مشكلة دايخ علي حلها

[karimkemo]

السلام عليكم . كل سنة وانتم طيبيين
انا معايا كيا برايد سيدان اتوماتيك كنت بسمع صوت تخبيط وانا ماشي مستمر وانا بركن اسمع خبطة واحدة مع كسرة الدركسيون وبعدين تختفي
غيرت مساعدين وعلبة دركسيون وكبالن وكاوتش ميزان وبارات وكل حاجة في العفشة جديدة ولسة الصوت دة موجود لقيت الاكس بتاع الكوبلن اليمين كان ملحوم في الكوبلن . قولت يبقي اكيد كان بيفوت سنة او اكتر ودة اللي بيعمل الصوت فغيرته وجبت بدالة واحد استيراد ولما جربت العربية بسمع التخبيط دة . بالتحديد مع السرعة وانا دايس بنزين . مجرد ما اشيل رجلي الصوت دة يختفي ودة في المشي المستقيم مش الملفات . في الملفات بسمعها برضو بالتحديد في طلعة زي بتاعة الدائري بتبقي واسعة وانا دايس بنزين والف الطارة سنة مع الطريق اسمع الصوت دة . اشيل رجلي الصوت يختفي
انا مش عارف الصوت دة سببه ايه ولا الميكانيكي عارف . ياريت تفيدوني

[mohamed_rhem]

اللي بتتكلم عنه ده

اعراض تلف الكوبلن الداخلي

بيبقي صليبة كده ليها جلب وأكس اللي بيتوصل في رأس الكوبلن الخارجي

في ناس بتودي الجلب ده لخراط بيعملها حديد او نحاس وبترجع تبوظ

فك الكبالن وبص عليها ولو لاقيتها مبوشه هات جديد لو موجود منها ولو مفيش هات استيراد

تحياتي من قسم الديهاتسو

[Abo_Mazen]

كوبلن داخلي

[karimkemo]

شكرا علي الرد
بس الكوبلن جايبة تايواني جديد مكملش شهر واحد

[karimkemo]

كوبلن داخلي

شكرا علي الرد
بس ازاي احدد اذا كان فعلا الكوبلن الداخلي هو السبب ولا لا عشان مغيروش والاقي نفس الصوت دة

[Abo_Mazen]

شكرا علي الرد
بس ازاي احدد اذا كان فعلا الكوبلن الداخلي هو السبب ولا لا عشان مغيروش والاقي نفس الصوت دة

بسمع التخبيط دة . بالتحديد مع السرعة وانا دايس بنزين . مجرد ما اشيل رجلي الصوت دة يختفي ودة في المشي المستقيم مش الملفات


دي علامات وجود مشكلة في الكوبلن الداخلي وده من كلام حضرتك

[karimkemo]

بسمع التخبيط دة . بالتحديد مع السرعة وانا دايس بنزين . مجرد ما اشيل رجلي الصوت دة يختفي ودة في المشي المستقيم مش الملفات


دي علامات وجود مشكلة في الكوبلن الداخلي وده من كلام حضرتك

تمام بس كدة اكيد هيبقي في الناحية الشمال ( الأكس القصير ) عشان انا غيرت الجنب اليمين من يومين وجايب كوبلن كامل استيراد ( داخلي وخارجي واكس )
أخلي الميكانيكي يشتغل في الجنب الشمال بس ؟

[Abo_Mazen]

تمام بس كدة اكيد هيبقي في الناحية الشمال ( الأكس القصير ) عشان انا غيرت الجنب اليمين من يومين وجايب كوبلن كامل استيراد ( داخلي وخارجي واكس )
أخلي الميكانيكي يشتغل في الجنب الشمال بس ؟

ما هو الصوت أكيد بيبقى واضح برضه ..جاي من اليمين ولا الشمال