استفسار عاجل بخصوص الكمبروسر

[فارس الواحة]

السلام عليكم :
انا رحت اعمل صيانة للتكييف ، شحن الفريون تمام و بعدها الكبروسر كان مش بيلف بيقفش المهم و السير الجلد من الاحتكاك بيطلع دخان ، قالى اخرط الكلتش خرطته مفيش فايدة ، قالى الملف بايظ غيرة الموضوع خف شوية و كان مبرد العربية و كانت تلاجة ، لكن شوية وقالى الكمبروسر عاوز يتغير لأنه بيتولع و بيسخن والمفروض انه يكون بارد ، فهل فعلا الكمبروسر لو بيسخن يبقى غلط ولازم يتغير ؟

[mbx4e]

مش بيسقع ولا في مشاكل ؟
في اصوات احتكاك او عدم نعومه ؟
المفروض يغيرلك بلية الطنبوره وبعدين انت خرطت ايه بالزبط الكلتش مابيتخرطش ولا هو عمل كدا ليه تنضيف ومساواه للابعاد ولا ايه بازبط؟ اي كباس بيبقى سخن طبيعي مش جنب الموتور والشكمان بس مولع ولالا ماعرفش
هو الطبيعي ان الكلاتش لم يكون تقيل بسبب البليه او الكباس قافش او زيته قليل وفي الحاله دي بتغير كباس وكوندسر وفلتر فريون

[فارس الواحة]

هوا بيسقع تمام و الكمبروسر بيلف تمام ، لكن بيطلع صوت تكتكه مش عارف من ايه ؟

[mbx4e]

تكتكه ازاي حدد اكتر يعني الصوت مصدره
جوا الكباس يعني احتكاك ونقص زيت ولا بيفصل ويشتغل ولا فيه ساكس بلف ولا الصوت تكته من الكلاتش بيلقط ويفصل ملووح او تركيب مش مزبوط ؟؟
ماجاوبتنيش على موضوع الخراطه دي ايه اللي تم بالزبط؟ السؤال ليه غرض عشان وصف المشكلة يبقى كامل
او الصوت مصدره خارجي مع صوت المروحه مثلا او حاجه بتخبط مع السير او حاجه فيها عدم اتزان

[mbx4e]

هو حضرتك عملت ايه مع السيفيك ركبت لها تكييف ولا عملت ايه؟ والمشكلة دي فيها ؟ولا عربية تانية

[فارس الواحة]

هو حضرتك عملت ايه مع السيفيك ركبت لها تكييف ولا عملت ايه؟ والمشكلة دي فيها ؟ولا عربية تانية

هيا اصلا فيها التكييف بتاعها عادى انا بس شحنته و عاوز اشغله