كباس التكيف

[hplv]

السلام عليكم
انا عندى سيارة لانسر 2010 اتوماتيك
-التكيف كان اداءه مش كويس المهم رحت عند حد شغال فى المكيفات وقالى محتاج شحن علشان الضغوط بتعلى وبتحمل على الموتور المهم شحن فى دقيقتين
-والان لمكيف دلوقتى شغال كويس واقدر اقول بنسبة 80 % مرضى -بس لما بشغله كل نص دقيقة او اقل اسمع صوت المكيف بيفصل صوت تكة كدا ويرجع يشتغل بعديها بكام ثانية فهل ده عادى ولا ايه ؟؟؟؟؟؟
-وعندى المروحتين الى قدام شغالين على نفس السلك والراجل بتاع المكيفات قالى روح عند كهربائى يفصلك كل واحد لواحدها علشان كدا غلط ؟؟؟؟؟هل كلامه صح ؟؟؟؟

[chiko]

طبيعي تسمع تكه لما يفصل ..ده الترموستات .. و فعلآ الفبريكا هي مروحه واحده شغاله مع التكيف و التانيه مع الريدراتير .. لكن ساعات بيشغلو الاتنين مع بعض عشان السخونه و انا شخصيآ افضل تسيبها شغله الاتنين مع بعض ..

[hplv]

طبيعي تسمع تكه لما يفصل ..ده الترموستات .. و فعلآ الفبريكا هي مروحه واحده شغاله مع التكيف و التانيه مع الريدراتير .. لكن ساعات بيشغلو الاتنين مع بعض عشان السخونه و انا شخصيآ افضل تسيبها شغله الاتنين مع بعض ..

شكرا جزيلا على الرد يا فندم
بس هوا طبيعى يقعد يفصل ويفتح كدا يعنى فى الدقيقة يجى 3 مرات مش ده كتير كدا ولا ايه مع العلم ان صوت التكة لما بتحصل الهواء البارد طالع عادى

[chiko]

طالما التبريد كويس يبقي تمام .. ده معناه ان التكيف شغال بشكل ممتاز .. هتلقي بتاع التكيف خفف الترمستات شوية .. و ده شيئ كويس عشان الضغط علي الماتور و السخونه و البنزين .. بشرط ان تبريد التكيف يكون كويس طبعآ

[reda elgohary]

لو سمحتن كنت عاوز أعرف الكباس لو فيه مشكلة أن دخل فيه طين هل بيتصلح ؟ ولو هيتغير تقريبا بكام ؟.

[chiko]

ممكن يتنظف بالضغط .. و لازم الدوره كلها تتنظف .. لكن لو ضايع يبقي هتجيبه استراد الاصلي او جديد و غالبآ كوري او امريكي مضروب ..لان مفيش اصلي هما بقولو عليه امريكي ..و مكتوب عليه عادي جدآ لكن مش اصلي و سعره حوالي 1450 ج

[a_arazik]

تكيف اللانسر كدة بيقعد يفصل كل 30 ثانية او اقل لا تقلق يا عزيزي

[hplv]

طالما التبريد كويس يبقي تمام .. ده معناه ان التكيف شغال بشكل ممتاز .. هتلقي بتاع التكيف خفف الترمستات شوية .. و ده شيئ كويس عشان الضغط علي الماتور و السخونه و البنزين .. بشرط ان تبريد التكيف يكون كويس طبعآ

احب اشكر حضرتك جدا جدا
وانا بالفعل اتاكدت ان الموضوع عادى وانه طالماالتبريد كويس يبقى مافيش مشكلة

[hplv]

تكيف اللانسر كدة بيقعد يفصل كل 30 ثانية او اقل لا تقلق يا عزيزي

شكرا يا فندم لرد حضرتك وبالفعل الموضوع طلع حاجة عادية