التكيف وارتفاع الحرارة

[ibrahem_elkhabery]

مساء الخير على كل البطاوية كان ليا استفسار بسيط ياريت تفيدونى بية
انا مايا عربية لانسر 1993 البطة والحمد الله حالتها ممتازة وتكيفها شغال
ولكن فى يوم كنت رايح مدينة 6 اكتوبر الصبح والجو كان حرا جداااااا واول مخلصت المحور لاقيت ان مؤشر الحرارة ارتفع جداااااا وطبعا كنت مشغل التكييف فقمت واقف وبصيت على المية اللى فى القربة لاقيت ان الفربة مليانة مية على اخرها والفايض بينزل مع انها مكنتش مليانة اوى كدة والحكاية دى ابتدت تحصل كذا مرة الحرارة ترتفع والمية اللى فى الماتور تبتدى ترد على القربة مرة تانية وانا بخاف اشغل التكييف لحسن الماتور يبطوظ حد يقولى اية السبب لو جد حصلتلوا نفس المشكلة واروح لبتاع التكييف واروح فيين وشكرا

[elpasha1]

نظف الردياتير كويس وابقى قول لى على النتيجة

[CaptaiN-AhmeD]

اعمل دورة للردياتير كويس ومتملاش القربه للاخر هي قبل النص بحاجه بسيطه
متابع

[a_arazik]

شكل كدة المراوح مش بتشتغل علي السرعة التانية اتأكد منها

[akmm]

موضوع مهم لكل العربيات ........... ومتابع ...............

[ibrahem_elkhabery]

شكرا ليكوا جدااا على اهتمامكوا وهعمل كدة انشاء الله وهقولكم على النتيجة

[lad]

ممكن المروحة مش بتشتغل

[akmm]

عملت ايه .................. طمنا ..............

[wghazi]

ان شاء الله مايطلعش السبب اللى ح اقولك عليه بس برضه اتاكد
انا كان نفس الموضوع بيحصل عندى فى العربيه القديمه وعملت كل اللى الناس قالتلك عليه من المروحه للردياتير لدرجه انى غيرته وفى الاخر لقيت السبب هو جوان وش السلندر

ياريت تطمتا

[matrx]

متابع

نفس المشكلة بالظبط عندي ورحت للميكانيكي وقالي كلة تمام وبتاع التكيف كلة تمام المشكلة مازالت قائمة ومش عارف الحل اية المروحة بتشتغل تمام بس لاحظت انها لما العربية بتسخن جامد بتقف عن العمل

متابع

[dr.hazem]

تسليك راديتير مع تغيير غطا الراديتير..
تحياتي

Sent from my tab using Forum Runner

[momo100010]

يا جماعة الموضوع اسهل من كده
وهو الترموستات
غير الترموستات او شيلها والموضوع هيتحل ان شاء الله :)
الموضوع دا حصل معايا
والصنايعي ابن ستين تييييييييييت قالى جوان وعملناه وبرده العيب كان لازال موجود
واتخانقت معاه ورحت لواحد تانى شال لى الترموستات وقال لى انه عيب تيرموستات
واغلب الصنايعية حافظين مش فاهمين
وابقى طمننا

[ibrahem_elkhabery]

يا جماعة الموضوع اسهل من كده
وهو الترموستات
غير الترموستات او شيلها والموضوع هيتحل ان شاء الله :)
الموضوع دا حصل معايا
والصنايعي ابن ستين تييييييييييت قالى جوان وعملناه وبرده العيب كان لازال موجود
واتخانقت معاه ورحت لواحد تانى شال لى الترموستات وقال لى انه عيب تيرموستات
واغلب الصنايعية حافظين مش فاهمين
وابقى طمننا

الكلام دة مش سليم اشيل الترموستات اللى هيا مسئولة عن ظبط درجة الحرارة وتقولى الحل بسيط لا طبعا

[ibrahem_elkhabery]

حد يعرف بنزينة فى القاهرة بتنظف الريداتير

[JAM]

عملت ايه ياباشا