التكيف مش شغال

[Abo Yasso]

السلام عليكم
انا كنت عملت نص عمره للعربيه المهم ان التكيف الفريون طار
روحت لبتاع التكيف بص وشاف وشحن وبعد كده قال ان العيب فى الكنترول ولازم يتغير بكام الكنترول يا عم ب 150 و 150 شحن ولازم زيت المهم كله على بعضه 370
ماشى يا عم اشتغل بس انا حاسس انه اشتغلنى انا
االتكيف اشتغل تمام جدا عنده ومشيت من عنده تانى يوم وانا مسافر وبقول توكلت على الله
مفيش اى حاجه هواء طالع عادى جدا مفيش تسقيع تماما
معلش يا جماعه ممكن المساعده عشان انا هاروح لبتاع التكيف ده تانى ومش عاوزه يشتغلنى
ارجوكم افيدونى
رجاء خاص بالنصيحه من الاستاذ ممدوح و الاستاذ طارق

[man1968]

حضرتك وضح لينا الصورة اكتر

بص حضرتك الوصف بتاعك مش دقيق لازم تحدد انت حاسس ان كلاتش التكييف لقت ولا لاء
ممك يكون فيوز ضرب او لارية الخاص بالتكييف الارية والفيوز موجوديين فى علبة فيوزات بحوض الموتور
دة احتمال لو حضرتك مش بتسمع صوت التكة بتاعة تشغيل الكلاتش وممكن ايضا لو الكلاتش مششغال يكون شحن الفريون طار من اى تسريب ممكن من البلف اللى شحن منة فالافضل تروحلة ويشوف فية اية لو الشحن طار يبقى مسئولية الكهربائى