الكمبروسر ساعه يشتغل وساعه لا

[ehab mousa]

السلام عليكم ورحمه الله وبركاته
هلا اخواني
جماعه الله يكرمكم انا جيت النهارده اشغل المكيف بتاع النترا ٢٠١٠ الكمبروسر مشتغلش اتحرك بالعربيه يشتغل ويشتغل ويفصل وساعه مش يشتغل خالص دا ايه المشكله ؟
باختصار اول لما اشغل العربيه المكيف الكمبروسر مش بيشتغل واشتغل معايه مره ويفصل ويشتغل تاني ركنت العربيه حوالي ٦ ساعات بشغل تاني الكمبروسر مشتغلش بروضو
ارجوا الافاده اكون مدين لكم بالدعاء

[broadband]

اكشف على كمية و ضغط الفريون ...لان لو الفريون قليل الكباس مش حيلقط

[haytham460]

حصل عندى الموضوع ده بس فاللانوس ولما سالت فنى التكييف قالى دة من الساعه بتاعت التكيف المسؤله عن لقط الكباس قالى عايزة تتغير بس لسه مغيرتهاش اسال بردة وانا لمااغيرها ممكن اقولك حصل ايه وربنا يوفقك فالحل

[mbx4e]

دا سويتش ضغط وكهربا وفي نوعين منه واحد للضغط العالى والتاني للواطي الفايده منهم لحماية الكومبروسر او الكباس من تشغيله عند شحنة قليله عشان مايهلكوش على الفاضي وهو بلف بيحس بالضغط لو اقل الابره مش هاتتحرك والدايره مش هاتتقفل والكهربا مش هاتوصل للكلتشلو العكس هايوصل كهربا والكومبروسر يشتغل وسويتش الضغط العالي عكسه يعني البلف لما يشتغل والابره تتحرك الدايره تفصل فايفصل دايره كهربا الكلتش فايفصل الكمبروسر والعيب سببهةممكن يبقى عيب كتاوت او فيوز او سويتشات الضغط وممكن تكشف عليهم او توصيلات بايظه او فيش عايزه تتنظف او مهزوزه يعنى كهربا وممكن يبقى عيب شحنه يعنى زياده او ناقصه "فريون"