفريون ويطلع في تسريب يفضي الشحن وبعدها يعالج وبكبس تاني ويتضح انه في تسريب تاني فيفرغ ويعالج ويكبس ثالت...
لو كغن الفريون ببلاش زي الهوا كنت قلتلك عادي انما الكلام ده مش منطقي...
ده احيانا بيبقى التسريب بسبب اويلسيل معفن تمنه 5جنيه يقوم الواحد يشحن فريون ب150 ويطيرهم عشان مشكلة ب5جنيه...

الهاو بيتاخد فاكيوم عادي...
تحياتي

Sent from my SE Arc S using Forum Runner