إعـــــــلان

Collapse

.

,
See more
See less

ليه التكيف مش بيسقع والعربية واقفة

Collapse
X
 
  • Filter
  • الوقت
  • Show
Clear All
new posts

  • ليه التكيف مش بيسقع والعربية واقفة

    معايا عربية هيونداى فيفا 2008 مانيوال ، العربية وأنا ماشي على الاول والتاني التكيف سيء جدا ومش بيسقع ولكن وأنا على الطرق السريعة أو بجري بالعربية بيبقى تلاجة ، هل دي طبيعة كباس ولا التكيف كده فيه مشكلة ، أرجو النصيحة من أهل الخبرة

  • #2
    مبدأيا اغسل السربنتينه الخارجيه او الكوندسر من برا بضغط مياه قوي لكن مايكونش ضغط عالي عشان ماتخربش ومايكون في اي سدد لمرور الهوا واتأكد ان المراوح السرعة العالية بتشتغل مع زرار التكييف والعربية واقفة بص على الكباس من جنب البكره او الطنبوره شوف وش البكره بيلف مع ال السير ولا واقف لازم تعمل التلات خطوات مبدأيا عشان اقدر اوجهم لطريق حل المشكلة بأذن الله

    Comment


    • #3
      المشكلة دي دوختني وبعد بحث طويل في المنتديات الاجنبية وجدت احتمالية السبب لتلك المشكلة هو :-
      1-مروحة التبريد بتاعة الريداتير والسربنتينة ما بتشتغلش بالسرعة القصوى عند تشغيل المكيف ( بيكون ليها سرعتين بطيئة وسريعة والسريعة بتشتغل مع تشغيل المكيف )
      2- الكمبريسور ضعيف ومحتاج تغيير
      -----------------
      عربيتي كانت في الضمان ولما غيرت الكمبريسور في الضمان اختفت المشكلة دي تماما

      Comment


      • #4
        المشاركة الأصلية كتبت بواسطة mbx4e مشاهدة المشاركة
        مبدأيا اغسل السربنتينه الخارجيه او الكوندسر من برا بضغط مياه قوي لكن مايكونش ضغط عالي عشان ماتخربش ومايكون في اي سدد لمرور الهوا واتأكد ان المراوح السرعة العالية بتشتغل مع زرار التكييف والعربية واقفة بص على الكباس من جنب البكره او الطنبوره شوف وش البكره بيلف مع ال السير ولا واقف لازم تعمل التلات خطوات مبدأيا عشان اقدر اوجهم لطريق حل المشكلة بأذن الله
        مشكور على الرد أخى الكريم ، هشوف وأقول لحضرتك

        Comment


        • #5
          المشاركة الأصلية كتبت بواسطة د.محمود صلاح مشاهدة المشاركة
          المشكلة دي دوختني وبعد بحث طويل في المنتديات الاجنبية وجدت احتمالية السبب لتلك المشكلة هو :-
          1-مروحة التبريد بتاعة الريداتير والسربنتينة ما بتشتغلش بالسرعة القصوى عند تشغيل المكيف ( بيكون ليها سرعتين بطيئة وسريعة والسريعة بتشتغل مع تشغيل المكيف )
          2- الكمبريسور ضعيف ومحتاج تغيير
          -----------------
          عربيتي كانت في الضمان ولما غيرت الكمبريسور في الضمان اختفت المشكلة دي تماما
          المشكلة أن العربية وأنا بحرى على الطرق السريعة بيبقى تلاجة واللى قاعد فى العربية بيشتكى من السقوعية بتاعته ، لكن وأنا ماشي فى الشوارع الضيقة والزحمة بيبقى بصراحة حاجة صعبة أوى وريحة تخنق طالعة منه
          شكله كده عاوز صيانة جامدة أو شكلى أنا هبيع العربية أحسن وأخلص منها بحاجة حديثة لانى بصراحة ماليش فى عك الصنيعية والجرى فى الورش

          Comment


          • #6
            المشاركة الأصلية كتبت بواسطة jackson_75 مشاهدة المشاركة
            المشكلة أن العربية وأنا بحرى على الطرق السريعة بيبقى تلاجة واللى قاعد فى العربية بيشتكى من السقوعية بتاعته ، لكن وأنا ماشي فى الشوارع الضيقة والزحمة بيبقى بصراحة حاجة صعبة أوى وريحة تخنق طالعة منه
            شكله كده عاوز صيانة جامدة أو شكلى أنا هبيع العربية أحسن وأخلص منها بحاجة حديثة لانى بصراحة ماليش فى عك الصنيعية والجرى فى الورش
            انا مره حصلت لي المشكلة دي وكان السبب نقص في الفريون .. زودت شحن واشتغلت تمام ... اكشف على الفريون
            [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

            Comment


            • #7
              اعتقد ان السربنتينه عاوزة تتنضف بس مش اكتر
              نضفها بالمياه بس اهم حاجة بدون ضغط مياه عشان ميبوظهاش

              Comment


              • #8

                فيه أسباب كتير ممكن تسبب المشكلة دي.. وزي ما قال الزملا ممكن نلخصها في التالي:

                1- ضعف تبريد الكوندنسر (السربنتينة الخارجية).. وده ممكن ييجي من عدم مرور الهوا بالكمية الكافية نتيجة اتساخ السربنتينة أو ضعف المروحة.

                2- ضعف شحنة الفريون... وده ممكن ييجي من نقص الفريون في الدايرة أو بطء دوران الكمبريسور أو تلف الكمبريسور..

                بطء دوران الكمبريسور بييجي نتيجة إن الموتور مش بيلف بسرعة rpm كافية.. ﻹن المفروض إن دوران الموتور ما يقلش عن 900-1000 rpm أثناء تشغيل التكييف.


                راجع الأسباب دي .. غالبا السبب مش هيخرج براها.


                ...
                [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                [I]مَثَلٌ صينِيّ[/I][/QUOTE]

                [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                [/SIZE][/FONT]
                أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                [SIGPIC][/SIGPIC]

                Comment


                • #9
                  المشاركة الأصلية كتبت بواسطة kh_talaat مشاهدة المشاركة
                  انا مره حصلت لي المشكلة دي وكان السبب نقص في الفريون .. زودت شحن واشتغلت تمام ... اكشف على الفريون
                  بكام تنظيف الدورة كاملة وشحن الفريون أو تزويده وتنصح أعمله فين

                  Comment


                  • #10
                    المشاركة الأصلية كتبت بواسطة tameem2010 مشاهدة المشاركة
                    اعتقد ان السربنتينه عاوزة تتنضف بس مش اكتر
                    نضفها بالمياه بس اهم حاجة بدون ضغط مياه عشان ميبوظهاش
                    بغسل العربية دايما وبنضفها بأستمرار وكنت لسة مغير زيت من أقل من أسبوع والراجل نضفها بالهواء

                    Comment


                    • #11
                      المشاركة الأصلية كتبت بواسطة borio1704 مشاهدة المشاركة

                      فيه أسباب كتير ممكن تسبب المشكلة دي.. وزي ما قال الزملا ممكن نلخصها في التالي:

                      1- ضعف تبريد الكوندنسر (السربنتينة الخارجية).. وده ممكن ييجي من عدم مرور الهوا بالكمية الكافية نتيجة اتساخ السربنتينة أو ضعف المروحة.

                      2- ضعف شحنة الفريون... وده ممكن ييجي من نقص الفريون في الدايرة أو بطء دوران الكمبريسور أو تلف الكمبريسور..

                      بطء دوران الكمبريسور بييجي نتيجة إن الموتور مش بيلف بسرعة rpm كافية.. ﻹن المفروض إن دوران الموتور ما يقلش عن 900-1000 rpm أثناء تشغيل التكييف.


                      راجع الأسباب دي .. غالبا السبب مش هيخرج براها.


                      ...
                      أشكر حضرتك على الرد ، تنصحنى أروح عند مين يكشف عليه ويقولى المفيد فى المشكلةدى بأمانة من غير ما يكلفنى مصاريف مالهاش لزمة ، وكنت عاوز أسأل حضرتك سؤال مهم بصفتك أستشارى الزيوت .
                      ماهو نوع زيت الموتور المناسب للهيونداى فيفا 1500 علما بانى داما ما كنت أستخدم زيت شيل الاصفر وبغيره على 3 الاف ومعظم طريقى سفر لطابا ونويبع بجنوب سيناء بشعر أن الجو الحر هناك محتاج لزوجة أكثر من كده وصوت الموتور عاوز يهدى شوية بس مش عارف أختار أى زيت يكون مناسب للعربية مع ظروف الجو والطريق ؟!

                      Comment


                      • #12
                        المشاركة الأصلية كتبت بواسطة jackson_75 مشاهدة المشاركة
                        أشكر حضرتك على الرد ، تنصحنى أروح عند مين يكشف عليه ويقولى المفيد فى المشكلةدى بأمانة من غير ما يكلفنى مصاريف مالهاش لزمة ، وكنت عاوز أسأل حضرتك سؤال مهم بصفتك أستشارى الزيوت .
                        ماهو نوع زيت الموتور المناسب للهيونداى فيفا 1500 علما بانى داما ما كنت أستخدم زيت شيل الاصفر وبغيره على 3 الاف ومعظم طريقى سفر لطابا ونويبع بجنوب سيناء بشعر أن الجو الحر هناك محتاج لزوجة أكثر من كده وصوت الموتور عاوز يهدى شوية بس مش عارف أختار أى زيت يكون مناسب للعربية مع ظروف الجو والطريق ؟!

                        للأسف الشديد أنا مش مقيم في مصر حاليا ومعرفش احوال الصنايعية عاملة إيه دلوقت.. يمكن حد من الزملا يفيدك أكتر مني في الحتة دي.


                        بالنسبة للزيت المناسب .. فإجابتي واحدة باستمرار:

                        أفضل زيت هو اللي مواصفاته مكتوبة في كتالوج عربيتك..

                        والمواصفات مش لزوجة وبس... إنما فيه حاجات تانية .. أهمها أكواد مستوى الأداء أو الجودة..

                        ببساطة.. ارجع لكتالوج عربيتك وشوف إيه هي المواصفات المطلوبة.. واشتري أي زيت من أي ماركة تستريحلها.. بشرط واحد.. إن مواصفات الزيت تكون زي الكتالوج أو أحسن.


                        المواضيع دي فيها تفاصيل أكتر.. يا ريت تاخد فكرة عنها..




                        ولو الموضوع صعب.. يا ريت تصورلنا صفحة الكتالوج اللي فيها مواصفات زيت الموتور. . وإن شاء الله نساعدك بأنسب زيت حسب الكتالوج وحسب طريقة استخدامك وأولوياتك.


                        ...
                        [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                        [I]مَثَلٌ صينِيّ[/I][/QUOTE]

                        [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                        [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                        [/SIZE][/FONT]
                        أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                        [SIGPIC][/SIGPIC]

                        Comment


                        • #13
                          المشاركة الأصلية كتبت بواسطة mbx4e مشاهدة المشاركة
                          مبدأيا اغسل السربنتينه الخارجيه او الكوندسر من برا بضغط مياه قوي لكن مايكونش ضغط عالي عشان ماتخربش ومايكون في اي سدد لمرور الهوا واتأكد ان المراوح السرعة العالية بتشتغل مع زرار التكييف والعربية واقفة بص على الكباس من جنب البكره او الطنبوره شوف وش البكره بيلف مع ال السير ولا واقف لازم تعمل التلات خطوات مبدأيا عشان اقدر اوجهم لطريق حل المشكلة بأذن الله
                          انا آسف بس حضرتك عملت حاجه من دول ؟
                          ١-نظفت السربنتينه ؟ تبريد الكوندسر بيأثر على كفائة المكيف وبالتالي بتأثر على الضغوط كمان بتأثر على الكباس فبتأثر على كفائة المكيف
                          ٢- المراوح بتشتغل مع تشغيل الكباس ؟
                          عشان نفس المبدأ مبدأ اهمية تبريد المكثف او الكوندسر او السربنتينه الخارجيه
                          ٣-الكباس يعني الكلاتش بيشتغل ويقف بالبلدي (بيفصل) الصاد عليها شده بيعني بيكرر العملية دي
                          لو عندك عدسه بيان في النظام زي اللي بتبقى موجوده في البطارية الجافة ومكانها غالبا على فلتر الفريون اوالدراير رسيفر او على المواسيربص فيها شوف فيها رغاوي كتير ولا قليلة ولا مافهاش ؟لو موجوده وضح لي ايه الحالة؟
                          والمواسير خطين:
                          A-خط الضغط الواطي او المنخفض( دا اللي بيتم عملية الشحن منه ) ودا بتبقى مواسيره اتخن ولا زم تكون معرقة مياه او منديه
                          او مافيش عليه طبقة تلج او تشميع او فروست عليها ممكن حضرتك تجسها بايدك وانت بتبص على المراوح والكباس وتقولي اي الحالة عندك ؟
                          b- خط الضغط العالي دي المواسير بتاعه ارفع وبتبقى سخنه (دا بتاع السربنتينه او الكوندسر ودا اللي فيه المشكلة عندك وبيأثر على حالة الكباس بعد فتره واسباب مشاكله الخارجيه هي :
                          1-عملية التبريد ليه ضعيف او مرور تيار الهوا ليه غير كافي لتبريده وبالتالي بيعمل حمل على الجزء اللي قبله في الدوره الا وهو الكباس وبعد فترة قليلة جدا بيسبب تلفه او عدم كفائته بشكل مرضي اثناء التشغيل.
                          واعطاله الداخلية هو :
                          2-وجود سدد بسبب لحامات فابيمنع مرور الفريون فبالتالي يمنع تبريدالفريون بشكل كافي أو تجمع لزيت الدوره او تلوث الدورة داخليا بتراب خفيف او عدم التفريغ بشكل قوي فالرطوبة او بخار الماء والهوا يغيرو من ضغط الفريون فايلعب في درجة التبريد المناسبه ليه عشان كدا بيحتاج تبريد زياده طبعا على السرعات العاليه وانت ماشي بيها
                          او
                          3- فلتر الفريون بيكون مسدود بالرطوبة والزيت بسبب العمر الافتراضي وعدم القدره على التجفيف بسبب عمليات تزويد شحن الفريون بشكل غير سليم وعدم علاج التسريبات البسيطه و تفريغ الشحن بشكل كامل ثم الشحن كامل )
                          اتمنى أكون افدتك
                          اتمنى ترد على اسئلتي عشان اساعدك والناس تستفيد

                          Comment


                          • #14
                            اخي الكريم ثلاث احتمالات تاكد منها اولا نقص في الفريون ثانيا دوران المروحة تاكد من ان المروحة تدور بلطريقة الصحيحة مش دوران عكسي لان جميع مراوح الهونداي ستاريكس الديزل مروحة اليمين تعمل بلعكس تاكد لربما الكبرسور عاطل

                            Comment

                            Working...
                            X