عايز اشحن فريون بالاسكندريه

[islamnasser10]

السلام عليكم ورحمة الله وبركاته
التكيف عندي بيطلع هوا بس مش بيسقع خالص
عايز اشحنه واكشف علي التكيف لو فيه تسريب ولا حاجة
اروح لمين كفاءة في اسكندريه وميكنش مبالغ في سعره
والشحن هيتكلف كام ولو فيه اي ملاحظات مثلا اغسل حاجة سربنتينة التكيف ولا اعمل ايه علشان اداء التكيف يعلي مع العلم ان اللانوس ملهاش فلتر تكيف علشان اغيره
شكرا

[islamnasser10]

ولو لغيت السخن اداء البارد هيتحسن ولا ملوش علاقة

[aldesha989]

انا ابن خالتى اللى شحنلى التكيف لو عايز رقمه ابعتلى رساله هبعتلك فيها رقمه ومش هيأخد كتير ان شاء الله وهيكشف معاك لو فى تسريب وبالنسبة للسخن فا انا رائى انك تخلى كل حاجه على ما هى عليه افضل لكن اللى اعرفه ان الاداء بتاع التكيف بيتحسن لما بتلغى السخن

[darsh_alex]

تعاملت مع كهربائي اسمه بلال بميدان الساعة قرب البنك الأهلي ، يكشف الأول على التكييف ويظبطه وبعدين يشحن وسعره كويس

[heshamfathi]

انا لسه شارى لانوس 1موديل 1999 وعندى نفس المشكله ولسه شاحن فى العصافرة عند واحد ورا قهوة ابو شوشة وبعدين التكيف اشتغل يومين بس وبعدين دلوقتى بيطلع هوا ب على الفاضى مش بيسقع خالص ؟؟؟؟ ممكن اى مساعدة ولو حد مجرب واحدبتاع تكيف يمون خبرة وامانة ياريت يكتب اسمه ورقمه وعنوانه علما انى من الاسكندرية وشكرا وجزأكم اﻷع خيرا...... رمضان كريم

[shaddadfalcon1]

انا اعرف واحد شغال عنده من كذا سنه بس في كفرالدوار وهو فوق الممتاز وبييديك ضمان شهر لو حاجه حصلها حاجه ومهما اشتغل في العربيه مش بياخد مصنعيه يعني يادوب تمن الحاجات اللي بتتغير والشحن وبيشحن بجهاز وفريون امريكي مش صيني زي معظم الي في الأسكندريه وحتي بشحنو بالموتور والانبوبه وخلاص

هو مكانه علي الزراعي بعد نقطة اسعارف كفر الدوارا علي طول في جامع بتدخل من جنب الجامع علي طول في شمال هتلاقيه في وشك واسمه هشام عماره ولو هتروح شوف اي يوم انا دلوقتي عند اهلي هناك وشغلي في الأسكندريه ممكن اروح معاك

[aldesha989]

انا لسه شارى لانوس 1موديل 1999 وعندى نفس المشكله ولسه شاحن فى العصافرة عند واحد ورا قهوة ابو شوشة وبعدين التكيف اشتغل يومين بس وبعدين دلوقتى بيطلع هوا ب على الفاضى مش بيسقع خالص ؟؟؟؟ ممكن اى مساعدة ولو حد مجرب واحدبتاع تكيف يمون خبرة وامانة ياريت يكتب اسمه ورقمه وعنوانه علما انى من الاسكندرية وشكرا وجزأكم اﻷع خيرا...... رمضان كريم

انتا كده عندك تنفيس فى الدوره ولازم كشف بهواء مضغوط الاول قبل الشحن
فى واحد عند سينما مترو فى الشارع اللى جنبها بالظبط شركة اسمها الشركة المتحده

انا لسه شاحن عنده ب 130 جنيه كبس هواء على الدوره على 250 وسابها شويه وبعدين عمل فاكيوم وغيرت ابر الشحن بالمره وحط زيت كباس وشحن وغسل السربنتينه كل ده بال 130 جنيه والحمد لله التكيف كويس مش ممتاز نظرآ لان الكباس البلف بتاعه بايظ

[heshamfathi]

طب انت عملت الكلام ده من قريب ؟؟ ولامن امتى بالزبط
وياريت لو معاك رقمه تبقى مشكور اوى

[Deshahcoka]

محمد حسن الكهربائي :) ده الكينح يا بشوات :) حيجيب معاك من الاخر :) بس هوا شغال عربيات عالية معرفش ايه نظامة قوي يعني كنت بصلحة عنده البي ام ! هوا ليه فرع ورا مستشفى الميري و نقل في المدينة الصناعية الحرفيين اسأل عليه :) عنده مركز صيانة ياخد 500 عربية :)

[aldesha989]

طب انت عملت الكلام ده من قريب ؟؟ ولامن امتى بالزبط
وياريت لو معاك رقمه تبقى مشكور اوى

قبل رمضان بيومين للاسف ماعيش رقمه